29.09.2022Digər
Veysəloğlu Şirkətlər Qrupuna aid müasir logistika mərkəzi 200 yeni iş elanı edib

Veysəloğlu Şirkətlər Qrupu insan kapitalının inkişafına dəstəyini davam etdirir. Şirkətlər Qrupunda tədarük zəncirinin idarə olunması ilə bağlı fəaliyyət genişləndikcə yeni kadrlara da ehtiyac yaranır.

Cənubi Qafqazın ən böyük logistik mərkəzlərindən biri olan bu iş yeri Abşeron rayonunun Məmmədli qəsəbəsindədir. Fəhlə və yük avtomobili sürücüsü kimi işləyəcək şəxslərin başlanğıc əməkhaqqısı 500 AZN (və bonus) olacaq. Yeni iş yerlərinə müraciət edəcək insanlara şirkətdəki “Fəhlədən Mütəxəssisə” proqramı sayəsində karyera inkişafı ilə bağlı imkan yaradılacaqdır.

Nahar və nəqliyyat xidməti ilə təminat, öyrənməyə əlverişli mühit bu mərkəzin əməkdaşı olmağın əsas üstünlükləri sırasındadır.

İşə qəbulla bağlı maraqlananlar 055 400 85 83 və 055 253 18 06 nömrələrinə zəng edə və ya vatsap vasitəsilə əlaqə saxlaya bilərlər.

Veysəloğlu Şirkətlər Qrupuna aid müasir logistika mərkəzinin rəhbəri Co Daybel: “Şirkətlər Qrupu olaraq, çalışırıq ki, hər il 2000-nə yaxın yeni iş yeri yaradaq. Qeyd edim ki, hazırda rəhbər vəzifələrdə çalışan insanların əksəriyyəti sahədə sifariş toplayan, fəhlə olaraq işə başlamış və hazırda menecer kimi fəaliyyət göstərən əməkdaşlardır. Yəni biz insanları yalnız işlə təmin etmirik, həm də onların karyera qurmasına şərait yaradırıq”.

“Fəhlədən Mütəxəssisə” proqramı sayəsində mərkəzin sıravi heyətinin bacarıq və təcrübəsi artırılır və menecer vəzifələrinə yüksəldilir. Beləliklə, fəhlə kimi işə başlayan insanların peşəkar inkişafları təmin edilir.

Veysəloğlu Şirkətlər Qrupu (VŞQ) pərakəndə, distribusiya, logistika və istehsalat daxil olmaqla, tədarük zəncirinin müxtəlif sahələrini əhatə edən çoxşaxəli FMCG (gündəlik istehlak malları) qrupudur. Ölkənin ərzaq təhlükəsizliyi kimi strateji sahədə özünəməxsus rolu olan Şirkətlər Qrupu hazırda 19,000-dən çox insanın iş yeridir. Qrupun məqsədi əməkdaşları ədalətli, hər kəsə bərabər imkanların yaradıldığı və peşəkar inkişafı dəstəkləyən iş mühiti ilə təmin etməkdir. Bu yaxınlarda dünyada tanınmış Deloitte şirkətinin Azərbaycanda ilk dəfə olaraq təşkil etdiyi nüfuzlu Best Managed Companies müsabiqəsində Veysəloğlu Şirkətlər Qrupu qaliblərdən biri elan edilib.

28.09.2022Cəmiyyətə dəyər yaratmaq
“Necə edək ki, meyvə-tərəvəz həqiqətən faydalı olsun, zərərli yox?” – “ASAN Radio”da dinləyin

“ASAN Radio” ilə birgə təşəbbüsümüz olan “Yaxşı ki, dedin” verilişinin 28 sentyabr saat 19:05-də efirə gedəcək buraxılışının mövzusu belədir: “Necə edək ki, meyvə-tərəvəz həqiqətən faydalı olsun, zərərli yox?

Verilişin əsas qonağı Veysəloğlu Şirkətlər Qrupunun meyvə-tərəvəz satınalma üzrə rəhbəri Sərdar Ceylan olacaq. Digər qonaq qismində isə kənd təsərrüfatı üzrə ekspert Tural Cavadzadə iştirak edəcək.

Verilişin təkrarı cümə axşamı saat 14:05-də olacaq: https://www.youtube.com/shorts/ih8gcOJT39s

“Yaxşı ki, dedin” verilişini həmçinin Veysəloğlu Şirkətlər Qrupu və “ASAN Radio”nun rəsmi feysbuk səhifələrində izləyə və şərh bölməsinə suallarınızı ünvanlaya bilərsiniz.

Bu layihə cəmiyyətimizi və ekspert icmasını qida keyfiyyəti, tədarük zənciri, müştəri hüquqları, sağlam həyat tərzi mövzularında maarifləndirmək məqsədi daşıyır.

28.09.2022Cəmiyyətə dəyər yaratmaq
Məhsulların keyfiyyətinə necə əmin ola bilərik? – Anar Cümşüdovla MÜSAHİBƏ

“Məhsulun keyfiyyətindən əmin olmaq üçün təkcə ötən ildə laborator yoxlanışlara 450 min manata yaxın məbləğ sərf etmişik”.

Bazarlıq edərkən şübhəsiz ki, hər bir insanı həm qiymət, həm də keyfiyyət maraqlandırır. Xüsusilə də ərzaq alarkən keyfiyyət məsələsi ön plana çıxır. Bəs bu məhsulların keyfiyyətli olub-olmadığına necə əmin ola bilərik? Həqiqətən də qiymət keyfiyyətlə düz mütənasibdirmi?

Veysəloğlu Şirkətlər Qrupunun Biznesə Dəstək direktoru və keyfiyyətə nəzarət sahəsində böyük təcrübəyə malik Anar Cümşüdov maraqlı məqamlardan danışıb.

Anar bəy, marketdən məhsul alarkən onun keyfiyyətinə necə əmin ola bilərik? Bu məhsulların keyfiyyətini yoxlamaq mümkündürmü?

İlk növbədə yeni insanla tanış olanda nəyə fikir veririk? Onun xarici görünüşünə. Yemək haqqında da təxminən eyni şəkildə təəssürat yaranır. Məhsulun xarici görünüşü deyəndə, nəyi nəzərdə tuturam? Məhsulun qablaşdırma və ya paketləmə formasına, etiket məlumatlarına, temperatur rejimi və saxlanma şəraitinə əməl olunmasına nəzər yetirməklə onun keyfiyyəti haqqında məlumat əldə etmək olar. Ümumi qayda belədir ki, xarici görünüşdə gözəçarpan nöqsan görünmürsə və məhsulun istifadə tarixi bitməyibsə, 99% əmin ola bilərik ki, burada keyfiyyət təmin olunub. Bundan başqa, mağazalarımızda satılan məhsullar Azərbaycan Dövlət Qida Təhlükəsizliyi Agentliyi (AQTA) tərəfindən qoyulan tələblərə cavab verir.

Siz çalışdığınız şirkət üçün bu məsələ nə qədər vacibdir?

Əlbəttə, hər bir biznes gəlir üçün çalışır. Amma biz həm də müştərilərimiz qarşısında məsuliyyət daşıyırıq. Bundan əlavə, ölkənin ərzaq təhlükəsizliyi kimi vacib missiyada bizim də rolumuz var. Bu məsuliyyəti anlayaraq, şirkətimizdə xüsusi Keyfiyyətə Nəzarət komandası yaratdıq. Baxın, biz hamımız insanıq və valideynik. Buna görə də bizim üçün əsas ölçü meyarı sadədir: evdə, ailə üzvlərimizə və uşaqlarımıza yedirtmədiyimiz məhsulu satmırıq.

Yeri gəlmişkən, çalışdığınız şirkətə aid marketlərdə keyfiyyət necə təmin olunur?

Biz yalnız pərakəndə yox, tədarük zəncirinin bütün halqalarını anlayırıq. Bu isə o deməkdir ki, biz istehsaldan satışa kimi bütün prosesə nəzarət edə bilirik. Nəinki Qrup səviyyəsində, hər bir market şəbəkəsində Keyfiyyətə Nəzarət komandası var və burada çalışan insanlar gördükləri işin vacibliyini gözəl anlayırlar.

-  Keyfiyyətə nəzarət olunduğunu dediniz. Bəs bu prinsiplər real olaraq necə tətbiq olunur?

-  Burada çox texniki məqamlara varmaq istəməzdim. Amma sadə dillə desək, mağazalarımıza daxil olan hər bir məhsul laboratoriyada yoxlanılmış və dövlət standartlarına cavab verən məhsuldur. Nümunə kimi deyə bilərəm ki, alıcılarımızın keyfiyyətli qida ilə təminatı üçün təkcə ötən ildə Veysəloğlu Şirkətlər Qrupu üzrə laborator xərclər 450 min manata yaxın olub.

Keyfiyyətə nəzarət komandanızın peşəkar inkişafı necə təşkil olunur?

Keyfiyyətə nəzarət bir komanda işidir və hər birimiz bu istiqamətdə fasiləsiz olaraq çalışırıq. İşlərimizin çoxluğuna baxmayaraq, biliklərimizi artırmaq üçün də vaxt ayırırıq. Hazırda komandamız qida təhlükəsizliyi sahəsindəki təlim və maarifləndirici tədbirlərdə iştirak edir. Belə tədbirlərin əksəriyyəti Azərbaycan Dövlət Qida Təhlükəsizliyi Agentliyi tərəfindən təşkil edilir. Bu konfranslarda iştirak bizə nə verir? Qida təhlükəsizliyi sahəsində yeniliklər, qabaqcıl təcrübələr, qanunvericilik, istehsaldan istehlaka qədər bütün halqalarda prosesin təşkilinə dair biliklərimizi dərinləşdirmiş oluruq.

-  Məhsulun qiymətinin ucuz olması bəzən şübhə yarada bilir. Xalqımızın belə bir atalar sözü var: “Ucuz ətin şorbası olmaz”. Həqiqətən qiymət keyfiyyətlə düz mütənasibdirmi?

Ümumiyyətlə, “Nə qədər bahalıdırsa, o qədər yaxşıdır” prinsipi ilə məhsul seçmək heç də hər zaman özünü doğrultmur. Məhsulun satış qiymətinə tələb-təklif nisbəti, geosiyasi hadisələr, sosial iğtişaşlar, iqlim və təbii hadisələr, yeni bazarların yaranması və digər amillər təsir göstərir. Elə bu səbəblərdəndir ki, bəzən keyfiyyətdə çox fərq olmadığı halda qiymətlər arasında ciddi fərqlər mövcud olur.

Şirkətlər Qrupumuza aid marketlərdə müştərilərin keyfiyyətli məhsulu münasib qiymətə əldə edə bilməyi üçün “Özəl marka” layihəsini yaratdıq. Burada istehsalçının marketinq xərclərinin yüksək olmaması, həmçinin məhsulun yerli istehsal olması, yəni daşınma xərclərinin az olması sayəsində qiymətin əlçatan olmasına nail olmaq mümkündür.

-  Yerli və xarici məhsulların keyfiyyəti ilə bağlı yanaşmalardan danışaq.

Bəzən alıcılar məhsul seçimi zamanı xaricdən idxal edilən məhsullara üstünlük verirlər. Bunu, adətən, xarici ölkələrdəki yüksək keyfiyyət standartları ilə əlaqələndirirlər. Mən özüm bu fikirlə o qədər də razı deyiləm. Yerli məhsulun əsas üstünlüyü ondan ibarətdir ki, bu məhsulu “birinci əl”dən almaq mümkün olur. Bu da məhsulların təravətli şəkildə müştərilərimizə çatdırılmasına imkan yaradır. Biz mağazalarımızda satılan istər xarici, istərsə də yerli məhsulların keyfiyyətinə görə məsuliyyət daşıyırıq.

-  Marketlərdə açıq məhsullara əl ilə toxunmaq olarmı? Olarsa, burada hansı risklər var?

Ümumiyyətlə, açıq məhsullara toxunmağın olduqca ciddi riskləri var. Məsələn, çiy ət və ət məhsullarına və yuyulmamış meyvə-tərəvəzlərə toxunarıqsa, mikrob təhlükəsi yaranar və bizim xəstəliklərə yoluxmağımıza səbəb ola bilər. Ona görə də açıq məhsulların seçimi zamanı mağaza heyətinə müraciət olunmasını tövsiyə edirəm. Çünki satıcılarımız vaxtaşırı olaraq, tibbi müayinələrdən keçir və gigiyenik vasitələrdən istifadə edirlər.

-  Bəs müştərilər bilməyərəkdən məhsula keyfiyyətlə bağlı zərər vura bilərlərmi?

Bəli, çox zaman müştərilər alış-veriş zamanı istəmədən məhsulları zədələyirlər. Bəzən meyvə-tərəvəz məhsullarının seçimi zamanı çeşidlərin sərtliyini və ya yumşaqlığını yoxlamaq üçün onlara toxunur və bununla da məhsulları bilmədən əzir, yaxud üzərində dırnaq izləri buraxırlar. Bu zaman məhsul zədə aldığı yerdən xarab olmağa və ya zahiri görünüşünü itirməyə başlayır. Bütün hallarda zədə almış məhsulları dərhal vitrindən kənarlaşdırırıq.

Son zamanlar qida təhlükəsizliyi sahəsində “soyuq zəncir” anlayışından çox istifadə edilir, bu ifadə tam olaraq nə mənaya gəlir?

Qida təhlükəsizliyi qaydalarına görə, soyuq yerdə saxlanılmalı olan qidanın istehsalından başlayaraq daşınması, saxlanması və satışına kimi bütün mərhələlərində mütləq əməl edilməli olan proses “soyuq zəncir” adlanır. Bizim prioritetlərimizdən biri də soyuq zəncirin effektiv idarə olunmasıdır. Əslində bu, keyfiyyəti təmin etmək üçün yeganə yoldur.

Ümumiyyətlə, biz satdığımız məhsulların keyfiyyəti ilə bağlı daima düşünürük. Burada vacib olan odur ki, tədarük zənciri, yəni məhsulların daşınması və saxlanılması prosesi düzgün qurulsun. Mağazalarımızda məhsulların hər zaman təzə və keyfiyyətli olması məqsədilə logistik mərkəzimizin imkanlarını genişləndirmək üçün öz soyuq anbarımızı yaratmaq qərarına gəlmişik. 28 milyondan çox vəsait yatırılması nəzərdə tutulan logistik mərkəzin bu ilin sonuna kimi istifadəyə verilməsi planlaşdırılır.

Soyuq zəncirdən danışmışkən, bir sual da verim. Marketlərdə süd və digər məhsulların saxlanıldığı soyuducunun çalışdığından əmin ola bilərikmi?

Əlbəttə. Məlumat üçün deyim ki, mağazalarda soyuducunun ekranında faktiki temperatur göstəricisi əks olunur. Əgər bu rəqəm görünmürsə, o deməkdir ki, bu cihaz işlək deyil və ya nasazlığı var. Əlavə olaraq, market heyəti tərəfindən soyuducuların temperatur göstəriciləri gün ərzində müəyyən olunmuş saatlarda yoxlanılır və xüsusi cədvəl üzərində qeyd olunur. Həmin cədvəl müştərilər üçün görünən yerdən asılır.

İşdir, marketdə keyfiyyətsiz məhsulla rastlaşarıqsa, nə etməliyik?

Bu kimi hallarda mağazanın şəxsi heyətinə məlumat verməyinizi xahiş edirəm. Uyğunsuzluq market daxilində alış-veriş zamanı müəyyən edilməyibsə, başqa sözlə, sonradan aşkarlanıbsa, o zaman qaynar xətt vasitəsilə müraciət edə bilərsiniz (“Araz” supermarketlər şəbəkəsi: (012) 924; “OBA” marketlər şəbəkəsi: *2016). Hətta market şəbəkələrində daxili radio vasitəsilə bununla bağlı maarifləndirici mesajlar səsləndirilir.

Şirkətlər Qrupumuza ünvanlanan müştəri müraciətləri əsasında şikayət edilən məhsulun keyfiyyət göstəriciləri yenidən araşdırılır, problemin haradan qaynaqlandığı müəyyən edilir və gələcəkdə bu kimi halların yaranmaması üçün önləyici tədbirlər görülür. Bununla da çalışırıq ki, müştəri məmnuniyyətinə nail olaq.

Məhsulların keyfiyyəti barədə istehlakçıların maarifləndirilməsi işi necə aparılır?

Qida məhsullarının alış-verişi zamanı müştərilərdə çox zaman onların keyfiyyəti ilə bağlı suallar yaranır. Biz sosial şəbəkələr vasitəsilə alıcılarımızı məhsul keyfiyyəti ilə bağlı məlumatlandırır, onları alış-veriş zamanı daha diqqətli olmağa çağırırıq.

Veysəloğlu Şirkətlər Qrupu bu və digər mövzularda cəmiyyətimizi və ekspert icmasını maarifləndirmək məqsədilə yeni layihəyə başlayıb. Hər həftənin çərşənbə axşamı saat 18:05-də “ASAN Radio”da yayımlanan “Yaxşı ki, dedin” verilişində qida keyfiyyəti, tədarük zənciri, müştəri hüquqları, sağlam həyat tərzi və digər mövzulara toxunuruq. Əsas hədəfimiz ədalətli ticarət və müştərilərimizin razı qalmasıdır.

Ümumiyyətlə, pərakəndə biznesində belə bir anlayış var ki, alıcının məmnuniyyətinə nail ola biliriksə, demək ki, keyfiyyət ilə bağlı hər şey qaydasındadır.

20.09.2022Cəmiyyətə dəyər yaratmaq
“Məhsulun marketə gələnə kimi keçdiyi yol” mövzusunu “ASAN Radio”da müzakirə edəcəyik

Hər həftənin çərşənbə axşamı günü “ASAN Radio” ilə birgə təşəbbüsümüz olan “Yaxşı ki, dedin” verilişi efirə gedir.

Sizi 20 sentyabr saat 18:05-də yayımlanacaq Məhsulun marketə gələnə kimi keçdiyi yolmövzusunda verilişi dinləməyə dəvət edirik. Verilişin əsas qonağı Veysəloğlu Şirkətlər Qrupuna aid olan “Veysəloğlu Distribusiya” şirkətinin rəhbəri, satış və marketinq sahəsində beynəlxalq şirkətlərdə və xarici bazarlarda 20 ildən çox təcrübəyə malik Qabil Əhmədov olacaq. Digər qonaq qismində isə HORECA şirkətinin təsisçisi, “Ernst & Young” (EY) şirkətinin 2020-ci ildə təşkil etdiyi “İlin İş Adamı” müsabiqəsinin qalibi Rəşxan Qaraşlı iştirak edəcək.

Verilişin təkrarı cümə axşamı saat 14:05-də olacaq: https://www.youtube.com/shorts/ih8gcOJT39s

“Yaxşı ki, dedin” verilişini həmçinin Veysəloğlu Şirkətlər Qrupu və “ASAN Radio”nun rəsmi feysbuk səhifələrində izləyə və şərh bölməsinə suallarınızı ünvanlaya bilərsiniz.

Bu layihə cəmiyyətimizi və ekspert icmasını qida keyfiyyəti, tədarük zənciri, müştəri hüquqları, sağlam həyat tərzi mövzularında maarifləndirmək məqsədi daşıyır.

19.09.2022Təhsilə dəstək
Veysəloğlu Şirkətlər Qrupunun dəstək olduğu gənclər tələbə adını qazandılar

Veysəloğlu Şirkətlər Qrupu “Gələcəyini Qur” təşəbbüsünə qoşularaq, 12 gəncin təhsil almasına dəstək oldu.

Şirkətlər Qrupu artıq üçüncü dəfədir ki, bu layihənin iştirakçısıdır və bu zaman ərzində 56 gəncin təhsil almasına şans qazandırıb.

2021-2022-ci tədris illəri üzrə “Gələcəyini Qur” layihəsi əsasında Bakının Sabunçu rayonundan olan 12 gəncin ali məktəbə hazırlığı üçün dəstək olundu. Nəticə etibarilə şagirdlərdən hər biri tələbə adına layiq görüldü. Onlardan bir çoxu Bakının müxtəlif universitetlərində dövlət sifarişli əsaslarla təhsilini davam etdirəcək.

Bu təşəbbüsün məqsədi oxumağa həvəsi olan gənclərin universitetlərə hazırlaşmasına lazımi şərait yaratmaqdır. Layihə iştirakçıları 11-ci sinif şagirdlərini və orta məktəb məzunlarını əhatə edir.

https://www.youtube.com/watch?v=QTbGOLaYxB4

Veysəloğlu Şirkətlər Qrupunun fəlsəfəsi cəmiyyətə dəyər qatmaq və insan kapitalının inkişafına dəstək olmaqdır. Beləliklə, Şirkətlər Qrupu təhsilə dəstək istiqamətində bir çox faydalı layihədə yer alaraq, növbəti illərdə də bu təşəbbüsə qoşulmaq niyyətindədir. 

Veysəloğlu Şirkətlər Qrupu (VŞQ) pərakəndə, distribusiya, logistika və istehsalat daxil olmaqla, tədarük zəncirinin müxtəlif sahələrini əhatə edən çoxşaxəli FMCG (gündəlik istehlak malları) qrupudur. Ölkənin ərzaq təhlükəsizliyi kimi strateji sahədə özünəməxsus rolu olan Şirkətlər Qrupu hazırda 19,000-dən çox insanın iş yeridir. Bu yaxınlarda dünyada tanınmış Deloitte şirkətinin Azərbaycanda ilk dəfə olaraq təşkil etdiyi nüfuzlu Best Managed Companies müsabiqəsində Veysəloğlu Şirkətlər Qrupu qaliblərdən biri elan edilib.

13.09.2022Cəmiyyətə dəyər yaratmaq
“Ət alarkən nəyə fikir verməliyik?” mövzusunu “ASAN Radio”da müzakirə edəcəyik

Hər həftənin çərşənbə axşamı günü “ASAN Radio” ilə birgə təşəbbüsümüz olan “Yaxşı ki, dedin” verilişi efirə gedir.

