Veysəloğlu Şirkətlər Qrupuna 2015-ci ildə qatılan Rəhman Ələkbərov ümumilikdə 21 illik iş təcrübəsinə malikdir. Şirkətlər Qrupunda müxtəlif illərdə İstehsalat şöbəsinin müdiri, İstehsalat Departamentinin müdiri kimi çalışıb. Hazırda “Xonça” Fabrikində İstehsalat Departamentinin müdiridir. “Xonça” Fabriki ilə bağlı bir sıra layihələrə öz töhfəsini verib. Şirkətxarici layihələrdən “Azza”, “Viva”, “Sweet art” kimi şirkətlərin quruluşunda iştirak edib.

4-cü dərəcəli peşə təhsili alan Rəhman Ələkbərov bakalavr və magistratura təhsilini Azərbaycan Dövlət İqtisad Universitetinin “Qida məhsullarının texnologiyası” fakültəsində alıb.

Beynəxalq təlim və konfranslarda, kulinariya yarışlarında ölkəmizi təmsil edərək sertifikatlar və medallar qazanan Rəhman Ələkbərov beynəlxalq dərəcəli jüri, beynəlxalq dərəcəli usta, həmçinin Milli Kulinariya Mərkəzinin üzvüdür.