Məhəmmədəli Qəribli 2024-cü ildən Veysəloğlu Şirkətlər Qrupunda Mətbuat Xidmətinin rəhbəri kimi fəaliyyətə başlayıb. 2025-ci ildən isə Mətbuat Xidməti Direktoru vəzifəsinə təyin edilib. O, Naxçıvan Dövlət Universitetinin məzunudur.
1997-ci ildən media sahəsində çalışır və ölkənin bir çox nüfuzlu media qurumlarında jurnalist, redaktor, baş redaktor kimi fəaliyyət göstərib. Çoxsaylı məqalə, analitik yazı və araşdırmanın müəllifidir. Media sahəsində həm dövlət qurumları, həm də yerli və beynəlxalq təşkilatlar tərəfindən mükafatlandırılıb. Mətbuatla əlaqəli olan bir çox nüfuzlu müsabiqələrin qalibi olub, müxtəlif sertifikat və diplomlarla təltif edilib.
Azərbaycan milli mətbuatının inkişafındakı xidmətlərinə görə Azərbaycan Respublikasının Prezidenti tərəfindən təsis edilmiş “Azərbaycan milli mətbuatının 150 illiyi (1875–2025)” yubiley medalı ilə təltif olunub.