Sizi 13 sentyabr saat 18:05-də yayımlanacaq Ət alarkən nəyə fikir verməliyik?mövzusunda verilişi dinləməyə dəvət edirik. Verilişin əsas qonağı Veysəloğlu Şirkətlər Qrupuna aid olan “Araz” supermarketlər şəbəkəsində təzə ət kateqoriyasının satınalma müdiri Vüsal Məmmədovolacaq. Digər qonaq qismində isə həkim-diyetoloq Leyla Zülfüqarlı iştirak edəcək.

Verilişin təkrarı cümə axşamı saat 14:05-də olacaq: https://www.youtube.com/shorts/ih8gcOJT39s

“Yaxşı ki, dedin” verilişini həmçinin Veysəloğlu Şirkətlər Qrupu və “ASAN Radio”nun rəsmi feysbuk səhifələrində izləyə və şərh bölməsinə suallarınızı ünvanlaya bilərsiniz.

Bu layihə cəmiyyətimizi və ekspert icmasını qida keyfiyyəti, tədarük zənciri, müştəri hüquqları, sağlam həyat tərzi mövzularında maarifləndirmək məqsədi daşıyır.

13.09.2022Veysəloğlu Şirkətlər Qrupu
Avropa Yenidənqurma və İnkişaf Bankının prezidenti Veysəloğlu Şirkətlər Qrupunda olub

Avropa Yenidənqurma və İnkişaf Bankının (AYİB) prezidenti Odil Reno-Basso Azərbaycana işgüzar səfəri çərçivəsində Veysəloğlu Şirkətlər Qrupunda olub. Cənubi Qafqazda səfərdə olan xanım Reno-Basso Şirkətlər Qrupunun rəhbər heyəti ilə görüşüb, həmçinin Qrupa aid “Ulduz” Şokolad Fabrikini də ziyarət edib.

Veysəloğlu Şirkətlər Qrupu Avropa Yenidənqurma və İnkişaf Bankı ilə 2008-ci ildən etibarən əməkdaşlıq edir. Bu əməkdaşlıq sayəsində Şirkətlər Qrupu bir sıra uğurlu biznes layihələrini həyata keçirmək üçün bankdan maliyyə dəstəyi alıb. Xüsusilə Qrup 2016-cı ildə dörd yeni istehsal xəttini əlavə etməklə, şokolad fabrikinin fəaliyyətini təkmilləşdirib və genişləndirib. AYİB həmçinin Qrupun Cənubi Qafqazın ən böyük logistika şirkətlərindən biri hesab edilən müasir logistika mərkəzinin genişləndirilməsi layihəsini maliyyələşdirib.

Veysəloğlu Şirkətlər Qrupunun Müşahidə Şurasının üzvü Natəvan İbrahimova görüş zamanı bunları bildirib: “Bu illər ərzində AYİB ilə mənalı və məhsuldar tərəfdaşlığımız olub, onu qoruyub saxlamaq və gələcək illərdə də genişləndirmək niyyətindəyik. Xanım Reno-Bassonun Qrupumuzun nailiyyətləri və gələcək biznes layihələri haqqında danışmaq üçün qonağımız olduğuna görə həqiqətən də fəxr edirik”.

Bu, prezident Odil Reno-Bassonun 2020-ci ilin sonunda vəzifəyə gəldikdən sonra regiona ilk şəxsi səfəridir. Xanım Reno-Basso səfərdən əvvəl bunları söyləmişdi: “Mən Qafqaza səfər etməyi çox səbrsizliklə gözləyirəm. Burada Bankımızın 30 illik fəaliyyəti ərzində diqqətəlayiq nəticələr əldə edilib”.

1994-cü ildən fəaliyyət göstərən Veysəloğlu Şirkətlər Qrupu (VŞQ) pərakəndə, distribusiya, logistika və istehsalat daxil olmaqla, tədarük zəncirinin müxtəlif sahələrini əhatə edən çoxşaxəli FMCG (gündəlik istehlak malları) qrupudur. Ölkənin ərzaq təhlükəsizliyi kimi strateji sahədə özünəməxsus rolu olan Şirkətlər Qrupu hazırda 19,000-dən çox insanın iş yeridir. Bu yaxınlarda dünyada tanınmış Deloitte şirkətinin Azərbaycanda ilk dəfə olaraq təşkil etdiyi nüfuzlu Best Managed Companies müsabiqəsində Veysəloğlu Şirkətlər Qrupu qaliblərdən biri elan edilib. Cəmiyyət üçün dəyər yaratmaq, gələcək nəslin daha yaxşı bir dünyada yaşamasına töhfə vermək və insanların sosial rifahını dəstəkləmək Veysəloğlu Şirkətlər Qrupunun əsas fəlsəfəsidir.

12.09.2022Veysəloğlu Şirkətlər Qrupu
Məhsul qiymətləri ilə bağlı “Veysəloğlu”dan aylıq AÇIQLAMA

Veysəloğlu Şirkətlər Qrupu ona aid marketlərdə ən yüksək alıcı tələbatı olan məhsullar üzrə 2022-ci il avqust ayının qiymət indeksini açıqlayıb.

İndeks son 24 ay ərzində Şirkətlər Qrupunun müştərilərinin ən çox aldığı məhsulların ümumi qiymət səviyyəsinin dəyişməsini göstərərək 113,5% təşkil edib. Nəticə etibarilə nəzərdən keçirilən dövr ərzində ortalama 13,5% qiymət artımı müşahidə olunub. “Veysəloğlu Pərakəndə İndeksi” müştərilərə aylıq məhsul alışı üçün büdcə planlamalarında dəstək məqsədini daşıyır.

“Veysəloğlu Pərakəndə İndeksi”nə görə, 2022-ci ilin avqust ayı üzrə şirkət müştərilərinin ən çox aldığı məhsulların qiymətində keçən ilin avqust ayına nisbətən 19,7% artım müşahidə edilib. Belə ki, tez köhnələn qida məhsullarının qiymətində keçən ilin avqust ayına nisbətən 20,8% artım, quru, dondurulmuş qida məhsullarının, şirniyyat və spirtsiz içkilərin qiymətində 21,1% artım, spirtli içkilər və tütün məmulatlarının qiymətində isə 8,2% artım izlənilib. Qeyd edək ki, indeks inflyasiyanın göstəricisi deyil.

Veysəloğlu Şirkətlər Qrupu (VŞQ) pərakəndə, distribusiya, logistika və istehsalat daxil olmaqla, tədarük zəncirinin müxtəlif sahələrini əhatə edən çoxşaxəli FMCG (gündəlik istehlak malları) qrupudur. VŞQ və ona aid şirkətlər üçün qida təhlükəsizliyi və ərzaq təminatının davamlılığı əsas vəzifələrdəndir.

“Veysəloğlu Pərakəndə İndeksi” nədir?

İndeks son 24 ay ərzində Şirkətlər Qrupunun müştərilərinin ən çox aldığı məhsulların ümumi qiymət səviyyəsinin dəyişməsini göstərir.

“Veysəloğlu Pərakəndə İndeksi”nin hesablanmasında bu düsturdan istifadə olunur:

Veysəloğlu Pərakəndə İndeksi=(Cari dövr istehlak səbətinin qiyməti)/(Baza dövrü istehlak səbətinin qiyməti)×100%

Məsələn, təsəvvür edək ki, tipik bir istehlakçı (müştəri) hər ay 5 kq alma, 2 kq armud alır və onun ümumi istehlak (məhsul) səbəti yalnız bu məhsullardan ibarətdir. Bu ay almanın 1 kiloqramının qiyməti 1 manat, armudun 1 kiloqramının qiyməti isə 2 manatdır. Keçən ay isə 1 kq alma 0.98 manat, 1 kq armud isə 1.95 manat olub. Bu zaman “Veysəloğlu Pərakəndə İndeksi” belə hesablanacaq:

Veysəloğlu Pərakəndə İndeksi=(almanın çəkisi×almanın cari qiyməti+armudun çəkisi×armudun cari qiyməti)/(almanın çəkisi×almanın keçən aya olan qiyməti+armudun çəkisi×armudun keçən aya olan qiyməti)×100%

Beləliklə, Veysəloğlu Pərakəndə İndeksi aşağıdakı kimi hesablanacaq:

(5×1+2×2)/(5×0.98+2×1.95)×100%=102%

Nəticə etibarilə nəzərdən keçirilən dövr ərzində 2% qiymət artımı müşahidə olunur.

“Veysəloğlu Pərakəndə İndeksi” hər ay ictimaiyyət və maliyyə qurumları ilə paylaşılır. Şirkətlər Qrupu bu indekslə alıcılıq qabiliyyətinin ölçülməsinə və müştərilərin aylıq məhsul alışı üçün büdcə planlamalarına imkan verir.

08.09.2022Cəmiyyətə dəyər yaratmaq
İşlənmiş batareyaları necə zərərsizləşdirməli? – “Araz” supermarketdən reportaj

Bu yaxınlarda Veysəloğlu Şirkətlər Qrupuna aid olan “Araz” supermarketlər şəbəkəsi Ekologiya və Təbii Sərvətlər Nazirliyi və “Qırmızı Ürəklər” Fondunun “Batareyaları təhvil ver, təbiəti qoru” təşəbbüsünə qoşuldu. İşlənmiş batareyalar mağazalarda xüsusi qutularda toplanılır və sonra xüsusi qaydada məhv edilir.

https://www.youtube.com/watch?v=NEHvBv_Lz0Y

“Araz”da bu qutuları görüb, bu mövzunu araşdırdıq və öyrəndik ki, istifadəyə yararsız və ya işlənmiş batareyalar insanların və heyvanların sağlamlığı üçün təhlükə yaradır. Əgər batareyalar atılmasa, zəhərli maddələr insan orqanizminə daxil olaraq, müxtəlif xəstəliklər yarada bilir.

https://www.youtube.com/watch?v=BDGCV2o16PU

İşlənmiş batareyalar özündə zərərli maddələri saxlayır və onlar ümumi tullantılarla birgə atılarsa, batareyaların tərkibindəki ağır metallar torpağa və suya qarışaraq insanları və heyvanları zəhərləyə bilər. Bu da həm onların həyatına təhlükə yaradır, həm də bitki örtüyünü məhv edir.

https://www.youtube.com/watch?v=OXoZS52lito

Hazırda “Araz” və “Spar” marketlərin Bakı və Sumqayıtdakı 19 filialında batareya qutuları yerləşdirilib. Siz də bu təşəbbüsə qoşularaq insanların və təbiətin qayğısına qala bilərsiniz.

Aşağıda işlənmiş batareyaların tullanılması üçün nəzərdə tutulmuş qutuların yerləşdiyi marketlərin ünvanlarını nəzərinizə çatdırırıq:

Araz superstor

Sabunçu rayonu, Ə.Məmmədəliyev küçəsi 18A

(Sabunçu xəstəxanasının yaxınlığı)

Araz superstor

Suraxanı rayonu, Qaraçuxur qəsəbəsi, İ.Musayev 56 D

(“Qartal” heykəlinin yaxınlığı)

Araz superstor

Hövsan qəsəbəsi, E.Məmmədov küçəsi 5 K

(“Şüşəli” bazarın yaxınlığı)

Araz superstor

Yasamal rayonu, H.Cavid prospekti 17 (“Space” TV ilə üzbəüz)

Araz supermarket

Abşeron rayonu, Mehdiabad qəsəbəsi, Novruz küçəsi 1

(“Ülvi” şadlıq sarayı ilə üzbəüz)

Araz superstor

Sumqayıt şəhəri 9-cu mkr., Ü.Hacıbəyli küçəsi 23 C

(“Şərq” bazarının yaxınlığı)

Araz superstor

Nəsimi rayonu, Tbilisi prospekti, Alatava 2

(“20 Yanvar” metrostansiyasının yaxınlığı)

Araz superstor

Nərimanov rayonu, M.Qaşqay küçəsi, 917-ci məhəllə

(Neftçi İdman Sağlamlıq Mərkəzinin yaxınlığı)

Araz supermarket

Nərimanov rayonu, S.Rəhman küçəsi 41

(47 saylı orta məktəbin yaxınlığı)

Spar supermarket

Nərimanov rayonu, C.Hacıbəyli küçəsi, məhəllə 758

(“Koroğlu” parkının yaxınlığı)

Spar supermarket

Nəsimi rayonu, Cavadxan küçəsi, 3 mkr., 3005-ci məhəllə

(3-cü mkr. dairəsinin yaxınlığı)

Araz minimarket

Xətai rayonu, Babək prospekti 10 D

(“Babək plaza”nın yaxınlığı)

Araz superstor

Abşeron rayonu, Masazır qəsəbəsi, Ə.Vahid küçəsi

(Masazır dairəsinin yaxınlığı)

Araz supermarket

Yasamal rayonu, İnşaatçılar prospekti 31

(Dövlət Statistika Komitəsinin yaxınlığı)

Araz supermarket

Nəsimi rayonu, Mərdanov qardaşları 137

(“Olimpik star”ın yaxınlığı)

Araz supermarket

Xətai rayonu, Zığ şossesi 8

(“Nargilə” kafesinin yaxınlığı)

Araz superstor

Nəsimi rayonu, Azadlıq prospekti 103

(ABŞ səfirliyinin yaxınlığı)

Araz ekspress

Nizami rayonu, R.Rüstəmov küçəsi 12 C

(“Neftçilər” metrostansiyasının yaxınlığı)

Araz minimarket

Nizami rayonu, Babək prospekti 64

(Sərhədçi İdman Olimpiya Mərkəzinin yaxınlığı)

07.09.2022Cəmiyyətə dəyər yaratmaq
Veysəloğlu Şirkətlər Qrupuna virtual tur edək!

Ölkə iqtisadiyyatının inkişafında strateji rolu olan Şirkətlər Qrupumuzun fəaliyyət istiqamətləri və buradakı iş mühitini anlatmaq üçün bir film hazırladıq. Bu filmi izləməklə hər biriniz Veysəloğlu Şirkətlər Qrupuna virtual tur edəcəksiniz: https://www.youtube.com/watch?v=bXteODW-8RA

Veysəloğlu Şirkətlər Qrupu (VŞQ) pərakəndə, distribusiya, logistika və istehsalat daxil olmaqla, tədarük zəncirinin müxtəlif sahələrini əhatə edən çoxşaxəli FMCG (gündəlik istehlak malları) qrupudur.

Ölkənin ərzaq təhlükəsizliyi kimi strateji sahədə özünəməxsus rolu olan Şirkətlər Qrupu hazırda 19,000-dən çox insanın iş yeridir.

Cəmiyyət üçün dəyər yaratmaq, gələcək nəslin daha yaxşı bir dünyada yaşamasına töhfə vermək və insanların sosial rifahını dəstəkləmək Veysəloğlu Şirkətlər Qrupunun əsas fəlsəfəsidir.

06.09.2022Cəmiyyətə dəyər yaratmaq
Veysəloğlu Şirkətlər Qrupu və “ASAN Radio”: “YAXŞI Kİ, DEDİN”

Marketdən məhsul alarkən onun keyfiyyətli olub-olmadığına necə əmin ola bilərik? Həqiqətən qiymət keyfiyyətlə düz mütənasibdirmi? Yediyimiz qidalar xarici görünüşümüzə nə dərəcədə təsir göstərir? Keyfiyyətsiz məhsulla rastlaşdıqda nə edə bilərsiniz?

Bu və digər maraqlı suallara hər həftənin çərşənbə axşamı saat 18:05-də “ASAN Radio”da yayımlanacaq “Yaxşı ki, dedin” verilişində cavab tapacaqsınız. Verilişin təkrarı cümə axşamı saat 14:05-də olacaq: https://www.youtube.com/shorts/ih8gcOJT39s

6 sentyabrda efirə gedəcək ilk verilişin qonağı Veysəloğlu Şirkətlər Qrupunun Biznesə Dəstək direktoru və keyfiyyətə nəzarət sahəsində böyük təcrübəyə malik Anar Cümşüdovdur. Bu günkü verilişin mövzusu aldığımız məhsulların keyfiyyəti haqqındadır. Digər qonaq qida eksperti Fərid Səfərov qida seçimi ilə bağlı rəy və tövsiyələrini bölüşəcək.

“Ləziz məsləhət” rubrikasını isə Veysəloğlu Şirkətlər Qrupuna daxil olan “Xonça” Şirniyyat Fabrikinin İstehsalat Departamentinin müdiri, beynəlxalq dərəcəli jüri və beynəlxalq dərəcəli usta Rəhman Ələkbərov təqdim edəcək.

Veriliş boyunca keçiriləcək müsabiqələrdə qalib gələn iştirakçı “Araz” supermarketlər şəbəkəsindən hədiyyə kartı qazanacaq.

Veysəloğlu Şirkətlər Qrupu və “ASAN Radio”nun birgə verilişi cəmiyyətimizi və ekspert icmasını qida keyfiyyəti, tədarük zənciri, müştəri hüquqları, sağlam həyat tərzi mövzularında maarifləndirmək məqsədi daşıyır.

“Yaxşı ki, dedin” verilişini həmçinin Veysəloğlu Şirkətlər Qrupu və “ASAN Radio”nun rəsmi feysbuk səhifələrində izləyə və şərh bölməsinə suallarınızı ünvanlaya bilərsiniz.

Veysəloğlu Şirkətlər Qrupu (VŞQ) pərakəndə, distribusiya, logistika və istehsalat daxil olmaqla, tədarük zəncirinin müxtəlif sahələrini əhatə edən çoxşaxəli FMCG (gündəlik istehlak malları) qrupudur. Ölkənin ərzaq təhlükəsizliyi kimi strateji sahədə özünəməxsus rolu olan Şirkətlər Qrupu hazırda 19,000-dən çox insanın iş yeridir. Cəmiyyət üçün dəyər yaratmaq, gələcək nəslin daha yaxşı bir dünyada yaşamasına töhfə vermək və insanların sosial rifahını dəstəkləmək Veysəloğlu Şirkətlər Qrupunun əsas fəlsəfəsidir.

31.08.2022Vətənsevərlik
“Araz” supermarketin dəstəyi ilə şəhid xanımları üçün layihə baş tutdu

Veysəloğlu Şirkətlər Qrupuna daxil olan “Araz” supermarketlər şəbəkəsinin dəstəyi ilə Müasir Psixologiya Mərkəzi və “Xarıbülbül fidanları” könüllü qrupu tərəfindən “Günəşə salam” layihəsi həyata keçirildi. Tədbirin iştirakçıları 44 günlük Vətən müharibəsi şəhidlərinin xanımları idi.

Layihənin keçirilməsində əsas məqsəd şəhid xanımlarının psixoloji sağlamlıqlarının bərpa olunmasına dəstək olmaq, onların cəmiyyətə adaptasiyalarını sürətləndirmək, yeni bacarıqlar qazanmalarına yardımçı olmaq idi.

Günəşin doğuşu ilə start götürən tədbirin ilk mərhələsində xanımlara meditasiya və gimnastika  seansları keçirildi. Rəsmi hissədə isə gender bərabərliyi, sosial sahibkarlıq, biznes və fərdi inkişaf mövzularında keçirilən interaktiv təlimlər,  müxtəlif komanda oyunları vasitəsi ilə iştirakçılar yeni biliklər qazandılar.

Tədbirdə şəhid xanımları ilə yanaşı, ictimai fəal şəxslər də iştirak etdilər.

https://youtu.be/eDOXhWO0H6Y

Məlumat üçün bildirək ki, Veysəloğlu Şirkətlər Qrupu pərakəndə, logistika, distribusiya və istehsalat sahələrində fəaliyyət göstərir. Hazırda Şirkətlər Qrupunun 19,000 nəfərdən çox əməkdaşı var. Bu yaxınlarda dünyada tanınmış Deloitte şirkətinin Azərbaycanda ilk dəfə olaraq təşkil etdiyi nüfuzlu Best Managed Companies müsabiqəsində Veysəloğlu Şirkətlər Qrupu qaliblərdən biri elan edilib.

Azərbaycan cəmiyyəti üçün dəyər yaratmaq Veysəloğlu Şirkətlər Qrupunun prioritetlərindən biridir.

26.08.2022Veysəloğlu Şirkətlər Qrupu
“Fermerlərlə birbaşa əməkdaşlıq edirik ki, artıq istehsalçılar məhsullarını satmaq üçün vaxt və pul sərf edərək Bakıya gəlməsin” – Sərdar Ceylan

Veysəloğlu Şirkətlər Qrupu müştərilərini təbii meyvə-tərəvəzlə təmin etmək məqsədilə məhsulların birbaşa fermerlərdən alışını təşkil edir. Şirkətlər Qrupunun niyyəti həm alıcıları mümkün uyğun qiymətə və təbii məhsullarla təmin etmək, həm də kiçik və orta təsərrüfat subyektlərinə dəstək olmaqdır. Müsahibimiz Veysəloğlu Şirkətlər Qrupunun meyvə-tərəvəzin satın alınması üzrə rəhbəri Sərdar Ceylandır.

-   Veysəloğlu Şirkətlər Qrupuna aid mağazaları meyvə-tərəvəzlə təmin etmək üçün birbaşa fermerlərlə əməkdaşlıq etdiyiniz haqqında yazıya rast gəlmişdim. Fermerlərlə təmasınız nə üçün qurulub?

-    Bizim əsas məqsədimiz müştərilərimizə daha dadlı və sağlam məhsullar təqdim etməkdir. Buna görə də Azərbaycanın bütün nöqtələrində istehsalatla məşğul olan fermerlərlə əlaqə yaradıb məhsulun birbaşa alışını həyata keçiririk. Bu, bizim üçün niyə önəmlidir? İlk növbədə təzə məhsula əlimiz tez çatır. Alıcılarımız xüsusilə kartof, soğan, sarımsaq, kök, kələm, çuğundur, alma, şaftalı, gilas, gavalı və çiyələk növləri üzrə yerli dad fərqini rahatlıqla anlaya bilirlər. Bununla da hər dəfə rəflərdə təzə və münasib qiymətə məhsulları görən müştərinin məmnuniyyəti artır.

-    Sərdar bəy, yaxşı, bəs bu əməkdaşlıq fermerlərə nə qazandırır?

-   Biz fermerlərlə ədalətli ticarət prinsipinə əsaslanan münasibətlər yaradırıq. Əlimizdən gələni edirik ki, həm biznesimiz, həm də istehsalçılar, yəni bu fermerlər üçün əlverişli şərtlərlə əməkdaşlıq edək. Ədalətli ticarət deyəndə, nəyi nəzərdə tuturam? İstehsalçılara planlaşdırma ilə bağlı dəstək oluruq. Beləliklə, fermerlər “görəsən, bu məhsulu sata biləcəyəmmi” sualı ilə narahat olmadan çalışmağa davam edirlər. Satıla bilməyən məhsul həm israf, həm də əməyin hədər olmasıdır. Ona görə də məhsulun bol olduğu mövsümdə belə, fermerlərin məhsullarını tam sata bilməmə, yəni israf problemini birlikdə həll edirik. Fermerlərlə əməkdaşlığımızın “qızıl qayda”sı isə məhsullarının satışı müqabilində ödənişlərinin vaxtı-vaxtında edilməsidir.

Bizimlə əməkdaşlığın nəticəsi olaraq, yerli fermerlər öz məhsullarını daha geniş satış şəbəkəsinə birbaşa təqdim etmək fürsəti əldə edirlər. Biz də öz növbəmizdə bazara münasib qiymətə məhsul çıxartmaq şansı qazanırıq.

-    Bəs bu təbii məhsulların istehlakçıya təravətli şəkildə çatdırılmasını necə təmin edirsiniz?

-    Alıcılara təklif etdiyimiz məhsulların təzə və keyfiyyətli olmasına hər zaman həssaslıqla yanaşırıq. Bu məqsədlə Şirkətlər Qrupu olaraq, öz soyuq anbarımızı yaratmaq qərarına gəldik. 25 milyon AZN vəsait yatırılan yeni logistik mərkəzin bu ilin sonuna kimi istifadəyə verilməsi planlaşdırılır. Həmçinin məhsulların mükəmməl keyfiyyətdə çatdırılması və yollarda gedilən məsafəni azaltmaq üçün 35 ədəd ikili temperaturu olan yük avtomobili almağı nəzərdə tuturuq.

Müştərilərimizin təravətli meyvə-tərəvəz çeşidlərindən məmnun qalması üçün dayanmadan çalışırıq, yeniliklər edirik. Veysəloğlu Şirkətlər Qrupu logistik əməliyyatların effektiv təşkili üçün ilkin mərhələdə kartof və soğanın qəbulu və saxlanılması məqsədilə Mingəçevir və Salyanda yerli saxlama məntəqələri yaratmışdı. Bu il isə “Şəmkir Aqroparkı”nda Veysəloğlu Şirkətlər Qrupu üçün xüsusi məhsul qəbulu məntəqəsinin yaradılması ilə həmin region kəndlilərinin işi asanlaşdı. Kəndlinin qazancı nə oldu? Artıq istehsalçılar məhsullarını satmaq üçün vaxt və pul sərf edərək Bakıya gəlmir, onu yaşadığı ərazidə bizə təqdim edə bilir. Məhsullar “soyuq zəncir” standartları tətbiq edilməklə ölkə daxilindəki bütün “Araz” və “OBA” mağazalarına həftənin 7 günü fasiləsiz çatdırılır. Beləliklə, təbii məhsulları alıcılara həqiqətən münasib qiymətə təklif edə bilirik.

-   Məhsulun keyfiyyəti ilə bağlı həssas olduğunuzu dediniz. Bəs qiymətlər necə?

Bizim üçün əsas prioritet məhsulun dadı, sonra rəf ömrü, daha sonra isə məhsul standartlarının qorunması və düzgün qablaşdırılmasıdır. Hər qutunun üzərində hansı fermerin məhsulu olduğu və tarix mütləq şəkildə yazılır və mağazalara göndərilir. Tədarük zənciri prosesini diqqətlə izləməyimiz sayəsində bütün müsbət və mənfi rəyləri nəzərə alırıq və işimizi buna görə qururuq.

Qiymətə gəldikdə, səmimi etiraf edim ki, qiyməti bazar, iqtisadi və geosiyasi mühit müəyyən edir. Meyvə-tərəvəz o qədər həssas bir məhsuldur ki, buradakı qiymətin formalaşmasında həm də hava şəraiti, logistik məsələlər və s. rol oynaya bilir.

-    Bəs siz bu prosesə necə təsir göstərə bilərsiniz?

-   Məhsulu vasitəçi olmadan, birbaşa fermerin özündən əldə etməyimiz bizə qiymətləri mümkün qədər münasib saxlamağa imkan verir. Alıcılarımız məhsullar üzrə yerli dad fərqini asanlıqla anlaya bildikləri kimi, qiymət fərqini də müşahidə edə bilərlər.

-    Müştəri təcrübəsinin alış prosesində vacib olduğunu bilirik. Bəs siz müştərilərə xidmətdə hansı yenilikləri tətbiq edirsiniz?

-   Bu il biz məhsullarımızın çeşid müxtəlifliyinə xüsusilə diqqət yetirdik. Bir sıra yeni məhsul və çeşidləri sınadıq. Bunlardan müştərilərin ən çox bəyəndiyi məhsullar üzrə növbəti il üçün əməkdaşlıq edəcəyimiz fermerləri müəyyən etdik və məlumat bazasını yaratdıq. Bu, müştərilərimizin ağız dadına uyğun məhsulları təqdim etməyimizdə önəm verdiyimiz bir məsələdir. Bir misal çəkim. Qarpızla bağlı mövsümdən əvvəl araşdırmalar etdik və bütün dünyada məşhur olan hibrid F1 qarpız növlərinin becərilməsini fermerlərə təklif etdik, hətta məhsulun böyüklüyü və dadı ilə bağlı üstünlüyü olan toxumları əkmələrini tövsiyə etdik. Nəticələr müsbət oldu.

-    Yəqin ki, tarladan birbaşa rəflərə gətirilmiş meyvə və tərəvəzin dadı da fərqli olar?

Burada əsas məsələ vaxtında yığılmış, təravətli məhsulları ən qısa müddətdə rəflərə çatdırmaqdır. Qrupumuza aid marketlərdən meyvə-tərəvəz alan müştərilər məhsullarımızın təzəlik və keyfiyyət fərqini anlaya bilərlər.

Bir də axı meyvə-tərəvəzin müştəriyə çatdırılması yalnız bir kommersiya fəaliyyəti deyil, bu, həm də sağlam qidalanmanın təbliğidir. Meyvə və tərəvəz elə təravətli olmalıdır ki, mağazaya hətta başqa məhsul almağa gələn insan bir kiloqram təzə meyvə-tərəvəz də alıb evinə aparmaq istəsin.

-    Fermerlər məhsulunu mağazalarda satışa çıxartmaq üçün nə etməlidir?

-   Fermer kimi çalışmaq hüququna malik hər kəs bizimlə işləyə bilər. Bir məqama xüsusilə diqqəti cəlb etmək istəyirəm. Müqavilə bağladığımız fermerlərə sentyabr ayından etibarən gübrə ilə bağlı dəstək göstərməyi planlaşdırırıq, hazırda bu fəaliyyət üçün hazırlıq işləri gedir. Qeyd edim ki, artıq aqronomlarımız vasitəsilə fermerlərə texniki dəstək də göstəririk.

Bir az da rəqəmlərə baxaq. Veysəloğlu Şirkətlər Qrupu hazırda 91 fermerin məhsulunu öz mağazalarında müştərilərə təqdim edir. İlin ilk 6 ayı ərzində təqribən 4,7 milyon manat dəyəri olan 5,800 tonluq meyvə-tərəvəz çeşidinin fermerlərdən alışı baş tutub. 100-ə yaxın əkin sahəsində isə fermerlərlə əməkdaşlıq imkanları müzakirə edilib. Artıq növbəti mövsüm üçün razılıq əldə olunub, bu isə istehsalçının məhsul əkinini düzgün planlaşdırmasına kömək edir, satılmayan məhsulun israfının qarşısını alır.

Öz məhsullarının birbaşa Veysəloğlu Şirkətlər Qrupuna daxil olan “Araz” və “OBA” mağazalarında satılmasını istəyən fermerləri +994559002424 nömrəsi ilə əlaqə saxlamağa dəvət edirik. Tarladan süfrələrimizə gələn meyvə və tərəvəzi bizim üçün yetişdirən bu zəhmətkeş insanlarla çalışmaqdan zövq alırıq.

https://www.youtube.com/watch?v=VzIdwop_NO8



22.08.2022Cəmiyyətə dəyər yaratmaq
Niyə “Xonça” məhsulları?

Hamımızın sevdiyi şirniyyat və un məhsullarını haradan almalı? Tez-tez çay süfrəsi ətrafında toplanmağı sevirik və burada hər zaman “Çayı nə ilə içək?” sualı ilə rastlaşırıq.

Bizə görə, bu sualın cavabı sadədir. Veysəloğlu Şirkətlər Qrupuna aid olan “Xonça” Fabrikində istehsalat prosesini öz gözlərimizlə görmək imkanımız oldu.

Gördüklərimizi, müşahidələrimizi sizinlə də paylaşmaq istəyərdik. Amma yüz dəfə eşitməkdənsə, bir dəfə görmək yaxşıdır. Odur ki, vaxt itirmədən “Xonça” Fabrikinə yollandıq.

https://www.youtube.com/watch?v=bWEVNJ1bUMc

Artıq 6 ildir ki, “Xonça” brendi ilə ən müxtəlif un məmulatları, ənənəvi dadları xatırladan şirniyyat və tortlar hazırlanır. Bu ləzzətli məhsulları “Araz” və “Spar” mağazalarından əldə edə bilərsiniz.

https://www.youtube.com/watch?v=rEYtbtNYnH8

Veysəloğlu Şirkətlər Qrupu (VŞQ) pərakəndə, distribusiya, logistika və istehsalat daxil olmaqla, tədarük zəncirinin müxtəlif sahələrini əhatə edir. Şirkətlər Qrupunun biznes fəlsəfəsi cəmiyyət üçün dəyər yaratmaq üzərində qurulub. Çay süfrəsinə bir ləzzət qatmaq da özü-özlüyündə bir dəyərdir.

18.08.2022Vətənsevərlik
Veysəloğlu Şirkətlər Qrupu tərəfindən Qarabağ Dirçəliş Fonduna ianə edildi

Veysəloğlu Şirkətlər Qrupu ölkənin dayanıqlı inkişafını dəstəkləyəcək daha bir istiqamətdə fəaliyyətə başladı. Belə ki, Şirkətlər Qrupu tərəfindən Qarabağ Dirçəliş Fonduna 100,000 manat məbləğində ianə edildi.

Bu barədə Veysəloğlu Şirkətlər Qrupunun təmsilçisi Jalə Əzizova bunları vurğuladı: “Tam səmimiyyətlə deyirəm ki, ölkə və cəmiyyətimiz üçün dəyər yaratmaq biznes fəlsəfəmizin əsasını təşkil edir. Qarabağın dirçəldilməsində bizim də rolumuzun olması qürurvericidir”.

Maliyyə dəstəyi ilə yanaşı, Veysəloğlu Şirkətlər Qrupu işğaldan və müharibədən zərər görmüş ərazilərin bərpasına yönələn birgə layihələr də həyata keçirmək niyyətindədir.

Veysəloğlu Şirkətlər Qrupu (VŞQ) pərakəndə, distribusiya, logistika və istehsalat daxil olmaqla, tədarük zəncirinin müxtəlif sahələrini əhatə edən çoxşaxəli FMCG (gündəlik istehlak malları) qrupudur. Ölkənin ərzaq təhlükəsizliyi kimi strateji sahədə özünəməxsus rolu olan Şirkətlər Qrupu hazırda 19,000-dən çox insanın iş yeridir. Cəmiyyət üçün dəyər yaratmaq, gələcək nəslin daha yaxşı bir dünyada yaşamasına töhfə vermək və insanların sosial rifahını dəstəkləmək Veysəloğlu Şirkətlər Qrupunun əsas fəlsəfəsidir.

Qarabağ Dirçəliş Fondu Azərbaycan Respublikasının Prezidenti İlham Əliyevin 4 yanvar 2021-ci il tarixli Fərmanı əsasında işğaldan azad edilmiş ərazilərin bərpası, yenidən qurulması, habelə dayanıqlı iqtisadiyyata və yüksək rifaha malik regiona çevrilməsi istiqamətində həyata keçirilən tədbirlərə dəstək məqsədilə yaradılıb. Fond qeyd olunan istiqamətlərdə nəticələrin əldə olunması üçün maliyyə dəstəyinin göstərilməsi və sərmayələrin cəlb edilməsi, bu sahədə dövlət-özəl tərəfdaşlığının inkişaf etdirilməsi, habelə ölkə daxilində və xaricində zəruri təşviqat işlərini həyata keçirir.

12.08.2022Cəmiyyətə dəyər yaratmaq
“Araz” marketlərdə batareyaları təhvil ver, təbiəti qoru!

Veysəloğlu Şirkətlər Qrupuna aid olan “Araz” supermarketlər şəbəkəsi Ekologiya və Təbii Sərvətlər Nazirliyinin “Batareyaları təhvil ver, təbiəti qoru” layihəsinə qoşulub. 

Dayanıqlı inkişafa töhfə verən layihə çərçivəsində “Araz” və “Spar” marketlərinin Bakı və Sumqayıtdakı 19 filialında batareya qutuları yerləşdirilib. Artıq müştərilər işlənmiş batareyaları bu qutulara atmaqla batareyaların utilizasiyasına dəstək ola biləcəklər.

Layihənin məqsədi işlənmiş və ya istifadəyə yararsız elektrik batareyalarını digər tullantılardan ayırmaq, toplayıb çeşidləyərək xüsusi şəraitdə zərərsizləşdirilməsinə dəstək olmaq, onların ətraf mühitə və insan sağlamlığına mənfi təsirlərini minimuma endirməkdir.

Qeyd edək ki, işlənmiş  batareyalar özündə zərərli maddələri saxlayır və onlar ümumi tullantılarla birgə atıla bilməzlər. Çünki işlənmiş olsa belə, batareyalar təbiətdə hava, su və torpaqla reaksiyaya girərək erroziyaya uğrayır, üst örtüyü məhv olur. Nəticədə tərkibindəki ağır metallar torpağa və suya qarışaraq insanları və heyvanları zəhərləyir, onların həyatına təhlükə yaradır, bitki örtüyünü məhv edir.

Veysəloğlu Şirkətlər Qrupunun tətbiq etdiyi cəmiyyətə dəyər yaratmaq strategiyasının məqsədi dayanıqlı inkişaf və ümumi rifah naminə bütün maraqlı tərəflər üçün ortaq dəyərlər yaratmaq və inkişaf etdirməkdir.

Sözügedən batareya qutularını aşağıdakı ünvanlarda tapa bilərsiniz:

Araz superstor

Sabunçu rayonu, Ə.Məmmədəliyev küçəsi 18A

(Sabunçu xəstəxanasının yaxınlığı)

Araz superstor

Suraxanı rayonu, Qaraçuxur qəsəbəsi, İ.Musayev 56 D

(“Qartal” heykəlinin yaxınlığı)

Araz superstor

Hövsan qəsəbəsi, E.Məmmədov küçəsi 5 K

(“Şüşəli” bazarın yaxınlığı)

Araz superstor

Yasamal rayonu, H.Cavid prospekti 17 (“Space” TV ilə üzbəüz)

Araz supermarket

Abşeron rayonu, Mehdiabad qəsəbəsi, Novruz küçəsi 1

(“Ülvi” şadlıq sarayı ilə üzbəüz)

Araz superstor

Sumqayıt şəhəri 9-cu mkr., Ü.Hacıbəyli küçəsi 23 C

(“Şərq” bazarının yaxınlığı)

Araz superstor

Nəsimi rayonu, Tbilisi prospekti, Alatava 2

(“20 Yanvar” metrostansiyasının yaxınlığı)

Araz superstor

Nərimanov rayonu, M.Qaşqay küçəsi, 917-ci məhəllə

(Neftçi İdman Sağlamlıq Mərkəzinin yaxınlığı)

Araz supermarket

Nərimanov rayonu, S.Rəhman küçəsi 41

(47 saylı orta məktəbin yaxınlığı)

Spar supermarket

Nərimanov rayonu, C.Hacıbəyli küçəsi, məhəllə 758

(“Koroğlu” parkının yaxınlığı)

Spar supermarket

Nəsimi rayonu, Cavadxan küçəsi, 3 mkr., 3005-ci məhəllə

(3-cü mkr. dairəsinin yaxınlığı)

Araz minimarket

Xətai rayonu, Babək prospekti 10 D

(“Babək plaza”nın yaxınlığı)

Araz superstor

Abşeron rayonu, Masazır qəsəbəsi, Ə.Vahid küçəsi

(Masazır dairəsinin yaxınlığı)

Araz supermarket

Yasamal rayonu, İnşaatçılar prospekti 31

(Dövlət Statistika Komitəsinin yaxınlığı)

Araz supermarket

Nəsimi rayonu, Mərdanov qardaşları 137

(“Olimpik star”ın yaxınlığı)

Araz supermarket

Xətai rayonu, Zığ şossesi 8

(“Nargilə” kafesinin yaxınlığı)

Araz superstor

Nəsimi rayonu, Azadlıq prospekti 103

(ABŞ səfirliyinin yaxınlığı)

Araz ekspress

Nizami rayonu, R.Rüstəmov küçəsi 12 C

(“Neftçilər” metrostansiyasının yaxınlığı)

Araz minimarket

Nizami rayonu, Babək prospekti 64

(Sərhədçi İdman Olimpiya Mərkəzinin yaxınlığı)

Veysəloğlu Şirkətlər Qrupuna daxil olan “Araz” supermarketlər şəbəkəsi ölkə üzrə yüzdən çox mağazası və 7000-dən çox əməkdaşı ilə vətəndaşlarımıza xidmət etməkdən qürur duyur! Siz harada, “Araz” orada!


11.08.2022Veysəloğlu Şirkətlər Qrupu
Rəf qiymətləri kassa qiymətləri ilə niyə üst-üstə düşməyə bilər?

Böyük supermarketlərdən alış-veriş etdikdə bəzən məhsulun rəf qiymətləri ilə kassa qiymətlərinin üst-üstə düşməməsindən gileylənirlər. Vətəndaşlar hətta bununla bağlı sosial şəbəkələrdə paylaşım da edirlər. Bəs belə hal yaranarsa, istehlakçılar öz hüquqları barədə nə dərəcədə məlumatlıdırlar və onların iddiaları nə qədər əsaslıdır? Ölkənin pərakəndə sektorunda fəaliyyət göstərən Veysəloğlu Şirkətlər Qrupu olaraq alıcılar üçün faydalı məqamlara toxunduq.

-   Rəf qiymətləri ilə kassa qiymətləri arasında fərqin səbəbi nədir?

-  Bu gün pərakəndə sektorunun təmsilçisi kimi suallarınızı cavablandırsam da, mən özüm də sadə bir istehlakçıyam və dediyiniz çətinliyi bəzən mən də yaşayıram. Lakin hamımız insanıq və baş verənlərin insan amili səbəbindən yarandığını anlayırıq.

Mən özüm də marketlərdə rəf və kassa qiymətləri arasındakı fərqi görmüşəm. Hətta bəzən bizim komandaya da istehlakçılardan bu problemlə bağlı sorğular gəlir. Böyük market şəbəkələrində məhsulun rəf qiyməti ilə kassa qiyməti arasında fərqin yaranmasının əsas səbəbi elə dediyim kimi insan amilidir. Yəni burada hər hansı bir qərəz yoxdur. İnsan amili dedikdə, yəni bilərəkdən edilməyən, amma nəticəsində istehlakçıları narahat edən nöqsanları nəzərdə tuturam.

-     Konkret misallar gətirə bilərsinizmi?

-   Məsələn, məhsul qiymətlərində dəyişikliklər baş verdikdə qiymət kassada avtomatik olaraq yenilənir. Mağazanın aidiyyəti əməkdaşları da bununla bağlı dərhal məlumatlandırılır. Amma nəzərə alaq ki, marketlərdə minlərlə məhsul çeşidi təqdim olunur və qiymətlərin rəflərdə dəyişdirilməsi fiziki olaraq müəyyən vaxt alır. Belə ki, bəzi texniki səbəblərdən bəzən istər-istəməz əməliyyatlarda ləngimələr baş verə bilər. Vitrində dəyişiklik edilənə qədər istənilən birimiz hansısa məhsulu alırıqsa, nəticədə kassada qiymət fərqi yaranır. Əlbəttə ki, sonra marketlər öz nöqsanını qəbul edib müştərilərindən üzrxahlıq edirlər.

-    Bəs insan amili dedikdə, istehlakçıları da nəzərdə tutursunuzmu?

-   Əlbəttə, istehlakçı kimi biz də müəyyən səhvlərə yol veririk. Sadə nümunə ilə izah edim. Mağazaya daxil oluruq, alış-veriş edən zaman istədiyimiz məhsulu vitrindən götürür, tərkibini incələyir və yenidən vitrinə qoyuruq. Bəzi hallarda bu məhsulu geri qoyan zaman əvvəlki yerinə deyil, digər məhsulların sırasına yerləşdiririk. Belə olan halda bizdən sonra gələn müştəri həmin məhsulu öz yerində deyil, digər məhsulların arasında görür. Bu zaman təbii ki, fərqli qiymət alıcılarda çaşqınlıq yaradır. Bu kimi halların yaranmaması, vitrinlərə nəzarətin gücləndirilməsi üçün satıcılarımızı daima təlimatlandırırıq.

-    Qiymət fərqini görən alıcı nə etməlidir?

-   Bəli, haqlı sualdır. Çünki biz Şirkətlər Qrupu olaraq, pərakəndə bazarında digər oyunçular kimi, müştərilərimizin hüquqları barədə ciddi düşünürük. Bununla bağlı bizə aid mağazalarımızda məlumatlandırıcı lövhələr quraşdırmışıq. Burada alıcı məmnuniyyətinə hədəflənən 4 prinsip əks olunub: 1) Marketlərimizdən alınan məhsullar kassa çeki və ya qəbzi təqdim olunmaqla 15 gün ərzində geri qaytarıla bilər; 2) Müştəri alış-veriş zamanı istifadə müddəti bitmiş məhsul aşkar edərsə, yeni məhsul ona hədiyyə verilir; 3) Marketlərdə çap xətası ilə əlaqədar hansısa məhsulun qiyməti aşağı elan edilərsə, bu qiymət kassada da keçərlidir; 4) Marketdə rəf qiyməti ilə kassa qiyməti fərqli olduqda (barkod, marka adı, ölçü vahidi və miqdarı eyni olarsa) aşağı olan qiymət keçərlidir.

Sadaladığım prinsiplərin hamısı bizim üçün sadəcə şüarlar deyil. Mağazalarımızda bu prinsiplərə riayət edilir. Həmçinin hansısa şikayət və ya sorğu daxil olduqda biz buna operativ cavab verməyə çalışırıq. Məlumat üçün bildirim ki, “Araz” mağazalarımızın bir çoxunda barkodu oxuyan cihazlar var ki, kassaya yaxınlaşmadan da qiymətlər barədə məlumat ala bilərsiniz.

-    Əgər bu, insan amili səbəbindən yaranan problemdirsə, buna digər ölkələrin bazarlarında da rast gəlinirmi?

-   Maraqlı bir faktı deyim ki, rəf qiymətləri ilə kassa qiymətləri arasında fərqə yalnız Azərbaycanda rast gəlinmir. Qərbdə də belədir. Məsələn, 2020-ci ildə Niderlandın ən böyük supermarketlər şəbəkələri olan “Albert Heijn” and “Jumbo”da ən azı 22% məhsulun rəf və kassa qiymətləri fərqli olub. Böyük Britaniyadakı “Coop” marketlərində 8%, Almaniyanın “Plus” marketlərində 15%, “Lidl” marketlərində isə 7% məhsulun rəf və kassa qiymətləri arasında fərq müşahidə edilib. Qonşu Türkiyədəki “BİM” və “ŞOK” marketlərdə də bu kimi hallar yaşana bilir.

Bir istehlakçı olaraq, bu hal bizi qane etməsə də, yəqin anlayışla qarşılayarsınız ki, insanın səhv etməsini istisna edə bilmirik. Amma təbii ki, nöqsanların azaldılması və hətta minimuma endirilməsi üçün çalışırıq. Həmçinin istehlakçıların məmnuniyyətini və qanunvericilik çərçivəsində hüquqlarını təmin etmək də əsas hədəfimizdir.

-    Bəs müştəri məmnuniyyətini necə təmin edirsiniz?

-  Adətən, məhsulun rəf qiymətləri ilə kassa qiymətlərinin üst-üstə düşməməsindən şikayətçi olan istehlakçılarla müştəri xidmətləri üzrə nümayəndələrimiz əlaqə saxlayıb üzrxahlıq edirlər. Ümumiyyətlə isə əsas addımımız problemin haradan qaynaqlandığını araşdırmaq və çevik həllə nail olmaqdır.

Şirkətimizin əsas dəyərlərindən biri də ədalətlilikdir. Bu isə o deməkdir ki, müştərilərimizlə də münasibətdə ədalətli olmağa çalışırıq. Biz marketçiliklə məşğul oluruq və alıcı məmnuniyyəti bizim üçün prioritetdir. İstehlakçıların əsas ehtiyacı olan məhsulları onlara mümkün olan yaxşı keyfiyyət və mümkün aşağı qiymətlərlə təqdim etməyə çalışırıq.

Qəbul edirik ki, müştərilərimiz bəzən bizə müəyyən nöqsanlar barəsində məlumat verir. Bu cür sorğular üzrə işləyən komandamız həmin müraciətləri vaxtında araşdırır və həll etmək üçün çalışır. Biz sosial şəbəkələr vasitəsilə alıcılarımızı istehlakçı hüquqları barədə məlumatlandırır, onları alış-veriş zamanı daha diqqətli olmağa çağırırıq. İnsan amili olan yerdə müəyyən nöqsanlar da yarana bilər və biz müştərilərimizi narahat edən istənilən nöqsana görə məsuliyyətimizi dərk edirik. Əsas hədəfimiz ədalətli ticarət və müştərilərimizin məmnuniyyətidir.

08.08.2022Veysəloğlu Şirkətlər Qrupu
Məhsul qiymətləri ilə bağlı “Veysəloğlu”dan aylıq AÇIQLAMA

Veysəloğlu Şirkətlər Qrupu ona aid marketlərdə ən yüksək alıcı tələbatı olan məhsullar üzrə 2022-ci il iyul ayının qiymət indeksini açıqlayıb.

“Veysəloğlu Pərakəndə İndeksi”nə görə, 2022-ci ilin iyul ayı üzrə şirkət müştərilərinin ən çox aldığı məhsulların qiymətində keçən ilin iyul ayına nisbətən 18,9% artım müşahidə edilib. Belə ki, tez köhnələn qida məhsullarının qiymətində keçən ilin iyul ayına nisbətən 20,8% artım, quru, dondurulmuş qida məhsullarının, şirniyyat və spirtsiz içkilərin qiymətində 19,8% artım, spirtli içkilər və tütün məmulatlarının qiymətində isə 8,0% artım izlənilib. Qeyd edək ki, indeks inflyasiyanın göstəricisi deyil.

İndeks son 24 ay ərzində Şirkətlər Qrupunun müştərilərinin ən çox aldığı məhsulların ümumi qiymət səviyyəsinin dəyişməsini göstərərək 112,6% təşkil edib. Nəticə etibarilə nəzərdən keçirilən dövr ərzində ortalama 12,6% qiymət artımı müşahidə olunub. “Veysəloğlu Pərakəndə İndeksi” müştərilərə aylıq məhsul alışı üçün büdcə planlamalarında dəstək məqsədini daşıyır.

Veysəloğlu Şirkətlər Qrupu (VŞQ) pərakəndə, distribusiya, logistika və istehsalat daxil olmaqla, tədarük zəncirinin müxtəlif sahələrini əhatə edən çoxşaxəli FMCG (gündəlik istehlak malları) qrupudur. VŞQ və ona aid şirkətlər üçün qida təhlükəsizliyi və ərzaq təminatının davamlılığı əsas vəzifələrdəndir.

“Veysəloğlu Pərakəndə İndeksi” nədir?

İndeks son 24 ay ərzində Şirkətlər Qrupunun müştərilərinin ən çox aldığı məhsulların ümumi qiymət səviyyəsinin dəyişməsini göstərir.

“Veysəloğlu Pərakəndə İndeksi”nin hesablanmasında bu düsturdan istifadə olunur:

Veysəloğlu Pərakəndə İndeksi=(Cari dövr istehlak səbətinin qiyməti)/(Baza dövrü istehlak səbətinin qiyməti)×100%

Məsələn, təsəvvür edək ki, tipik bir istehlakçı (müştəri) hər ay 5 kq alma, 2 kq armud alır və onun ümumi istehlak (məhsul) səbəti yalnız bu məhsullardan ibarətdir. Bu ay almanın 1 kiloqramının qiyməti 1 manat, armudun 1 kiloqramının qiyməti isə 2 manatdır. Keçən ay isə 1 kq alma 0.98 manat, 1 kq armud isə 1.95 manat olub. Bu zaman “Veysəloğlu Pərakəndə İndeksi” belə hesablanacaq:

Veysəloğlu Pərakəndə İndeksi=(almanın çəkisi×almanın cari qiyməti+armudun çəkisi×armudun cari qiyməti)/(almanın çəkisi×almanın keçən aya olan qiyməti+armudun çəkisi×armudun keçən aya olan qiyməti)×100%

Beləliklə, Veysəloğlu Pərakəndə İndeksi aşağıdakı kimi hesablanacaq:

(5×1+2×2)/(5×0.98+2×1.95)×100%=102%

Nəticə etibarilə nəzərdən keçirilən dövr ərzində 2% qiymət artımı müşahidə olunur.

“Veysəloğlu Pərakəndə İndeksi” hər ay ictimaiyyət və maliyyə qurumları ilə paylaşılır. Şirkətlər Qrupu bu indekslə alıcılıq qabiliyyətinin ölçülməsinə və müştərilərin aylıq məhsul alışı üçün büdcə planlamalarına imkan verir.

26.07.2022Veysəloğlu Şirkətlər Qrupu
Məşhur alman brendini ölkəmizə gətirdik - MÜSAHİBƏ

Sağlamlıq və şəxsi qulluq məhsulları yeni açılan “Rossmann” mağazalarında təqdim edilir.

Pərakəndə, distribusiya, logistika və istehsalat sahələrində fəaliyyət göstərən Veysəloğlu Şirkətlər Qrupu yeni bir xətt üzrə müştərilərinə məhsullar təqdim etməyə başladı. “Veysəloğlu-Rossmann” şirkətini yaradan Qrup ölkəmizdə Almaniyanın “Rossmann” firmasının sağlamlıq və şəxsi qulluq məhsullarının “Rossmann” brendli mağazalar vasitəsilə satışını həyata keçirir. Həmsöhbətimiz “Veysəloğlu-Rossmann” şirkətinin rəhbəri Aydan İsmayılovadır.

-        Aydan xanım, alman markası olan “Rossmann”ı ölkəmizə gətirmək fikri necə yarandı?

-        Xarici ölkələrə səyahət etmiş həmvətənlərimizin əksəriyyətinə, eləcə də mənə“Rossmann” markası çoxdan tanış idi. Mən özüm də hər imkanda, olduğum şəhərdə yaxınlıqdakı “Rossmann” mağazasını tapır və oradan sevdiyim məhsulları alıb özümlə Bakıya gətirirdim.

Veysəloğlu Şirkətlər Qrupu olaraq, pərakəndə bazarında 10 ildən çox təcrübəmiz sayəsində istehlakçıların düşüncə və davranışlarını daim izləyirik. Bu isə bizə imkan verir ki, yeni istiqamətlər haqqında düşünək. Düşündük və istehlakçılara bu dəfə marketçilikdən fərqli bir seqmentdə xidmət göstərməyə qərar verdik. “Rossmann” brendini ölkəmizə gətirdik ki, artıq real alman keyfiyyəti yalnız xaricə səfər edənlərə deyil, hər kəsə əlçatan olsun.

-        “Rossmann” haqqında bir neçə kəlmə ilə nə deyə bilərsiniz?

-   Bir neçə kəlmə ilə bu markanın tarixçəsindən danışım. “Rossmann” şirkəti 1972-ci ildə Almaniyada Dirk Rossmann tərəfindən qurulmuşdur. Həmin dövrə kimi Almaniyada qiymətlər dövlət tərəfindən tənzimlənirdi. Qiymət tənzimlənməsi aradan qalxdıqdan sonra gənc Rossmann öz şirkətini yaratdı, çünki artıq müştərilərə büdcələrinə uyğun münasib qiymət təklif edə biləcəkdi. Bu gün şirkətin Almaniya, Polşa, Macarıstan, Çexiya, İspaniya, Albaniya və Türkiyədə 4300-dən çox mağazası fəaliyyət göstərir. Markanın əsasında sağlamlıq və şəxsi qulluq məhsullarını birlikdə təklif edən pərakəndə satış konsepsiyası dayanır. Qlobal və özəl brendlərin məhsullarını sərfəli qiymətlərlə müştərilərə təqdim etmək markanın əsas prinsiplərindən biridir.

-        Avropada istehsal olunan məhsul dedikdə, insanlar bu məhsulun baha olacağını düşünə bilərlər. Bəs əslində necədir?

-        Belə düşünməkdə haqlı ola bilərlər. Avropa istehsalı olan məhsullar dedikdə, ilk ağlımıza gələn yüksək qiymətdir. Bunun da səbəbi brend markaların illər boyu sübut olunmuş yüksək keyfiyyət amilidir. “Keyfiyyətli məhsul mütləq bahalı olmalıdır” klişe düşüncəsini “Rossmann” mağazalar şəbəkəsi çoxdan aradan qaldırıb.

Sizə maraqlı bir faktı deyim. Ümumiyyətlə, Almaniyada kosmetika, gigiyena və sağlamlıq məhsulları digər ölkələrlə müqayisədə daha münasib qiymətədir və şübhəsiz ki, keyfiyyətlidir. “Rossmann”a gəlincə, burada 29 özəl markanın (private brand) 450-dən çox brendi istehlakçılara təqdim olunur. Bu isə o deməkdir ki, brendinq xərcləri yüksək olmayan və beləliklə, münasib qiymətə müştəriyə təklif edilə bilən məhsullara mağazada geniş yer verilib. Uzun sözün qısası, artıq alıcılarımız geniş çeşiddə yüksək keyfiyyətli məhsulları mümkün uyğun qiymətə ala biləcəklər.

-        Mağazalarınızda yalnız “Rossmann” brendinə məxsus mallar əldə etmək olar, yoxsa başqa markaların məhsulları da satılır?

-   Hazırda “Rossmann” mağazalarında iki növ məhsul təqdim edirik: 1) Məhdud sayda Nivea və Ariel kimi bazarda mövcud olan qlobal markaların məhsulları – bu məhsulların qiyməti bazardakı qiymətlə eynidir; 2) Məhz “Rossmann” mağazaları üçün tərəfdaş alman markalarının istehsal etdiyi məhsullar – bu məhsullar da münasib qiymətə geniş çeşiddə gözəllik və qulluq məhsulları, uşaqlar üçün qulluq məhsulları, ev-təmizlik məhsulları, orqanik qida məhsulları, gigiyena məhsulları, dəftərxana ləvazimatları, oyuncaqlar, bəzək əşyaları, hədiyyələr və s.-dir. Mağazalarımızın təqdim etdiyi məhsul çeşidi və rahat alış-veriş təcrübəsi, yəni eyni anda, eyni məkanda bir sıra məhsulları əldə etmək imkanı hər kəs üçün göydəndüşmə fürsət ola bilər. Əvvəllər yalnız xaricdən ala bildikləri məhsullar müştərilərimiz üçün indi daha əlçatandır.

-        Deyilənə görə, “Rossmann” öz məhsullarını heyvanlar üzərində sınamayan markalardandır. Bu, həqiqətdirmi?

-    Tamamilə doğru məlumatdır. Unutmamalıyıq ki, heyvanlar dünyaya öz həyatlarını yaşamaq üçün gəliblər, bizə xidmət etmək üçün deyil. Onlardan istifadə etmək və onları istismar etmək yolverilməzdir. “Rossmann” heyvanlar üzərində təcrübə aparılmasının qəti əleyhinədir və heyvanlara zərər verən istənilən davranışı doğru hesab etmir. Məhsulların heç birinin istehsal mərhələsində heyvanlardan subyekt kimi istifadə etmirik və istifadəsinə icazə vermirik. Məhsullarımız yalnız dermatoloji olaraq, könüllülər üzərində sınaqdan keçirilir. Heyvan testlərindən qaçmaq üçün biz həmişə sübut edilmiş və təsdiqlənmiş inqrediyentlərə üstünlük veririk.

-        Avropa istehsalı olan məhsullar haqqında yerli alıcılarımıza məsləhət vermək üçün satıcılarımız nə qədər hazırlıqlıdırlar?

-    Hər bir şirkətin sahib olduğu resurslardan ən qiymətli olanı peşəkar və işini sevən insan resurslarıdır. Biz də rəqabət üstünlüyümüzü əməkdaşlarımızın peşəkarlığında və inkişafa açıq şirkət mədəniyyətimizdə görürük. “Rossmann” heyəti olaraq, mağazalarımızda çalışan əməkdaşlara xüsusi təlimlər keçirik. Təlim proqramına məhsullar haqqında ətraflı məlumat, məsələn, məhsul tərkibinə daxil olan maddələr, onların hazırlanmasının xüsusi texnika və texnologiyası daxildir. Xüsusilə vurğulayım ki, “Rossmann”ın bir sıra məhsulları beynəlxalq sertifikatlara layiq görülüb. Bu sertifikatlar bir daha sübut edir ki, məhsullarımız keyfiyyətli və təhlükəsizdir. Qalır müştəriyə ehtiyacına uyğun məhsulu seçməkdə kömək etmək. Təlimdə əməkdaşlarımız məhsul seçimi prosesində müştərilərə lazımi tövsiyələr vermək üçün dərinin xüsusiyyətləri, qulluq növləri və s. dair biliklər əldə edir. Təbii ki, bütün bunların mərkəzində müştərilərə doğru xidmət qaydaları dayanır.

-    Aydan xanım, siz özünüz “Rossmann” brendinə məxsus hansısa məhsuldan istifadə edirsinizmi?

-   Təbii ki... Mən deyərdim ki, Isana markasına aid bir sıra, xüsusilə də üz və bədən qulluğu məhsullarından sevərək istifadə edirəm. Yay fəsli olduğu üçün günəş şüalarına qarşı SunOzon mənim və ailə üzvlərimin əvəzolunmaz məhsullarıdır. Məişətdə təmizlik üçün seçimim isə Domol məhsulları, yumşaldıcı və təmizləyici spreyləridir.

-    “Rossmann” mağazalarını şəhərin hansı nöqtələrində tapmaq olar?

-   Mağazalarımız təşkilati quruluşuna görə şəhərin istənilən guşəsində açıla bilər. İlk mağazamız Bakının “İnşaatçılar” metrostansiyasının yaxınlığında açıldı. Növbəti mağazamız isə Bakı Dövlət Universitetinin yaxınlığında müştərilərin ixtiyarına verildi. Amma biz bununla kifayətlənmirik. Yeni mağazaların açılışı məqsədilə Bakıda və Azərbaycanın digər bölgələrində uyğun məkan axtarışlarımız davam edir. Çalışırıq ki, insanlara daha yaxın və əlverişli yerləri seçim edək. Axı bu markanı Azərbaycana gətirmək bəs deyil, onu həm də ən uyğun yerlərdə istehlakçılara təqdim etmək lazımdır.

20.07.2022Veysəloğlu Şirkətlər Qrupu
“OBA” marketlər şəbəkəsinə yeni rəhbər təyin edilib

Veysəloğlu Şirkətlər Qrupuna daxil olan “OBA” marketlər şəbəkəsinin İdarə Heyətinin sədri vəzifəsinə Natəvan İbrahimova təyin edilib. O, maliyyə və idarəetmə sahəsində 17 ildən çox təcrübəyə malik olan bir peşəkardır.

Natəvan İbrahimova karyerasına 2005-ci ildə “Veysəloğlu Distribusiya” şirkətində proqram inzibatçısı kimi başlayıb və müxtəlif illərdə büdcələmə və hesabatvermə, xərclərə nəzarət sahələri üzrə rəhbər vəzifələrdə işləyib. O, 2014-cü ildə Maliyyə Direktoru vəzifəsinə yüksəlib. Natəvan İbrahimova eyni zamanda böyük rəqəmsal transformasiya mərhələsində olan Veysəloğlu Şirkətlər Qrupundakı SAP layihəsinə rəhbərlik etmişdir.

Bakalavr təhsilini “Tətbiqi riyaziyyat və kibernetika” ixtisası üzrə 2003-cü ildə Bakı Dövlət Universitetində alan Natəvan İbrahimova 2005-ci ildə həmin universitetin eyni ixtisası üzrə magistr diplomuna yiyələnib. 2019-2021-ci illərdə dünyanın qabaqcıl biznes məktəblərindən ESCP Business School-da Executive MBA dərəcəsi qazanıb. Mütəmadi olaraq maliyyə və idarəetmə üzrə beynəlxalq təlim və konfranslarda iştirak edən Natəvan İbrahimova Ostin Texas Universitetinin (ESCP Aparıcı İnnovasiyalar və İnkişaf üzrə) və Şanxay Jiao Tonq Universitetinin (ESCP Europe Çin modeli üzrə) sertifikatlarını qazanıb. Həmçinin Beynəlxalq Maliyyə Hesabatı Standartları üzrə Milli Diploma (ACCA DipIFR) sahibdir.

Qeyd edək ki, 2016-2022-ci (iyul, 2022) illər ərzində “OBA” marketlər şəbəkəsinin rəhbəri vəzifəsini icra edən Vüsal Şərifov hazırda Veysəloğlu Şirkətlər Qrupunda Müşahidə Şurasının üzvü olmaqla yanaşı, startaplar, yeni biznes və inkişaf layihələrinin idarəedilməsinə cavabdehdir.

“OBA” marketlər şəbəkəsi 2016-cı ildə bazarın ehtiyacına uyğun olan və fərqli bir konseptə malik, “discount” (endirim) konseptli bir market olaraq yaradılmışdır. Veysəloğlu Şirkətlər Qrupunun “OBA” marketlərini yaratmaqda əsas məqsədi əməliyyat xərclərini minimum saxlamaq, istehsalçıdan birbaşa istehlakçıya çatdırmaq və nəticədə insanlara büdcəyə qənaət etməklə özünü və ailəsini təmin etmək imkanı yaratmaq olmuşdur.

Hazırda “OBA” qonşu market konsepsiyasına əsasən hər kəsə qonşu qədər yaxındır və Azərbaycanın əksər bölgələrini əhatə edən 1111 mağazası ilə müştərilərinə ailə büdcəsinə qənaət etdirəcək alış-veriş təcrübəsi qazandırmaq üçün çalışır. Hazırda “OBA” ailəsi 5700-ə yaxın əməkdaşı ilə istehlakçılara xidmət göstərir.

Veysəloğlu Şirkətlər Qrupu pərakəndə, logistika, distribusiya və istehsalat sahələrində fəaliyyət göstərir. Hazırda Şirkətlər Qrupunun 19.000 nəfərdən çox əməkdaşı var. Bu yaxınlarda dünyada tanınmış “Deloitte” şirkətinin Azərbaycanda ilk dəfə olaraq təşkil etdiyi nüfuzlu “Best Managed Companies” müsabiqəsində Veysəloğlu Şirkətlər Qrupu qaliblərdən biri elan edilib.

18.07.2022Veysəloğlu Şirkətlər Qrupu
“Veysəloğlu Distribusiya” şirkətinə yeni rəhbər təyin edilib

Veysəloğlu Şirkətlər Qrupuna daxil olan “Veysəloğlu Distribusiya” şirkətinə Baş İcraçı Direktor vəzifəsinə Qabil Əhmədov təyin edilib. O, satış və marketinq sahəsində 20 ildən çox yerli və beynəlxalq təcrübəyə malik olan bir peşəkardır.

Qabil Əhmədov karyerasına 1999-cu ildə FMCG (alıcılıq qabiliyyəti yüksək olan ərzaqlar) sektorunun satış sahəsində başlayıb. Rəhbər vəzifələrdə fəaliyyətə 2001-ci ildən etibarən “Colgate-Palmolive” şirkətinin Azərbaycan üzrə satış meneceri olaraq başlayıb və sonrakı illərdə şirkətin Azərbaycan və Gürcüstan üzrə satış meneceri olaraq fəaliyyətini davam etdirib. 2004-2005-ci illərdə “Hunca Kozmetik” şirkətinin ərazi ixrac meneceri olaraq çalışıb, 2005-2007-ci illərdə “Colgate-Palmolive” şirkətinin Tacikistan, Türkmənistan və Monqolustan üzrə ölkə meneceri vəzifəsinə yüksəldilib. Qabil Əhmədov 2007-2011-ci illərdə “Henkel Mərkəzi və Şərqi Avropa” şirkətinin Qafqaz nümayəndəliyinin Azərbaycan üzrə regional satış və marketinq meneceri vəzifələrində çalışıb. O, 2011-2018-ci illər ərzində “Coca-Cola” şirkətinin Qafqaz və Mərkəzi Asiya regionu üzrə Azərbaycan nümayəndəliyinin ölkə meneceri, Özbəkistan üzrə ölkə meneceri, “Coca-Cola Uzbekistan Bottlers” şirkətində Baş direktorun müavini kimi müxtəlif rəhbər funksiyalarda fəaliyyət göstərib. 2019-2022-ci illərdə “Mars Overseas (Pepsi Bottlers Azerbaijan)” və “AzFPCo (“Milla” süd markası)” şirkətlərində Baş İcraçı Direktor vəzifələrində çalışıb.

Qabil Əhmədov bakalavr və magistr təhsilini Azərbaycan Dövlət İqtisad Universitetində “İqtisadiyyat” ixtisası üzrə alıb. Harvard Biznes Məktəbinin “LEAP 2.0, Leadership Excellence Accelerates Performance” liderlik proqramı, “Coca-Cola” şirkətinin Hindistanda təşkil etdiyi “Pegasus Program, Leaders of the Future” sertifikatlarına malikdir.

Qeyd edək ki, “Veysəloğlu Distribusiya” şirkəti fəaliyyətinə 1994-cü ildə Türkiyədən qida məhsullarının idxalı ilə başlayıb və Veysəloğlu Şirkətlər Qrupunun təməli bu şirkət ilə qurulub. 1997-ci ildən etibarən şirkət öz fəaliyyətini genişləndirərək dünyanın bir çox tanınmış markalarının nümayəndəliklərini alıb və hazırda 4025 çeşiddə məhsulun ölkə üzrə distribusiyasını həyata keçirir. Şirkət Bakıda yerləşən baş ofisi ilə yanaşı, Mingəçevir və Salyanda yerləşən regional ofisləri və 2300 nəfərdən çox əməkdaşı ilə xidmət göstərir.

Veysəloğlu Şirkətlər Qrupu pərakəndə, logistika, distribusiya və istehsalat sahələrində fəaliyyət göstərir. Hazırda Şirkətlər Qrupunun 19.000 nəfərdən çox əməkdaşı var. Bu yaxınlarda dünyada tanınmış “Deloitte” şirkətinin Azərbaycanda ilk dəfə olaraq təşkil etdiyi nüfuzlu “Best Managed Companies” müsabiqəsində Veysəloğlu Şirkətlər Qrupu qaliblərdən biri elan edilib.

15.07.2022Veysəloğlu Şirkətlər Qrupu
Şirkətlər Qrupumuz üçün “tarladan süfrəyə” nədir?

Son 6 ayda 5,800 tonluq məhsul birbaşa fermerdən alınaraq mağaza rəflərinə gətirilib

Veysəloğlu Şirkətlər Qrupu istehlakçıları təbii meyvə-tərəvəzlə təmin etmək məqsədilə məhsulların birbaşa fermerlərdən alışını təşkil edir. Şirkətlər Qrupunun niyyəti müştəriləri mümkün uyğun qiymətə və təbii məhsullarla təmin etmək, həmçinin kiçik və orta təsərrüfat subyektlərinə dəstək olmaqdır. Meyvə-tərəvəzin satın alınması üzrə rəhbər Sərdar Ceylan: “Biz bu prosesə sadəcə bir alış-veriş əməliyyatı olaraq yanaşmırıq. Burada beynəlxalq təcrübəni nəzərdən keçirir və öz işimizi ədalətli ticarət prinsiplərinə əsasən qurmağa çalışırıq. Fermerlərlə birbaşa ünsiyyət yaradır və həm biznesimiz, həm də istehsalçılar üçün əlverişli şərtlərlə əməkdaşlıq edirik. Bu fəaliyyətin nəticəsi olaraq, yerli fermerlər öz məhsullarını daha geniş satış şəbəkəsinə birbaşa təqdimetmə fürsəti əldə edirlər.

Veysəloğlu Şirkətlər Qrupu hazırda 91 fermerin məhsulunu öz mağazalarında müştərilərə təqdim edir. İlin ilk 6 ayı ərzində təqribən 4,7 milyon manat dəyəri olan 5,800 tonluq meyvə-tərəvəz çeşidinin fermerlərdən alışı baş tutub. 100-ə yaxın əkin sahəsində isə fermerlərlə əməkdaşlıq imkanları müzakirə edilib. Artıq növbəti mövsüm üçün razılıq əldə olunub, bu isə istehsalçının məhsul əkinini düzgün planlaşdırmasına kömək edir, satılmayan məhsulun israfının qarşısını alır.

Şirkətlər Qrupu logistik əməliyyatların effektiv təşkili üçün ilkin mərhələdə kartof və soğanın qəbulu və saxlanılması məqsədilə Mingəçevir və Salyanda yerli saxlama məntəqələri yaradıb. 2022-ci ildə isə“Şəmkir Aqroparkı”nda Veysəloğlu Şirkətlər Qrupu üçün xüsusi məhsul qəbulu məntəqəsinin yaradılması həmin regiondakı kəndlinin işini asanlaşdırıb. Belə ki, artıq istehsalçının məhsulunu satmaq üçün vaxt və pul sərf edərək Bakıya gəlməsinə ehtiyac yoxdur. Məhsullar “soyuq zəncir” standartları tətbiq edilməklə ölkə daxilindəki bütün “Araz” və “OBA” mağazalarına çatdırılır. Bununla da təbii məhsulları alıcılara həqiqətən münasib qiymətə təklif etməyə imkan yaranır. İstehlakçılar xüsusilə kartof, soğan, sarımsaq, kök, kələm, çuğundur, alma, şaftalı, gilas, gavalı və çiyələk növləri üzrə qiymət və yerli dad fərqini rahatlıqla anlaya bilərlər.

Öz məhsullarının Veysəloğlu Şirkətlər Qrupuna daxil olan “Araz” və “OBA” mağazalarında birbaşa satılmasını istəyən fermerlər +994559002424 nömrəsi ilə əlaqə saxlamağa dəvət olunur.

Veysəloğlu Şirkətlər Qrupu 28 ildir ki, pərakəndə, logistika, distribusiya və istehsalat sahələrində fəaliyyət göstərir. 19,000 nəfərdən çox insanın iş yeri olan Şirkətlər Qrupu Deloitte şirkətinin təşkil etdiyi nüfuzlu Best Managed Companies müsabiqəsinin qaliblərindəndir.

14.07.2022Vətənsevərlik
5 qazi İnsan Resurslarının İdarə Olunması ixtisasına yiyələndi

Veysəloğlu Şirkətlər Qrupuna daxil olan “Araz” supermarketlər şəbəkəsinin dəstəyilə 44 günlük Vətən müharibəsinin iştirakçıları Elnur Ələkbərov, Orxan Batiyev, Şiraz Həsənov, Vüsal Həsənov və Fərid Əlirzayev Böyük Britaniyanın Maliyyə Menecerləri Assosiasiyasının rəhbəri Prins Maykl Kentin şəxsi imzası ilə beynəlxalq sertifikat əldə ediblər.

Etika Akademiyası ilə əməkdaşlıq çərçivəsində baş tutan layihədə qazilər 4 ay ərzində İnsan Resurslarının İdarə Olunması ilə yanaşı, “İşgüzar etiket”, “Sahibkarlığın inkişafı” təlimlərində də iştirak edərək müvafiq biliklərə yiyələniblər.

“Araz” supermarketlər şəbəkəsinin İdarə Heyətinin sədri Rəşad İbrahimov qazilərlə görüşərək onlara sertifikatlar təqdim edib. Səmimi keçən görüşdə qazilərin döyüş yolu, gələcək hədəfləri, müzakirə olunub. Layihənin növbəti mərhələsi olaraq, qazilər “Araz” supermarketlər şəbəkəsinin İR komandasında təcrübə proqramı keçəcəklər.

Vaxtaşırı sosial layihələrlə gündəmə gələn “Araz” supermarketlər şəbəkəsinin bu layihəni icra etməkdə məqsədi 44 günlük Vətən müharibəsinin ardından qazilərin yeni həyata adaptasiyasına dəstək olmaq, onların yeni vərdişlərə sahib olmalarını stimullaşdırmaqdır.

Veysəloğlu Şirkətlər Qrupuna daxil olan “Araz” supermarketlər şəbəkəsi ölkə üzrə yüzdən çox mağazası və 7000-dən çox əməkdaşı ilə vətəndaşlarımıza xidmət etməkdən qürur duyur! Siz harada, “Araz” orada!

Veysəloğlu Şirkətlər Qrupu 28 ildir ki, pərakəndə, logistika, distribusiya və istehsalat sahələrində fəaliyyət göstərir. Şirkətlər Qrupu Deloitte şirkətinin təşkil etdiyi nüfuzlu Best Managed Companies müsabiqəsinin qaliblərindəndir.

06.07.2022Veysəloğlu Şirkətlər Qrupu
Məhsul qiymətlərində hansı dəyişikliklər olub? – “Veysəloğlu”dan aylıq AÇIQLAMA

Veysəloğlu Şirkətlər Qrupu ona aid marketlərdə ən yüksək alıcı tələbatı olan məhsullar üzrə 2022-ci il iyun ayının qiymət indeksini açıqlayıb.

“Veysəloğlu Pərakəndə İndeksi”nə görə, 2022-ci ilin iyun ayı üzrə şirkət müştərilərinin ən çox aldığı məhsulların qiymətində keçən ilin iyun ayına nisbətən 18,6% artım müşahidə edilib. Belə ki, tez köhnələn qida məhsullarının qiymətində keçən ilin iyun ayına nisbətən 21,4% artım, quru, dondurulmuş qida məhsullarının, şirniyyat və spirtsiz içkilərin qiymətində 18,7% artım, spirtli içkilər və tütün məmulatlarının qiymətində isə 7,8% artım izlənilib. Qeyd edək ki, indeks inflyasiyanın göstəricisi deyil.

İndeks son 24 ay ərzində Şirkətlər Qrupunun müştərilərinin ən çox aldığı məhsulların ümumi qiymət səviyyəsinin dəyişməsini göstərərək 111,6% təşkil edib. Nəticə etibarilə nəzərdən keçirilən dövr ərzində ortalama 11,6% qiymət artımı müşahidə olunub. “Veysəloğlu Pərakəndə İndeksi” müştərilərə aylıq məhsul alışı üçün büdcə planlamalarında dəstək məqsədini daşıyır.

Veysəloğlu Şirkətlər Qrupu (VŞQ) pərakəndə, distribusiya, logistika və istehsalat daxil olmaqla, tədarük zəncirinin müxtəlif sahələrini əhatə edən çoxşaxəli FMCG (gündəlik istehlak malları) qrupudur. VŞQ və ona aid şirkətlər üçün qida təhlükəsizliyi və ərzaq təminatının davamlılığı əsas vəzifələrdəndir.

Veysəloğlu Pərakəndə İndeksi” nədir?

İndeks son 24 ay ərzində Şirkətlər Qrupunun müştərilərinin ən çox aldığı məhsulların ümumi qiymət səviyyəsinin dəyişməsini göstərir.

“Veysəloğlu Pərakəndə İndeksi”nin hesablanmasında bu düsturdan istifadə olunur:

Veysəloğlu Pərakəndə İndeksi=(Cari dövr istehlak səbətinin qiyməti)/(Baza dövrü istehlak səbətinin qiyməti)×100%

Məsələn, təsəvvür edək ki, tipik bir istehlakçı (müştəri) hər ay 5 kq alma, 2 kq armud alır və onun ümumi istehlak (məhsul) səbəti yalnız bu məhsullardan ibarətdir. Bu ay almanın 1 kiloqramının qiyməti 1 manat, armudun 1 kiloqramının qiyməti isə 2 manatdır. Keçən ay isə 1 kq alma 0.98 manat, 1 kq armud isə 1.95 manat olub. Bu zaman “Veysəloğlu Pərakəndə İndeksi” belə hesablanacaq:

Veysəloğlu Pərakəndə İndeksi=(almanın çəkisi×almanın cari qiyməti+armudun çəkisi×armudun cari qiyməti)/(almanın çəkisi×almanın keçən aya olan qiyməti+armudun çəkisi×armudun keçən aya olan qiyməti)×100%

Beləliklə, Veysəloğlu Pərakəndə İndeksi aşağıdakı kimi hesablanacaq:

(5×1+2×2)/(5×0.98+2×1.95)×100%=102%

Nəticə etibarilə nəzərdən keçirilən dövr ərzində 2% qiymət artımı müşahidə olunur.

“Veysəloğlu Pərakəndə İndeksi” hər ay ictimaiyyət və maliyyə qurumları ilə paylaşılır. Şirkətlər Qrupu bu indekslə alıcılıq qabiliyyətinin ölçülməsinə və müştərilərin aylıq məhsul alışı üçün büdcə planlamalarına imkan verir.

30.06.2022Vətənsevərlik
Mədəniyyət Nazirliyi və “Araz” supermarketlər şəbəkəsi Şuşa Dövlət Musiqili Dram Teatrının tamaşasını təşkil etdi

Azərbaycan Respublikası Mədəniyyət Nazirliyi və Veysəloğlu Şirkətlər Qrupuna aid olan “Araz” supermarketlər şəbəkəsinin birgə təşkilatçılığı ilə Şuşa Dövlət Musiqili Dram Teatrı M.F.Axundzadənin “Sərgüzəşti-vəziri-xani-Lənkəran” tamaşası ilə çıxış edib.

“Araz” supermarketlər şəbəkəsinin təşəbbüsü ilə “Şuşa ili” çərçivəsində keçirilmiş bu tamaşa elə Şuşa şəhərində baş tutub. Şuşa Şəhəri Dövlət Qoruğu İdarəsinin dəstək olduğu tədbirdə ictimaiyyət nümayəndələri, teatr xadimləri və media təmsilçiləri iştirak edib.

Şuşa Dövlət Musiqili Dram Teatrı 1943-cü ildə təsis edilib və ona dahi Üzeyir Hacıbəylinin adı verilib, lakin bir neçə ildən sonra teatr bağlanıb. Azərbaycan müstəqillik qazandıqdan sonra Mədəniyyət Nazirliyi tərəfindən Şuşa Dövlət Musiqili Dram Teatrının fəaliyyəti bərpa edilib. Qarabağın işğalı səbəbilə Şuşada fəaliyyət göstərə bilməyən teatr uzun müddət Bakıda məskunlaşmalı olub.

Bərpa olunmasının ardından bu il fəaliyyətinin 30 illik yubileyini qeyd edən teatr indiyədək heç vaxt Şuşada tamaşa göstərməyib.

Şuşanın mədəniyyət həyatının qayıtmasında özəl sektorun öndə olan simalarından biri “Araz” supermarketlər şəbəkəsinin bu addımı milli-mənəvi dəyərlərimizin tarixi torpaqlarımızda yenidən canlanmasına xidmət edir.

Şirkətin korporativ sosial məsuliyyət yönümlü layihələri Azərbaycan cəmiyyətinə dəyər yaratmaq məqsədi daşıyır.

Vətəndaş olaraq, hər birimizin borcu vətənimizin bütövlüyü, xoşbəxt gələcəyi uğrunda atılan addımlara dəstək olmaqdır. Bu səbəbdən də istər fərd olaraq, istərsə də özəl sektoru təmsil edən müxtəlif şirkətlər Qarabağın bərpasına töhfə verməyə çalışırlar.

Veysəloğlu Şirkətlər Qrupu pərakəndə, logistika, distribusiya və istehsalat sahələrində fəaliyyət göstərir. Hazırda Şirkətlər Qrupunun 19,500 nəfərdən çox əməkdaşı var. Bu yaxınlarda dünyada tanınmış Deloitte şirkətinin Azərbaycanda ilk dəfə olaraq təşkil etdiyi nüfuzlu Best Managed Companies müsabiqəsində Veysəloğlu Şirkətlər Qrupu qaliblərdən biri elan edilib.

24.06.2022Veysəloğlu Şirkətlər Qrupu
Alman markası “Rossmann”ı ölkəmizə gətirdik!

Marka, keyfiyyət və sərfəli qiymət bir arada olacaq.

Veysəloğlu Şirkətlər Qrupu Almaniyanın “Rossmann” markası ilə birgə layihə çərçivəsində Bakıda ilk mağazanın açılışını etdi. 2022-ci ildə “Veysəloğlu-Rossmann” MMC şirkətini yaradan Veysəloğlu Şirkətlər Qrupu “Rossmann” şirkətinin sağlamlıq və şəxsi qulluq məhsullarının xüsusi mağazalar vasitəsilə satışını nəzərdə tutur. Mağazalar “Rossmann” brendi altında fəaliyyət göstərəcək. Beləliklə, “Veysəloğlu” alman keyfiyyətini müştəriləri üçün əlçatan edəcək.

“Rossmann”ın ilk mağazası Bakının Yasamal rayonu A.M.Şərifzadə küçəsi, 162 (“İnşaatçılar” metrostansiyasının çıxışı) ünvanında yerləşir.

Açılışda Veysəloğlu Şirkətlər Qrupunun İdarə Heyətinin nümayəndəsi Vüsal Şərifov, “Rossmann” şirkətinin, Almaniya Federativ Respublikasının Bakıdakı Səfirliyinin və Alman-Azərbaycan Ticarət Palatasının (AHK) rəsmiləri iştirak etdilər. “Rossmann” şirkətinin təmsilçisi Marek Karasch: “Biz tanınmış qrup olaraq Azərbaycanda ilk mağazamızın açılmasından çox məmnunuq. Ümid edirik ki, Veysəloğlu Şirkətlər Qrupu ilə əməkdaşlığımız uzunmüddətli və faydalı olacaq”.

Öz növbəsində Veysəloğlu Şirkətlər Qrupunun Müşahidə Şurasının üzvü Vüsal Şərifov bunları vurğuladı: “Şirkətlər Qrupumuzun missiyası ölkə iqtisadiyyatı və istehlakçılarımız üçün dəyər yaratmaqdır. Düşünürük ki, tanınmış və keyfiyyətli markanın Azərbaycana gətirilməsi və bu markaya məxsus olan alman keyfiyyətli məhsulların alıcılarımıza sərfəli qiymətə təklif olunması elə məhz bu fəlsəfəyə xidmət edir”.

Hazırda Bakıdakı mağazada 8000-nə yaxın məhsul çeşidi var, yaxın gələcəkdə həm mağaza sayı, həm də məhsul çeşidi artacaqdır. Növbəti mağaza Bakı Dövlət Universitetinin yaxınlığında əhalinin istifadəsinə veriləcək.

Hansı məhsullar satılacaq?

İlk vaxtlarda “Rossmann” mağazalarında iki növ məhsul təqdim ediləcək: 1) Məhdud sayda Nivea və Ariel kimi bazarda mövcud olan qlobal markaların məhsulları; 2) Məhz “Rossmann” mağazaları üçün tərəfdaş alman markalarının istehsal etdiyi məhsullar – münasib qiymətə geniş çeşiddə gözəllik və qulluq məhsulları, uşaqlar üçün qulluq məhsulları, ev-təmizlik məhsulları, orqanik qida məhsulları, gigiyena məhsulları, dəftərxana ləvazimatları, oyuncaqlar, bəzək əşyaları, hədiyyələr və s.

“Rossmann”ın tarixçəsi

“Rossmann” şirkəti 1972-ci ildə Almaniyada Dirk Rossmann tərəfindən qurulub. Bu gün şirkətin Almaniya, Polşa, Macarıstan, Çexiya, İspaniya, Albaniya və Türkiyədə 4300-dən çox mağazası fəaliyyət göstərir. Qlobal brendlərin məhsullarını sərfəli qiymətlərlə müştərilərə təqdim etmək markanın əsas prinsiplərindən biridir.

“Rossmann” öz məhsullarını heyvanlar üzərində sınamayan markalardandır və heyvanlara zərər verən istənilən davranışı doğru hesab etmir. Brendin məhsulları yalnız dermatoloji olaraq, könüllülər üzərində sınaqdan keçirilir.

Veysəloğlu Şirkətlər Qrupu pərakəndə, logistika, distribusiya və istehsalat sahələrində fəaliyyət göstərir. Hazırda Şirkətlər Qrupunun 19,500 nəfərdən çox əməkdaşı var. Bu yaxınlarda dünyada tanınmış Deloitte şirkətinin Azərbaycanda ilk dəfə olaraq təşkil etdiyi nüfuzlu Best Managed Companies müsabiqəsində Veysəloğlu Şirkətlər Qrupu qaliblərdən biri elan edilib.

23.06.2022Veysəloğlu Şirkətlər Qrupu
Sistemin rəqəmsallaşdırılmasına 5 milyon manat sərf edilib – MÜSAHİBƏ

Veysəloğlu Şirkətlər Qrupunda 2020-2025-ci illər ərzində SAP layihəsi çərçivəsində qrupa daxil olan distribusiya şirkətində artıq SAP S/4HANA platformasına keçid baş verib. Qeyd edək ki, SAP S/4HANA müəssisə resurslarının planlaşdırılması üzrə dünyada lider sistem olaraq ən uğurlu pərakəndəçilərin seçimidir. “APA-Economics” Veysəloğlu Şirkətlər Qrupunun Rəqəmsal Transformasiya direktoru Özgür Kakmacı ilə müsahibəni təqdim edir.

- Özgür bəy, Veysəloğlu Şirkətlər Qrupu rəqəmsal idarəetmə ilə bağlı hansı yenilikləri həyata keçirib?

- 2019-cu ilin sonundan etibarən Avropanın ən böyük proqramlaşdırma şirkəti SAP SE ilə rəqəmsal idarəetmə sahəsində əməkdaşlıq edirik. Amma bildiyiniz kimi, belə layihələrin icrası asan olmur. Çünki nəticə etibarilə bütün idarəetmə sistemi dəyişir. Əvvəlcə bu prosesə ciddi hazırlıq lazımdır. Şirkətin hazırlığı ilə yanaşı, rəqəmsallaşmanın tətbiqi 2 ilə yaxın vaxt apardı.

- Tətbiq edilən rəqəmsallaşma şirkət üçün nəyi dəyişdi?

- Bilirsiniz, Veysəloğlu Şirkətlər Qrupu ümumi olaraq, 19,500-dən çox əməkdaşı olan bir qurumdur və təbii ki, belə böyük şirkətdə bütün əməliyyatlara başdan-başa nəzarət etmək çətin idi. Hətta əvvəllər müxtəlif sahələrdə idarəetmə manual qaydada aparılırdı. Bəzi sahələrdə problemləri həll etmə imkanlarımız məhdud idi. Belə ki, istifadə edilən çoxlu texnoloji həllər olsa da, bunların çoxu manual qaydada inteqrasiya edilmişdi. Bəzi sahələrdə problemlərin həlli üçün ümumiyyətlə, təkliflərimiz yox idi. Sistemin təməldən qurulmasına ehtiyac yaranmışdı. SAP ilə biz bütün əvvəlki inteqrasiyaları ortadan qaldırdıq. Vahid bir platforma üzərindən bütün işlərimizi idarə edə bilmə imkanı əldə etdik. Ən əsası “SAP Global best practice” xidmətlərini aldıq ki, bizim idarəetmə sistemimiz də qlobal səviyyəyə çatsın.

- Bir misal üzərində izah edə bilərsiniz?

- Məsələn, bizim gəlirlilik təhlilimiz əvvəlki manual sistemdə indiki qədər detallı deyildi. Hazırda həm müştəri, həm də məhsul üzrə gəlirlilik təhlilini apara bilirik. Yüklərin çatdırılması xidməti ilə saxlama anbarları arasında əməliyyat manual qaydada həyata keçirilirdi. İndi isə yüklərin çatdırılması əməliyyatı optimallaşdırılıb, sistemə tanıdıldıqdan sonra hansı yüklərin saxlama kameralarında necə yerləşdiriləcəyi, hansı nəqliyyat vasitələrinə hansı məhsulların yüklənəcəyi birbaşa təyin edilir.

Hazırda 24 modul tam olaraq çalışır. Buna maliyyə, satış, satınalma, keyfiyyət, daşınma, əsas data, distribusiya, insan resursları və digər sahələr daxildir. Bütün sadalanan sahələr bir-birilə məlumat mübadiləsi əsnasında fəaliyyət göstərə bilir. Bunun isə birbaşa nəticəsini maliyyə baxımından görə bilirik.

- Sistemin vahid rəqəmsallaşması şirkətin xərclərinə nə qədər qənaət etməyə imkan verib?

- İndiyə kimi layihənin icrasına 5 mln. manat vəsait sərf olunub. Hesab edirəm ki, layihəyə ayırdığımız xərci qısa zamanda kompensasiya edə biləcəyik. Çünki hər şey artıq dağınıq şəkildə deyil, vahid sistem şəklində icra edilir. Hər şey şəffafdır və ölçülmə imkanları yaranıb, sistemdə hər bir əməliyyat digərləri ilə əlaqəlidir.

- Özgür bəy, istehsal prosesində necə, rəqəmsallaşmaya keçiləcəkmi?

- Digər şirkətlərimiz də bu sistemdən faydalanır. Biz Veysəloğlu Şirkətlər Qrupuna daxil olan distribusiya şirkətində layihəni artıq icra etmişik. İkinci rəqəmsallaşma layihəmiz “Araz” supermarketlərində davam edir və bu ilin sonuna kimi yekunlaşacaq. 2023-cü ildən isə “Ulduz” Şokolad Fabriki və “Xonça” Fabrikində SAP-nin istifadəsinə başlanılacaq. Yəni 5 illik rəqəmsallaşma proqramımız 2024-ci ilin sonuna kimi davam edəcək.

Təchizat zəncirinin optimallaşdırılmasını aktivləşdirməyə çalışacağıq. Yəni sürətli olaraq, şirkətləri bu prosesə daxil edərək, texnoloji həllərlə bağlı əhatə dairəmizi genişləndirərək işi davam etdirməyi planlaşdırırıq. Çünki bilirik ki, rəqəmsal transformasiya artıq qaçılmazdır. Amma rəqəmsal transformasiya “Xaricdən “iPhone” alıb gətirək, insanlar istifadə etsin”, xeyr, bu deyil. Şirkətlərin etdiyi ən böyük səhvlərdən biri də budur. Bir texnologiyanı gətirib istifadə etməklə rəqəmsallaşma olmur. Əvvəlcə prosesi optimallaşdıracaqsan, daha sonra orada avadanlıqların istifadəsini həyata keçirəcəksən. Operativ nəticə əldə edə biləcək hala gətirdikdən sonra rəqəmsallaşma sizə daha çox gəlir əldə etməyə imkan verəcək.

Müsahib haqqında: Gündəlik istehlak malları (FMCG) və elektronika istehsalı sektorunda 17 ildən artıq iş təcrübəsinə malik olan Özgür Kakmacı Harvard Biznes Məktəbində idarəçi səviyyəsində strategiyaların formalaşdırılması və komandanın idarəedilməsi texnikaları üzrə biliklərə yiyələnib. Veysəloğlu Şirkətlər Qrupunda 2020-ci ildən Rəqəmsal Transformasiya direktoru kimi çalışan Özgür Kakmacı İT strategiyası çərçivəsində istehsal və biznes proseslərinin SAP S/4HANA rəqəmsal platformasına keçirilməsi istiqamətində təşəbbüslər göstərib.

23.06.2022Veysəloğlu Şirkətlər Qrupu
Şirkətlər Qrupumuz SAP NOW forumunda

Böyük rəqəmsal transformasiya mərhələsində olan Veysəloğlu Şirkətlər Qrupu SAP layihəsinin icrasına indiyə kimi 5 mln. manatdan çox vəsait yatırıb.

Veysəloğlu Şirkətlər Qrupunun Rəqəmsal Transformasiya direktoru Özgür Kakmacı Azərbaycanda ilk dəfə keçirilən SAP NOW forumunda çıxış edib. O, qrupda bu ildən etibarən başlayan genişmiqyaslı rəqəmsallaşma prosesi ilə bağlı təcrübələri bölüşüb. İlk növbədə söhbət SAP S/4HANA platformasına keçiddən gedir.

Özgür Kakmacı çıxışında bunları vurğulayıb: “Bizim üçün SAP yalnız rəqəmsallaşma deyil, bu, dayanıqlı inkişaf, şəffaflıq, daha yaxşı müştəri təcrübəsi, əməkdaşlarımız və istehlakçılar üçün dəyər yaratmaq deməkdir”. O, əlavə olaraq bildirib ki, Şirkətlər Qrupunda 2020-2025-ci illər ərzində davam edəcək SAP layihəsinin icrasına indiyə kimi 5 mln. manatdan çox vəsait yatırılıb.

SAP sistemi 19,500 nəfərdən çox əməkdaşı olan Veysəloğlu Şirkətlər Qrupunda məlumatları yüksək səviyyədə idarə etməyə, mükəmməl təhlil və proqnozlar əldə etməyə imkan yaradır. Bu isə öz növbəsində şirkətin məlumatlarının keyfiyyətinin və təhlükəsizliyinin təmin olunmasına və biznes proseslərin yüksək effektivliyinə xidmət edəcək.

Veysəloğlu Şirkətlər Qrupunda Müşahidə Şurasının üzvü Natəvan İbrahimova: “SAP rəqəmsallaşma ilə yanaşı, əməkdaşlarımızın inkişafı üçün də ciddi bir yatırımdır. SAP-ni işində tətbiq edə bilən əməkdaş qlobal təcrübəyə çıxış imkanı əldə edir və çeviklik qazanır. Bu isə potensialı və karyera hədəfləri olan hər bir şəxs üçün dəyərli imkandır”.

Tədbirdə banklar, nəqliyyat, neft-qaz, istehsalat və pərakəndə satış sahəsinin nümayəndələri iştirak ediblər. Plenar sessiyalarda SAP ekspertləri, tərəfdaşları və müştəriləri qeyri-rəsmi şəraitdə rəqəmsal transformasiyanın çətinliklərini müzakirə edib, bu problemlərin aradan qaldırılması və yeni imkanların açılması ilə bağlı uğur hekayələrini paylaşıblar. Veysəloğlu Şirkətlər Qrupu, PAŞA Holding, Deloitte, AKFA Qrup, KTZ, PAŞA İnşaat və digər şirkətlərin təcrübələri və fikirləri dinlənilib.

“SAP Azərbaycan” şirkətinin icraçı direktoru Svetlana Yankina SAP strategiyasının cari çağırışlara necə cavab verməsi barədə danışıb: “Bu gün dəyişmək üçün lazım olan sürəti texnologiya verir. Yenilikçi olmaq, müxtəlif texnologiyaları sınamaqdan qorxmamaq və ən təsirli olanları seçmək vaxtıdır. Cəsarətli olmaq və trendləri müəyyən etməyin zamanıdır. Əminəm ki, Veysəloğlu Şirkətlər Qrupunda rəqəmsal transformasiyanın tətbiqi təkcə yerli deyil, həm də beynəlxalq şirkətlər üçün yaxşı nümunə olacaq”.

Tədbirə media partnyoru olaraq, APA Qrup və 1news.az dəstək olub.

28 ildir ki, ölkə iqtisadiyyatına dəyər qatan Veysəloğlu Şirkətlər Qrupu pərakəndə, logistika, distribusiya və istehsalat sahələrində fəaliyyət göstərir. Şirkətlər Qrupu Deloitte şirkətinin təşkil etdiyi nüfuzlu Best Managed Companies müsabiqəsinin qaliblərindəndir.

16.06.2022Veysəloğlu Şirkətlər Qrupu
Məqsədyönlü inkişaf: Bizneslər öz marketinq strategiyaları haqqında yenidən düşünməlidirlər. Amma niyə?

İstehlakçıların 68%-i inanır ki, şirkətin davranışı onun məhsul və xidmətləri qədər vacibdir. Dünyanın ən böyük konsaltinq və audit şirkətlərindən olan EY (Ernst & Young Global Limited) bu yaxınlarda keçirdiyi sorğunun nəticəsində bu qənaətə gəlib. Artıq getdikcə daha çox aydın olur ki, şirkətlər qısamüddətli gəlirə xidmət edən taktikalardan uzaqlaşmalı, bunun yerinə məqsədyönlü inkişafa fokuslanmalıdırlar.

Görünən odur ki, “nəyin bahasına olursa-olsun böyümə” yanaşması bu gün artıq öz aktuallığını itirir. Biz ətrafımızdakı dünyaya baxmalı və istehlakçıları dinləməliyik. Nəticədə, biznesin taleyinə onlar qərar verirlər.

İndi isə gəlin inkişaf və ya böyümənin nə olduğunu müəyyənləşdirək. Şəxsən mən “məqsədyönlü inkişaf” termininə üstünlük verirəm. Bəs bu nədir? Qısa desək, bu, şirkətin elə davranmasıdır ki, hər kəs üçün dəyər yaransın. Başqa sözlə, bu, bütün maraqlı tərəflərin qazana biləcəyi bir modeldir.

İndi yazdıqlarım qeyri-müəyyən bir bəyanat kimi səslənə bilər, amma bu barədə düşünməyə çalışaq: etibar doğuran və səmimi məqsədlər və uzunmüddətli dəyər prinsipləri ilə yaradılan bir biznes modeli təsəvvür edin. Bu modeldə şirkət növbəti təqvim ilindəki dövriyyəsi haqqında deyil, 5 və hətta 10 illik bir müddətdə cəmiyyətə təsiri haqqında düşünür.

Yanaşma dəyişməsə, istehlakçılardan istifadə davam edəcək

Peşəkar və həm də adi bir insan kimi uzun zamandır ki, mənə maraqlı olan bir məsələni – həm Azərbaycanda, həm də səfərlərim zamanı digər ölkələrdə müştərilərin münasibət və davranışlarını – müşahidə edirəm. Heç kimə sirr deyil ki, marketinq mütəxəssisləri müştəri cəlb etmək və qısamüddətli gəlirlərin artmasına nail olmaq üçün sosial mediadan və ağıllı fəndlərdən istifadə edirlər.

“Bu yay üçün ən yaxşı səndəllər…!”, “Şəhərdə ən yaxşı səhər yeməyini harada yemək olar?”, “Bu detoks proqramı ilə 21 günə başqa bir sən...” – sosial media belə baxış sayı artıran başlıqlarla doludur. İstehlakçıların bunlardan xoşu gəlmir, çünki bu yazılar əksər hallarda onları yanılda bilir. Şirkətlər isə bunları sevirlər, çünki həmin üsullar işə yarayır. Bu, əlbəttə ki, insanı ən çox qıcıqlandıran məsələlərdən biridir, digər tərəfdən isə şirkətlərin müştəri cəlb etmək üçün tətbiq etdiyi zərərsiz görünən üsullardandır.

Bu taktikalardan istifadə edən şirkətlər müştəri cəlb edir və gəlirlərini artırırlar. Bu, qaydasız, qalibin hər şeyə sahib olduğu, rəqəmsal texnologiya vasitəsilə təşviq olunan və rüblük gəlir hədəflərini və səhmdarların gözləntilərini qarşılamağa yönəldilmiş modeldir. Nəticədə istehlakçılar şirkətin faydasına maksimum məlumatın əldə olunduğu və istismar olunan cansız varlıqlara çevrilirlər.

Bəs istehlakçılar əslində nə istəyirlər?

İndiyə kimi yuxarıda haqqında söz açdığım yanaşma işə yarayıb. Amma artıq mənə aydındır ki, insanlar dəyişiklik istəyirlər. Müştərilər şirkətlərdən daha çoxunu və daha yaxşısını tələb edirlər. Məsələn, artıq istehlakçıların dayanıqlı məhsul və xidmətlər ilə bağlı gözləntilərinin olması barədə getdikcə daha çox eşidirik. İstehlakçılar brendlərin şüarlarını eşitməkdən yorulublar, bunun yerinə mərkəzində insan amilinin olduğu bir müştəri təcrübəsi istəyirlər.

Bunlar yalnız mənim subyektiv fikirlərim deyil və belə düşünən tək mən deyiləm. EY tərəfindən hazırlanmış Gələcək İstehlakçı İndeksi sorğusuna əsasən, istehlakçıların 68%-i düşünür ki, şirkətin davranışı onun nə satdığı qədər önəmlidir, 69%-i isə deyir ki, brendlər etik və cəmiyyətin gözləntilərinə uyğun davranmalıdırlar. Respondentlərin yalnız 38%-i brendlərin pozitiv fəaliyyətini yetərli hesab edir.

Var olmaq uğrunda mübarizə yaxşı niyyətlərə kölgə salır

Şirkətlərin nəyin bahasına olursa-olsun böyümə istəyini də başa düşmək çətin deyil: bazarda var olmaq uğrunda ciddi bir yarış gedir. Bu baxımdan şirkətlərin biznesdə və rəqibləri arasında öz bazar payına sahib olmaq ilə bağlı qayğıları anlaşılandır.

Eyni zamanda müştəri, əməkdaş və səhmdarlar ətrafdakı dünyanın çevik dəyişikliyinə, xüsusilə də rəqəmsal texnologiyanın sürətinə əsasən gözləntilərini tez-tez dəyişə bilirlər.

Bütün bu təzyiqlərə cavab olaraq, bir çox şirkətlər öz transformasiyalarının mərkəzində ali məqsəd olduğunu deyirlər. Onlar uzunmüddətli dəyər haqqında danışır, bu isə performansın ölçülməsi üçün maliyyə nəticələrindən daha böyük bir meyar olması deməkdir. Bu yeni ölçü meyarları yaxşı idarəetmə təcrübələrini, şəffaflıq və bütün insanlarla – müştərilər və əməkdaşlarla – şəffaf və etik münasibətləri əks etdirir. Bizneslər artıq cəmiyyətin və planetimizin qayğısına qalmaları haqqında daha çox danışırlar.

Müştərilərin daha yaxşı təcrübə axtarması və öz dəyərlərinə uyğun brend seçməsi “nəyin bahasına olursa-olsun” böyümə yanaşmasını zəiflədir. Veysəloğlu Şirkətlər Qrupunda biz bu yaxınlarda müştəri münasibətindəki bu dəyişikliyi sezməyə nail olmuşuq. Marketinq peşəkarları olaraq, bu fikri təşkilatın bütün funksiyalarına çatdırmışıq. Bu məqaləni çalışdığım şirkəti təbliğ etməklə bağlı heç bir məqsədim olmadan yazmağa başladım. Amma Qrupumuz daxilində biznesin transformasiyasına xidmət edəcək əməliyyat modelinin yenidən qurulmasına yönəlmiş cəhdlər məni sevindirir, belə ki, bu, bazarda hər kəsin qazanacağı bir böyümə deməkdir.

09.06.2022Veysəloğlu Şirkətlər Qrupu
“Bazara fərqli və maraqlı konsept gətirməyi düşündük” – “OBA” marketlər şəbəkəsinin rəhbəri

İstehlakçılar yeni məhsul və xidmətlərlə tanış olduqca, xaricə daha çox səyahət etdikcə maraqlı trendləri, təcrübələri görürlər. Bəs Azərbaycanda alış-veriş təcrübəsi necədir? Bu günkü həmsöhbətimiz verdiyi maraqlı məlumatlarla bizi yaxşı mənada təəccübləndirdi. Müsahibimiz Veysəloğlu Şirkətlər Qrupunun Müşahidə Şurasının üzvü və “OBA” marketlər şəbəkəsinin rəhbəri Vüsal Şərifovdur.

- İlk dəfə 2016-cı ildə evimizin yaxınlığında “OBA” adlı marketin açıldığını eşitdim, maraqlanıb getdim və qiymətlərin münasibliyi məni əməlli-başlı təəccübləndirdi. İmkan düşmüşkən, soruşum. Nədir “OBA”nın sirri?

- Həmin ilə qədər ölkəmizdə müəyyən seqmentlərə yönəlmiş marketlər mövcud idi. Biz istədik ki, bazara fərqli və maraqlı konsept gətirək. Dünya təcrübəsini araşdırdıq və düşündük ki, o dövrdə bazarın ehtiyacına uyğun olan və fərqli bir konseptə malik, həmçinin ölkəmizə uyğun “discount” (endirim) konseptli bir market yaradaq. Bu yeniliyi ölkəmizə “OBA” markası altında Veysəloğlu Şirkətlər Qrupu gətirdi. Məqsədimiz isə çox sadə idi – əməliyyat xərclərini minimum saxlamaq, istehsalçıdan birbaşa istehlakçıya çatdırmaq və nəticədə insanlara büdcəyə qənaət etməklə özünü və ailəsini təmin etmək imkanı yaratmaq.

Bizdən alış-veriş edən alıcılarımız da təsdiqləyər ki, “OBA”da keyfiyyətli məhsullar onların ailə büdcəsinə uyğun qiymətə satılır. Nə qədər sadə olsa da, “OBA”nın sirri və xüsusiliyi də bundadır.

- Xaricə gedib-gələn insanlar fikir veriblər ki, “discount market”, “convenience store”, “express store” konsepti olan dükanlar mövcuddur. Hətta mən özüm də xaricdə olanda yaxındakı dükanlardan su, qəhvə və s. alıram. Bəs “OBA”nın konsepti haqqında nə deyə bilərsiniz?

- Gəlin qısaca “discount”, bu konseptlərin nə olduğu barədə deyim. Dünya üzrə ilk diskount market Almaniyada 1950-ci illərdə yaradılıb. Burada məqsəd müştəriyə qənaət etmək imkanı yaratmaqla, onu ən zəruri mallarla təmin etmək olub. İndiyə kimi Avropada minimalizm tendensiyasına uyğun olaraq diskount mağazalar dəbdədir.

İlk “convenience” market isə 1927-ci ildə ABŞ-da yaradılıb. Təsəvvür edin ki, həmin dövrə kimi insanlar süd, yumurta, çörək kimi məhsulları müxtəlif dükanlardan və yalnız müəyyən saata kimi ala bilirdilər. İlk “convenience” dükan isə 16 saat açıq idi və insanlara ehtiyacı olan ən zəruri malları təqdim edirdi. “Convenience” marketlərin üstünlüyü yaxın məsafədə yerləşməsi və ən zəruri tələbat mallarının bir arada olmasından ibarətdir.

Artıq qeyd etdiyim kimi, biz “OBA”nı yaradarkən müxtəlif ölkələrin təcrübələrini nəzərdən keçirdik və etiraf edim ki, bu gün də konsept barədə düşünməyə davam edirik. Avropada “Aldi”, “Lidl”, Türkiyədə “BİM” və “A101”, Yaponiyada “7-Eleven”, İngiltərədə “One stop” mağazalarının təcrübəsi ilə tanış oluruq. Bu tip marketlərin əsas xüsusiyyətləri müştəriyə yaxın və rahat ərazidə yerləşməsi, nisbətən məhdud məhsul çeşidi və istehlakçıların əsas ehtiyacı olan məhsulları təqdim etməklə mümkün olan yaxşı keyfiyyət və mümkün aşağı qiymətlərdir.

Hazırda “OBA” qonşu market konsepsiyasına əsasən hər kəsə qonşu qədər yaxındır və ailə büdcəsinə qənaət etdirəcək alış-veriş təcrübəsi qazandırmaq üçün çalışır. Bəlkə indi söyləyəcəklərim şüar kimi səslənə bilər, amma qidanın keyfiyyətinə böyük əhəmiyyət veririk və bizim üçün müştərilərimizə fayda gətirmək qısamüddətli yüksək qazancdan daha önəmlidir.

- Rəqabətin yüksək olduğu pərakəndə sektorunda necə sağlam dayana bilirsiniz?

- Pərakəndə sektoru rəqabətin ən yüksək olduğu sahələrdən biridir. Çünki insanların seçiminə evinə/iş yerinə yaxınlıq, qiymətlər, keyfiyyət, müştəri münasibətləri və s. amillər təsir göstərə bilir. Mən özüm də daima düşünürəm ki, rəqabətə necə davamlı ola bilərik? Məncə, hər bir insanın prioritetlərinə əsasən bazarda seçim imkanı olmalıdır. Fikrimi sadə şəkildə izah edim. Adətən, insanlar maaşlarının, qazanclarının böyük bir hissəsini ərzaq və gündəlik tələbat mallarına xərcləyirlər. “OBA” isə insanlara ehtiyacı olan əsas məhsulları daha az pul xərcləməklə almağa imkan verir. Nəticədə alıcılarımız büdcələrini digər maraqlı təcrübələr yaşamaq üçün, məsələn, bu pulu idmana, geyimə, məişət texnikasına və digər sevdiyi şeylərə, hətta səyahətə sərf edə bilərlər.

Əsas hədəfimiz odur ki, müştəri cüzdanında müəyyən məbləğlə marketimizə gəldikdə səbətinə daha çox məhsul əlavə edə bilsin, yəni əsas tələbat mallarına olan ehtiyacını çox xərc çəkmədən qarşılaya bilsin. Ürək rahatlığı ilə deyə bilərəm ki, pulunuz “OBA”da bərəkətlidir. Hətta bu fikri inkişaf etdirərək, “Cibə qənaət” kampaniyasına başladıq.

Bundan başqa, biz müştərilərimizə yaxın olmaq, onların ehtiyac və gözləntilərini daha yaxşı qarşılamaqla rəqabət qabiliyyətimizi artıra bilərik. Həmçinin innovativ olmaqla xüsusən gənc nəslin tələblərinə uyğun yenilikləri tətbiq etməliyik. Məqsədimiz isə istehlakçılarımız üçün dəyər yaratmaqdır. Həm alıcılarımız, əməkdaşlarımız və partnyorlarımızla, həm də rəqiblərimizlə münasibətdə ədalətli olmağa çalışırıq. Ədalətlilik dəyərini yalnız sözdə deyil, əməldə də ifadə edirik.

- Maraqlıdır, “OBA” innovativlik deyəndə nəyi nəzərdə tutur?

- Bu yaxınlarda “OBA” marketlər şəbəkəsi maraqlı rəqəmsal yeniliyə imza atdı. Artıq marketlərimiz Spotify şəbəkəsinə qoşuldu. Spotify nədir? Spotify İsveç musiqi axını sistemidir və dünyada milyonlarla mahnıya və digər məzmuna giriş imkanı verən rəqəmsal musiqi, podkast və videoyayım xidmətidir. Bu xidmət Sony, EMI, Universal kimi məşhur səsyazma şirkətlərində qeydiyyatdan keçmiş seçilmiş musiqiləri heç bir məhdudiyyət olmadan dinləməyə imkan verir. “Coca-Cola”, “Lidl”, “Aldi”, “7-Eleven”, “Circle K” kimi qlobal şirkətlər artıq Spotify üzərindən musiqi vasitəsilə müştəriləri ilə əlaqə qururlar. “OBA” marketlər şəbəkəsi Azərbaycanda pərakəndə satış sektorunda bu platformaya üzv olan ilk şirkətdir və Spotify vasitəsilə müştərilərin alış-verişini daha əyləncəli etməyə çalışır. Bunun üçün musiqi siyahısında “Alış-verişdə dinlə” albomu yaradılıb və milli musiqilər əlavə edilib.

Həmçinin “OBA MARKET” mobil tətbiqi vasitəsilə endirimləri izləmək və ümumiyyətlə, məhsulların qiyməti ilə bağlı məlumat əldə etmək mümkündür. Bu tətbiq həm də müştərilərimizə fiziki kart olmadan bonus imkanlarından yararlanmaq şansı verir. Biz fiziki kartı olmadan mobil tətbiq izləyicisi sayı ən çox olan şirkətlərdən biriyik və tətbiqin yeni yaranmasına baxmayaraq, 500,000-dən çox insan tərəfindən yüklənilib.

- Avropada endirimli satış mağazaları əsasən özünəxidmət prinsipi əsasında fəaliyyət göstərir. Bəs Azərbaycan müştərisini bu yanaşma qane edərmi?

- Haqlısınız, Avropada hətta ucqar kəndlərdə belə, özünəxidmət cihazları olan dükanlar var. Bu dükanların bir çoxunda satıcı yoxdur. Avtomatlar, açıq rəflər, mallar, istədiyini satıcı olmadan ödəyib alırsan. Bəziləri isə daha sadə prinsiplə fəaliyyət göstərir – malı alırsan və nağd pulu piştaxtadakı səbətə atırsan. Əlbəttə ki, bu sistemin ölkəmizdə tətbiqi zamanı alıcılarımızın psixologiyası da nəzərə alınmalıdır. Ünsiyyətcil insanların çoxluq təşkil etdiyi ölkəmizdə alıcılar satıcı ilə dialoq qurmağı, bəzən hətta hal-əhval tutmağı sevirlər. Düşünürəm ki, mağazalarımızın özünəxidmət üsulu ilə işləməsi üçün bir az zamana ehtiyacımız var.

Bir də düzünü deyim ki, hazırda özünəxidmət prinsipini geniş tətbiq etmək əvəzinə, daha çox iş yeri açmağa üstünlük veririk.

- Mağaza rəflərində heç yerdə görmədiyimiz marka və brendlərə məxsus məhsullara rast gəlinir. Bu brendlər nədir?

- Ümumiyyətlə, diskount marketlərin əsas xətti daha çox şəxsi markaların (Private Label) satışını həyata keçirməkdir. O baxımdan haqlısınız ki, “OBA”da rast gəldiyiniz əksər məhsulları digər marketlərdə görməyə bilərsiniz. Məsələn, “Maredo” konfetlərini, “Aləmşah” markası brendi altında olan məhsulları, “Saf Bulaq” suyunu, “Dory Baby” uşaq bezlərini yalnız “OBA”da ala bilərsiniz. Bu, bizim öz markamızdır. Burada məntiq ondan ibarətdir ki, brendinq və marketinq xərcləri və nəticədə satış qiyməti yüksək olan mallar əvəzinə, müştərilərimizə keyfiyyətli və maya dəyəri yüksək olmayan məhsullar təklif edək. Məhz bununla da biz müştərilərimizin tələbatına cavab veririk. Məlumat üçün deyim ki, biz şəxsi markalardan əlavə, dünyanın bir çox ölkələrindən idxal etdiyimiz brendlərə məxsus eksklüziv markaları da müştərilərimiz üçün əlçatan edirik. Bununla da qiymətlərin əlverişli olmasına çalışırıq. Son 2 il ərzində “OBA” özünə aid markaları ilə yanaşı, tanınmış markaların da məhsullarını rəflərində yerləşdirməklə məhsul çeşidlərinin müxtəlifliyini təmin edib.

Biz həm də çox tanınmayan, amma keyfiyyətli məhsul istehsal edən kiçik və orta sahibkarlarla da əməkdaşlıq edirik.

- Maraqlıdır, kiçik və orta istehsalçılarla da əməkdaşlıq edirsiniz...

- Bayaq qeyd etdiyim məqama bir də toxunmaq istəyirəm. Məhsulun böyük və məşhur şirkətlər tərəfindən istehsalı da qiymətə təsir edən amillərdəndir. Biz isə müştərilərimizin qiymət ilə bağlı həssaslığını hər addımımızda nəzərə alırıq. Bununla yanaşı, kiçik və orta yerli istehsalçılarla və fermerlərlə əməkdaşlıq edirik. Bu əməkdaşlıq kiçik istehsalçılara və fermerlərə məhsullarını bazara çıxarmağa, bizə isə təbii məhsulları alıcılarımıza həqiqətən münasib qiymətə təklif etməyə imkan yaradır.

Hətta bu yaxınlarda “Şəmkir Aqroparkı”nda Veysəloğlu Şirkətlər Qrupu üçün xüsusi məhsul qəbulu məntəqəsi yaratdıq. Artıq həmin regiondakı kəndlinin məhsulunu satmaq üçün vaxt və pul sərf edərək Bakıya gəlməsinə ehtiyac yoxdur, onu Şəmkir ərazisində bizə təqdim edə bilir.

Xüsusilə vurğulayım ki, soğan, kartof, sarımsaq, kök, kələm, çuğundur və alma növləri üzrə məhsulların birbaşa kəndlidən alışı həyata keçirildiyi üçün istehlakçılar qiymət və yerli dad meyarı üzrə bu fərqi anlaya bilərlər. Həmçinin məhsula olan ehtiyacımızı əvvəlcədən fermerlərə bildirməklə onlara planlama ilə bağlı köməklik göstərir, sadə şərtlərlə əməkdaşlıq əlaqəsi qurmaqla kiçik və orta təsərrüfat subyektlərinə dəstək olmağa çalışırıq.

Kiçik və orta sahibkarla əməkdaşlıq iqtisadi baxımdan ölkə üçün dəyər yaradır. Buna əlavə olaraq, deyim ki, bu həm də müştərimizlə emosional bağ yaratmaq baxımından da bizim üçün dəyərlidir. Belə ki, “OBA” ölkəmizin müxtəlif regionlarına yayıldığı üçün həmin bölgələrdə fəaliyyət göstərən yerli istehsalçılar məhsulları da öz rayonlarındakı marketlərimizdə satışa təqdim edə bilirlər. Haqqında danışdığım kiçik istehsalçılar yalnız bir və ya bir neçə marketi məhsulla təmin etmək potensialına malik olduğu üçün digər marketlərdə bu məhsul olmaya bilir. Bu isə həmin ərazidə “OBA”nı həm də doğma marketə çevirir.

- Azərbaycan xalqı yaxın qonşunun uzaq qohumdan yaxşı olduğu fikrindədir. Bəs “OBA” həqiqətən yaxın qonşu ola bilirmi?

- Bəli, bu, maraqlı fikirdir. Qonşu marketlər şəbəkəsi fəlsəfəsi ilə “OBA”nı yaradarkən bu deyim ağlımızdan keçdi. Buna görə də şüarımızı “Elimizin hər yanı, “OBA”mızın ünvanı” olaraq seçdik. Bu o deməkdir ki, mağazalarımız evinizə tam qapı qonşu qədər yaxındır. Müştərilərimiz üçün alış-verişin rahat və xoş bir təcrübə olmasına çalışırıq. Səliqəli rəflər, çox da böyük olmayan zal və ən əsası qısa zamanda sizə lazım olan məhsulları ala və evinizə keçə bilərsiniz. Bir sözlə, zamanınıza qənaət etmiş və ailənizi ehtiyacı olan əsas məhsullarla təmin etmiş olacaqsınız.

- “OBA”da alıcı təcrübəsinin əsas elementi nədir?

- Bütün dünyada olduğu kimi, bizim ölkəmizdə də ənənəvi ticarətlə yanaşı, malların onlayn izlənilməsi populyarlıq qazanır. Alıcılarımız “OBA Market” mobil tətbiqi ilə alış-verişlərdə keşbek və xüsusi hədiyyələr qazana, hesablarında toplanan bonuslarla daha çox məhsul əldə edə bilirlər. Həmçinin yeni endirimlərdən istənilən vaxt, anında və operativ şəkildə xəbərdar olmaq, şikayət və təklifləri birbaşa tətbiq vasitəsilə bildirmək fürsətləri var.

Biz alıcılarımızın müraciətləri əsasında onların nəyə ehtiyacı olduğunu müəyyən edirik. Xüsusilə sosial şəbəkələr üzərindən bizə göndərilən müraciətlər, Çağrı Mərkəzinə gələn zənglər komandamız tərəfindən araşdırılır, kampaniyalar məhz müştəri istəkləri əsasında keçirilir.

Bir də qonşu “OBA”nın heyəti bir qonşu səmimiyyəti və mehribanlığı ilə alıcılarla ünsiyyət qurur.

- Qlobal çətinlik olan qiymətlərin qalxması fonunda müştərilərinizə onların alışdığı qiymətləri təklif etmək nə qədər realdır?

- Marketlərimizin meydana gəlməsini zəruri edən amillərdən biri də alıcılarımıza uyğun qiymətə məhsulların təqdim olunmasıdır. Qlobal qiymət artımı fonunda dövlətimizin antiinflyasiya tədbirlərinə dəstək olaraq, biz də qiymət artımı ilə öz imkanlarımız daxilində mübarizə aparırıq. Səmimi olaraq sizə deyim ki, qiymətlərin artmasının heç kimə, hətta marketlərə belə faydası yoxdur. Çünki qiymətin artması alıcı səbətinin kiçilməsi deməkdir. Biz mağazalarımızda öz məhsullarımız olan və bahalı olmayan brendləri müştərilərimizə təqdim edirik. Bununla da məhsullarımızı mümkün olan aşağı qiymətə təklif etməyə çalışırıq.

- Gəlin səmimi danışaq, Vüsal bəy. Ümumiyyətlə, “OBA”ya dair cəmiyyətdə bəzi stereotiplər yaranıb. Bunlara siz nə cavab verə bilərsiniz?

- Buna sadə bir izah verim. Ümumiyyətlə, bəzi marketlər əsasən öz marka məhsullarını, yəni bazarda tanınmayan məhsulları satır. Bəzən müştərilər tanınmayan məhsulu almaqdan çəkinirlər. Məhsulun qiyməti müqayisədə xeyli aşağı olursa, təbii ki, dediyiniz stereotiplər yarana bilir.

Burada bir məsələyə diqqətinizi çəkmək istəyirəm. Biz məhz “OBA”ya məxsus marka məhsulumuzu istehsal ediriksə, onun keyfiyyətinə daha əminliklə zəmanət verə bilirik. Çünki məhsul istehsalının hər bir mərhələsində şəxsən iştirak edirik və buna görə məsuliyyət daşıyırıq.

Biz keyfiyyət üzərində daim çalışırıq və sizi əmin edirəm ki, “OBA”nın keyfiyyət standartlarına uyğun gəlməyən malları qəbul etmirik. Mağazalarımıza daxil olan hər bir məhsul laboratoriyada yoxlanılmış və dövlət standartlarına cavab verən məhsuldur. Buna sübut olaraq deyim ki, alıcılarımızın keyfiyyətli qida ilə təminatı üçün təkcə ötən ildə Veysəloğlu Şirkətlər Qrupu üzrə laborator xərclər 450 min manata yaxın olub.

İndi isə qayıdaq stereotiplər və marketə inam məsələsinə. İstehlakçılar arasında aparılan araşdırmalara görə, bazar markalı məhsullardan gözlənilən keyfiyyət və keyfiyyətdə davamlılıq ən vacib məsələlərdəndir. Marketə güvən marketin öz markasına güvənə bərabərdir. El arasında belə bir deyim var: “Qaçan ayağa daş dəyər”. Biz çalışırıq, inkişaf edirik, intensiv böyüyürük və təbii olaraq görünürük, diqqət cəlb edirik. Bu gün biz dəyişirik, hazırda ilk açılmış mağazalarımızın interyer, eksteryer dizaynını dəyişirik. Bu proseslər əsasında neqativ düşüncəni aradan qaldırmaq üçün kollektiv olaraq çalışırıq.

Konkret olaraq, bu sualınıza belə cavab verərdim ki, hər gün yüz minlərlə insan bizim mağazalardan alış-verişə davam edirsə, deməli, biz hədəfimiz olan müştəri məmnuniyyətinə müəyyən qədər nail olmuşuq.

- 1000-dən çox mağazanın idarə edilməsi çətin deyil ki? Ən çox hansı sınaqlarla qarşılaşırsınız?

- “OBA” marketlərinin sayı 6 il ərzində 1111-ə çatıb, hətta hələlik sonuncu olan 1111-ci marketi bu il 28 May – Müstəqillik Günündə istifadəyə verdik. Bu, hər il orta hesabla 183 marketin, hətta bəzən hər 2 günə bir marketin açılması deməkdir. Marketlər şəbəkəmizi belə intensiv şəkildə genişləndirməyimiz böyük diqqət, zəhmət və enerji tələb edir. Əlbəttə, bu sayda mağazanı idarə etmək, müştərilərin məmnuniyyətini təmin etmək heç də asan deyil. Ümumiyyətlə, pərakəndə satış xidmətində hər zaman gözlənilməz hallar baş verir. Təsəvvürünüzə gələn və gəlməyən sınaqlar, çətinliklər yaşaya bilirik. Bu sınaqların öhdəsindən mən təkbaşına gələ bilməzdim. Bizim əsas qüvvəmiz zəhmətkeş və hədəflərə köklənən əməkdaşlarımızdır. Hazırda “OBA” ailəsinin 5700-ə yaxın üzvü ilə birgə çalışırıq ki, nöqsanları düzəldək və daha da yaxşı xidmət göstərə bilək. Müştəri ilə birbaşa ünsiyyətdə olaraq hər birimiz məsuliyyətimizi dərk edirik. Alıcılarımızın təkrar-təkrar mağazalarımıza qayıtması həm məsuliyyətimizi artırır, həm də bizi ruhlandırır.

08.06.2022Veysəloğlu Şirkətlər Qrupu
“Veysəloğlu ilə İlk Addım”la 5 aylıq ödənişli təcrübə və iş imkanı

Proqrama sonuncu kurs tələbələri və yeni məzunlar qoşula bilərlər.

Veysəloğlu Şirkətlər Qrupu “Veysəloğlu ilə İlk Addım (VİA)” təcrübə proqramının 4-cü buraxılışına start verib. Təcrübə, öyrənmə, inkişaf və dəyərləndirməni əhatə edən layihənin müddəti 5 aydır.

Layihənin əsas məqsədi istedadlı, yüksək potensiala malik gənclərin universitetlərdə öyrəndikləri nəzəri bilikləri real iş şəraitində tətbiq etmələrinə imkan yaratmaq və müasir əmək bazarının tələblərinə uyğun gənc kadrların yetişdirilməsinə dəstək olmaqdır.

“VİA4” təcrübə proqramı üçün əsas tələblər:

Qeyd olunan ixtisaslar üzrə ali təhsil: Biznesin idarəedilməsi; Kompüter elmləri, İT, proseslərin avtomatlaşdırılması mühəndisliyi; Sənayenin təşkili və idarəedilməsi; Maliyyə, mühasibat uçotu və audit; Qida məhsulları mühəndisliyi, çoxişlənən malların texnologiyası mühəndisliyi; Marketinq; Menecment;

Universitetə yüksək qəbul balı və yüksək GPA;

İngilis dili biliyi üstünlükdür.

Karyerasına “Veysəloğlu”da başlamaq istəyən namizədlər “mövzu” hissəsində “VİA4” yazmaqla, öz CV-lərini career@veyseloglu.az ünvanına 28.06.2022-ci il tarixinə kimi göndərə bilərlər.

Təcrübə proqramı müddətində iştirakçılar Şirkətlər Qrupuna daxil olan bizneslərin fərqli strukturlarında təcrübə qazanacaq, iş prosesi ilə yaxından tanış olacaq, təlimlərə cəlb ediləcək və proqramı uğurla başa vurduqdan sonra şirkətin müxtəlif bizneslərində karyera seçimi əldə edəcəklər.

Məzun “VİA”çıların dediklərindən:

Kənan Rzazadə (“Xonça” Fabriki, maliyyə müdiri): “İlk “VİA”çı olaraq, “Veysəloğlu” ailəsinə qoşulmaq şansını qazandım. Bizimlə ilk görüşündə Şirkətlər Qrupunun təsisçisi Aydın Talıbovun sözləri hələ də xatirimdədir: “Biz bu binanı bura qədər formalaşdırmışıq, siz üstünə yeni daşlar əlavə etmək üçün gəlmisiniz. Əsas akademik öyrəndikləriniz yox, necə öyrənməli olduğunuzu bilməyinizdir. Şirkətimizin yeni qanı sizsiniz”. Keçən 5 il ərzində kiçik mütəxəssis olaraq işə başladım, hazırda maliyyə müdiriyəm”.

Mahmud Səmədov (Veysəloğlu Şirkətlər Qrupu, biznes analitik): “VİA bizə gələcək karyeramızı istədiyimiz sahədə qurmaq və sevdiyimiz işlə məşğul olmaq üçün geniş seçim imkanı qazandırdı. Siz də bu şansı qaçırmayın!”

Türkan Hüseynova (“OBA Market” MMC, ticari məhsulların çeşidlənməsi üzrə analitik): “VİA karyeramın başlanğıc nöqtəsi oldu. Sadəcə təcrübə deyil, həm də qazandığım peşəkar mühit bütün iş həyatım boyu dəyərli olacaq!”

28 ildir ki, ölkə iqtisadiyyatına dəyər qatan Veysəloğlu Şirkətlər Qrupu pərakəndə, logistika, distribusiya və istehsalat sahələrində fəaliyyət göstərir. 19,500 nəfərdən çox insanın iş yeri olan Şirkətlər Qrupu Deloitte şirkətinin təşkil etdiyi nüfuzlu Best Managed Companies müsabiqəsinin qaliblərindəndir.

07.06.2022Veysəloğlu Şirkətlər Qrupu
Məhsul qiymətlərində hansı dəyişikliklər olub? – aylıq AÇIQLAMA

Veysəloğlu Şirkətlər Qrupu ona aid marketlərdə ən yüksək alıcı tələbatı olan məhsullar üzrə 2022-ci il may ayının qiymət indeksini açıqlayıb.

“Veysəloğlu Pərakəndə İndeksi”nə görə, 2022-ci ilin may ayı üzrə şirkət müştərilərinin ən çox aldığı məhsulların qiymətində keçən ilin may ayına nisbətən 17,6% artım müşahidə edilib. Belə ki, tez köhnələn qida məhsullarının qiymətində keçən ilin may ayına nisbətən 21,7% artım, quru, dondurulmuş qida məhsullarının, şirniyyat və spirtsiz içkilərin qiymətində 17,1% artım, spirtli içkilər və tütün məmulatlarının qiymətində isə 4,9% artım izlənilib. Qeyd edək ki, indeks inflyasiyanın göstəricisi deyil.

İndeks son 24 ay ərzində Şirkətlər Qrupunun müştərilərinin ən çox aldığı məhsulların ümumi qiymət səviyyəsinin dəyişməsini göstərərək 110,6% təşkil edib. Nəticə etibarilə nəzərdən keçirilən dövr ərzində ortalama 10,6% qiymət artımı müşahidə olunub. “Veysəloğlu Pərakəndə İndeksi” müştərilərə aylıq məhsul alışı üçün büdcə planlamalarında dəstək məqsədini daşıyır.

Veysəloğlu Şirkətlər Qrupu (VŞQ) pərakəndə, distribusiya, logistika və istehsalat daxil olmaqla, tədarük zəncirinin müxtəlif sahələrini əhatə edən çoxşaxəli FMCG (gündəlik istehlak malları) qrupudur. VŞQ və ona aid şirkətlər üçün qida təhlükəsizliyi və ərzaq təminatının davamlılığı əsas vəzifələrdəndir.

“Veysəloğlu Pərakəndə İndeksi” nədir?

İndeks son 24 ay ərzində Şirkətlər Qrupunun müştərilərinin ən çox aldığı məhsulların ümumi qiymət səviyyəsinin dəyişməsini göstərir.

“Veysəloğlu Pərakəndə İndeksi”nin hesablanmasında bu düsturdan istifadə olunur:

Veysəloğlu Pərakəndə İndeksi=(Cari dövr istehlak səbətinin qiyməti)/(Baza dövrü istehlak səbətinin qiyməti)×100%

Məsələn, təsəvvür edək ki, tipik bir istehlakçı (müştəri) hər ay 5 kq alma, 2 kq armud alır və onun ümumi istehlak (məhsul) səbəti yalnız bu məhsullardan ibarətdir. Bu ay almanın 1 kiloqramının qiyməti 1 manat, armudun 1 kiloqramının qiyməti isə 2 manatdır. Keçən ay isə 1 kq alma 0.98 manat, 1 kq armud isə 1.95 manat olub. Bu zaman “Veysəloğlu Pərakəndə İndeksi” belə hesablanacaq:

Veysəloğlu Pərakəndə İndeksi=(almanın çəkisi×almanın cari qiyməti+armudun çəkisi×armudun cari qiyməti)/(almanın çəkisi×almanın keçən aya olan qiyməti+armudun çəkisi×armudun keçən aya olan qiyməti)×100%

Beləliklə, Veysəloğlu Pərakəndə İndeksi aşağıdakı kimi hesablanacaq:

(5×1+2×2)/(5×0.98+2×1.95)×100%=102%

Nəticə etibarilə nəzərdən keçirilən dövr ərzində 2% qiymət artımı müşahidə olunur.

“Veysəloğlu Pərakəndə İndeksi” hər ay ictimaiyyət və maliyyə qurumları ilə paylaşılır. Şirkətlər Qrupu bu indekslə alıcılıq qabiliyyətinin ölçülməsinə və müştərilərin aylıq məhsul alışı üçün büdcə planlamalarına imkan verir.



31.05.2022Veysəloğlu Şirkətlər Qrupu
Nüfuzlu Best Managed Companies müsabiqəsinin qaliblərindənik

Müsabiqə Deloitte şirkətinin təşkilatçılığı ilə həyata keçirilmişdir. Best Managed Companies müsabiqəsinin məqsədi yüksək biznes fəaliyyəti ilə fərqlənən şirkətləri cəmiyyətə tanıtmaqdır.

Müsabiqə çərçivəsində şirkətlərin idarəedilməsi dörd meyar əsasında dəyərləndirilib. Burada söhbət strategiya, insan kapitalının inkişafı (aktivlər və innovasiya), öhdəlik (insan kapitalının cəlb edilməsi və liderlik) və maliyyə göstəricilərindən (biznes göstəriciləri və idarəetmə) gedir. Bu meyarlar dünyanın ən böyük konsaltinq və audit şirkətlərindən biri olan Deloitte-in son 30 il ərzində bu müsabiqəni beynəlxalq müstəvidə keçirərək topladığı təcrübə əsasında müəyyənləşdirilib.

Proqram zamanı müsabiqədə iştirak edən şirkətlər beynəlxalq standartlar çərçivəsində və biznes aləmində nüfuzlu müstəqil münsif heyəti tərəfindən qiymətləndiriliblər. Münsiflər eyni zamanda şirkətlərin ümumi biznes nəticələrini, korporativ sosial məsuliyyət strategiyasını və dayanıqlı inkişafı, həmçinin bu istiqamətdə nümayiş etdirdiyi səyləri dəyərləndirmişlər.

Azərbaycanda Best Managed Companies müsabiqəsi PAŞA Bank, Azərbaycan Dövlət İqtisad Universiteti, British Business Group və İctimai Televiziyanın tərəfdaşlığı ilə təşkil olunmuşdur.

28 ildir ki, ölkə iqtisadiyyatına dəyər qatan Veysəloğlu Şirkətlər Qrupu pərakəndə, logistika, distribusiya və istehsalat sahələrində fəaliyyət göstərir. 19,500 nəfərdən çox insanın iş yeri olan Şirkətlər Qrupunda əməkdaşların fərdi və peşəkar inkişafı üçün geniş imkanlar yaradılıb. Veysəloğlu Şirkətlər Qrupu son illər ərzində ölkə iqtisadiyyatına 222 milyon manatdan çox yatırım edib.

24.05.2022Veysəloğlu Şirkətlər Qrupu
Şirkətlər Qrupunda yeni rəqəmsallaşma erası

Veysəloğlu Şirkətlər Qrupunda 2020-2025-ci illər ərzində davam edəcək SAP layihəsinin icrasına indiyə kimi 5 mln. manatdan çox vəsait yatırılıb.

SAP nədir?

Rəqəmsallaşma ilə bağlı olduğu anlaşılan SAP abreviaturası əslində alman mənşəli bir şirkətin adıdır və açıqlaması belədir: Systemanalyse Programmentwicklung - ingilis dilində System Analysis Program Development. Dilimizə isə aşağıdakı kimi tərcümə edilə bilər: sistemlərin təhlili üzrə proqram yaradılması.

1972-ci ildə Almaniyada yaradılmış “Systemanalyse Programmentwicklung” adlı şirkət daha sonra qısaca SAP olaraq tanınmağa başlamışdır. Hazırda qlobal olaraq əməliyyat gəlirlərinin 77%-i SAP sistemi üzərindən həyata keçirilir.

Ənənəvi biznes necə dəyişir?

Ənənəvi biznes modellərində məlumat əsasən mərkəzləşməmiş idarə olunur, sadə dillə desək, hər bir biznes funksiyası/departament öz əməliyyatlarına aid məlumatları özündə saxlayır. Bu isə müxtəlif funksiyalarda çalışan əməkdaşlara bir-birilərinin məlumat bazasından faydalanmağa imkan vermir. Bundan başqa, bəzi departamentlər özləri də bilmədən eyni işi görürlər. Həmçinin böyük həcmli məlumatın İT bazasında saxlanılması xərcləri də artırır.

Son dövrlərdə şirkətlər rəqəmsallaşmanın və məlumatların vahid sistemdə mərkəzləşməsinin effektivlik üçün mütləq olduğunu anlamağa başlayıblar. Böyük şəklə baxdıqda, rəqəmsallaşmanın yalnız bir biznesin ehtiyacı deyil, dayanıqlı inkişaf üçün əsas amillərdən biri olduğu görünür. Şirkətlər digər əməliyyat xərcləri ilə bərabər, bəzən isə daha çox rəqəmsallaşma istiqamətinə investisiya yatırırlar.

Veysəloğlu Şirkətlər Qrupunda SAP

Veysəloğlu Şirkətlər Qrupunda 2020-2025-ci illər ərzində davam edəcək SAP layihəsinin icrasına indiyə kimi 5 mln. manatdan çox vəsait yatırılıb. Qrupa daxil olan distribusiya şirkətində cari ilin yanvar ayından etibarən SAP S/4HANA platformasına keçid baş verib. Qeyd edək ki, SAP S/4HANA müəssisə resurslarının planlaşdırılması üzrə dünyada lider sistem olaraq ən uğurlu pərakəndəçilərin seçimidir.

Bu rəqəmsal layihə şirkətin logistika, daşınmaz əmlakın idarə edilməsi, satış və satınalma, istehsalat, insan resursları daxil olmaqla, bütün departamentlərini əhatə edir. Proqramın 24 modulunun eyni anda tətbiqi şirkətin bütün əməliyyat sistemlərinin etibarlı şəkildə işlədiyindən əmin olmağa, eləcə də prosesləri tez və səmərəli şəkildə genişləndirməyə imkan verəcək.

“Veysəloğlu” bu rəqəmsallaşma ilə nə qazanacaq?

SAP 19,000 nəfərdən çox əməkdaşı olan Şirkətlər Qrupunda məlumatları yüksək səviyyədə idarə etməyə, eyni işin bir neçə şəxs/funksiya tərəfindən təkrar icrasının qarşısını almağa və mükəmməl təhlil və proqnozlar əldə etməyə imkan yaradır. Bu isə öz növbəsində şirkətin beynəlxalq rəqabətə davamlılığını artırmağa, xərcləri azaltmağa, məlumatların keyfiyyətinin və təhlükəsizliyinin təmin olunmasına və biznes proseslərin yüksək effektivliyinə xidmət edəcək.

Veysəloğlu Şirkətlər Qrupunda Rəqəmsal Transformasiya direktoru Özgür Kakmacı: “SAP sayəsində bütün biznes proseslər əvvəldən axıra qədər bir sistemdə idarə olunur, bununla da “ucdan-uca” prinsipi ilə bütün proseslərin izlənilməsi mümkündür. Bu rəqəmsallaşma həm proseslər, həm də əməkdaşların inkişafı üçün faydalıdır. Artıq SAP üzrə 45 nəfər mütəxəssis yetişdirilib. Bu isə yalnız bizim şirkətimiz üçün deyil, ölkənin əmək bazarı üçün bir qazancdır”.

SAP ilə “Veysəloğlu” əməkdaşlarının həyatı necə dəyişiləcək?

Veysəloğlu Şirkətlər Qrupunda Müşahidə Şurasının üzvü Natəvan İbrahimova: “Qrupumuzun davamlı inkişafının SAP ilə birlikdə daha dayanıqlı və beynəlxalq təcrübəyə uyğun olacağına inanırıq. Bizim üçün SAP yalnız proseslərin effektivliyini artırmaq vasitəsi deyil, eyni zamanda əməkdaşların inkişafı üçün də ciddi bir yatırımdır”. SAP sistemi ilə bağlı prosesə tam yiyələnmək üçün əməkdaşlar mütəmadi olaraq təlimlərə və imtahanlara cəlb olunurlar. SAP-ni yaxşı anlayan və real işində tətbiq etməyi bacaran əməkdaş beynəlxalq təcrübəyə çıxış imkanı əldə edir, səmərəliliyi artır və çeviklik qazanır. Bu isə potensialı və karyera hədəfləri olan hər bir şəxs üçün əla fürsətdir.

Bu layihə nəticəsində əməkdaşlar prosesləri daha rahat izləyəcək, planlaşdıracaq və daha dəqiq hesabatlar əldə edə biləcəklər. Bu isə komanda üzvlərinin iş performasına, nəticə etibarilə karyera yüksəlişinə öz təsirini göstərəcək.

Rəqəmsallaşma ilə rəqabət qabiliyyətini artırmaq mümkündürmü?

“SAP Azərbaycan” şirkətinin icraçı direktoru Svetlana Yankina: “SAP S/4HANA biznes proseslərinin rəqəmsal əsasını təşkil edir və şirkətlərə xarici çağırışlara dərhal reaksiya verməyə, böyük həcmli məlumatla işləməyə və biznes modellərini çevik olaraq şərtlərə uyğunlaşdırmağa imkan verir. Rəqəmsal texnologiyalar artıq uzun müddətdir ki, dünyanı idarə edir və yalnız bu trendlə ayaqlaşanlar sərt rəqabətdə qalib gələ və bizneslərini genişləndirə biləcəklər. Əminəm ki, Veysəloğlu Şirkətlər Qrupunun rəqəmsal transformasiyası yalnız yerli deyil, beynəlxalq bazarın oyunçusu olmaq hədəfi olan digər şirkətlər üçün də yaxşı bir nümunə olacaqdır”.

20.05.2022Veysəloğlu Şirkətlər Qrupu
Mərkəzi Bankla görüş olub

İşgüzar görüşdə Mərkəzi Bankın rəhbərliyi və Veysəloğlu Şirkətlər Qrupunun (VŞQ) nümayəndələri iştirak ediblər.

“İnflyasiya və tədarük zənciri” mövzusuna həsr edilmiş görüş eyni zamanda özəl sektor ilə dövlət qurumu arasındakı əməkdaşlığın inkişaf etdirilməsinə də xidmət etmək məqsədi daşıyıb.

Görüş zamanı qlobal inflyasiya, həmçinin tədarük zənciri ilə bağlı proseslərin qiymətlərə təsiri əsas müzakirə mövzularından biri olub. Qeyd edilib ki, Mərkəzi Bankın əsas məqsədi qanunla müəyyən edilmiş səlahiyyətləri daxilində qiymətlərin sabitliyinin təmin edilməsidir.

“Veysəloğlu” nümayəndələri bildirib ki, 1300-dən çox mağaza ilə gündəlik 650,000-dən çox müştəriyə xidmət göstərən Şirkətlər Qrupu qlobal qiymət artımı fonunda dövlətimizin antiinflyasiya tədbirlərinə dəstək olaraq, qiymət artımı ilə öz imkanları daxilində mübarizə aparır.

Görüşdə həmçinin indekslərin ölkə iqtisadiyyatına töhfəsi barədə fikir mübadiləsi aparılıb. Qeyd olunub ki, marketlərində qiymət dəyişikliklərini şəffaf şəkildə göstərmək məqsədilə ötən ildən etibarən “Veysəloğlu Pərakəndə İndeksi” hesabatı hazırlanır və hər ay ictimaiyyətlə paylaşılır.

Şirkətlər Qrupu həmçinin tədarük zəncirinin idarəedilməsi istiqamətində də yeni layihələr həyata keçirir. Müştərilərinə təqdim olunan məhsulların təzəliyinin qorunması məqsədilə Veysəloğlu Şirkətlər Qrupu bu ilin sonuna qədər hazır olacaq dünya standartlarına cavab verən təzə və dondurulmuş məhsullar üçün logistika mərkəzinin yaradılmasına 25 milyon manat yatırım edib.

Görüşdə ölkənin qida təhlükəsizliyinin təmin olunmasına töhfə və dəyər vermək naminə əməkdaşlığın gələcəkdə də davam etdirilməsinin zəruriliyi vurğulanıb.

19.05.2022Veysəloğlu Şirkətlər Qrupu
Rəşad İbrahimov: “Biz həm müştərilərimizlə, həm də rəqiblərimizlə münasibətdə ədalətli olmağa çalışırıq”

Hazırda dünya iqtisadiyyatında böhran halları, bölgədə baş verən geosiyasi proseslər ümumiyyətlə, iqtisadi vəziyyətə, o cümlədən idxal və ixraca, nəticə etibarilə marketlərdə ərzaq təminatına ciddi təsir göstərə bilər. Bazar oyunçuları artıq etiraf ediblər ki, Qara dəniz bölgəsində baş verən məlum hadisələr bir neçə məhsulun qiymətində artıma gətirib çıxarıb. Bəs ölkəmizdəki vəziyyətə bu proseslər necə təsir edə bilər? Suallarımızı Veysəloğlu Şirkətlər Qrupuna daxil olan “Araz” supermarketlər şəbəkəsinin rəhbəri Rəşad İbrahimov cavablandırır.

Haqlısınız, bu proseslərin qiymətlərə təsiri və qıtlığın yaranma ehtimalı hamını maraqlandıran və narahat edən məsələdir. Yeri gəlmişkən, biz də çalışırıq ki, marketlərimizdə qıtlıq yaranmasın və müştərilərimiz ehtiyacları olan məhsulları mümkün olan uyğun qiymətə əldə edə bilsinlər. Düzdür, qlobal proseslərin fonunda iqtisadi təsirlər səbəbilə tədarük zəncirində bəzi qırılmalar ola bilir, yəni bəzi idxal məhsulları ölkəmizə planlaşdırıldığından gec daxil ola bilər. Biz isə bu məsələlərin müştərilərimizə təsir etməməsi üçün əlimizdən gələni edirik. Alıcılarımızın narahatlığını azalda biləcək daha bir xəbərim var. Hətta təchizat zənciri tam pozulsa belə, insanları bir neçə ay məhsulla təmin etmək üçün logistika və stok (ehtiyatlar) imkanımız var.

Marketlərdə bolluq olduğunu dediniz. Bəs bu qidanın keyfiyyəti ilə bağlı nə düşünürsünüz?

Keyfiyyət bütün sahələrdə və deyərdim ki, əsas da qida sektorunda ən vacib göstəricidir. Çünki qidanın keyfiyyəti bizim sağlamlığımıza birbaşa təsiri olan məsələdir. Buna görə də satdığımız məhsulların keyfiyyəti ilə bağlı daima düşünürük. Burada vacib olan odur ki, tədarük zənciri, yəni məhsulların daşınması və saxlanılması prosesi düzgün qurulsun. Biz istəyirik ki, mağazalarımızda məhsullarımız hər zaman təzə və keyfiyyətli olsun. Bu məqsədlə öz soyuq anbarımızı yaratmaq qərarına gəlmişik. 25 milyon vəsait yatırılan logistik mərkəzin bu ilin sonuna kimi istifadəyə verilməsi planlaşdırılır. Bununla yanaşı, məhsulların mükəmməl keyfiyyətdə çatdırılması və yollarda gedilən məsafəni azaltmaq üçün 35 ədəd ikili temperaturu olan yük avtomobili almağı nəzərdə tuturuq. Veysəloğlu Şirkətlər Qrupu səviyyəsində qida keyfiyyətinə nəzarət edən peşəkar komanda var ki, müvafiq qurumlarla əməkdaşlıqla bu məsələni ciddi nəzarət altında saxlayır. Müştərilərimizin keyfiyyətli qida ilə təminatı üçün yalnız ötən il laborator xərclərimiz 450 minə yaxın manat təşkil edib.

Əyri oturub, düz danışaq, Rəşad bəy. İndi insanları keyfiyyətlə yanaşı, qiymətlər də maraqlandırır.

Qiymətlərin artması hər kəsi narahat edən, amma təəssüf ki, qaçılmaz və deyərdim, qlobal bir prosesdir. BMT-nin Ərzaq və Kənd Təsərrüfatı Təşkilatının (FAO) məlumatına görə, martda dünya ərzaq qiymətləri 12,6% artaraq 1990-cı ildən bu yana ən yüksək səviyyəyə çatıb. Təşkilatın baş direktoru Qu Donqyu bu yaxınlarda Bakıda olarkən qlobal miqyasda qiymətlərin artımı və bəzi bölgələrdə yarana biləcək qida qıtlığı ilə bağlı öz təşkilatının narahat olduğunu bir də bildirdi. Yəni bu, yalnız Azərbaycanda müşahidə olunan proses deyil. Qiymət artımına müxtəlif amillər, o cümlədən nəqliyyat xərclərinin artması, pandemiya və siyasi iğtişaşlara görə tədarük zəncirinin pozulması, habelə qarğıdalı və buğda əmtəə qiymətlərinin yüksəlməsi səbəb olub.

Bəs bu halda siz nə edirsiniz?

Yarana biləcək çətinliyin qarşısını almaq məqsədilə müəyyən qədər ehtiyat tədarük etmişik. Meyvə-tərəvəzi yerli fermerlərdən almağa üstünlük veririk. Bu məqsədlə Meyvə-tərəvəz satınalma şirkətini yaratmışıq. Məntiqimiz fermerlə ədalətli ticari münasibətlər qurub, nəticədə bazara münasib qiymətə məhsul çıxartmaqdır. Qrupumuz 28 ildir ki, distribusiya fəaliyyəti ilə məşğuldur. Bu müddət ərzində müəyyən partnyorlarla etibarlı və uzunmüddətli işgüzar əməkdaşlıq münasibətləri yaratmağa nail olmuşuq. Məhz bu münasibətlərə görə məhsullarımızın qiymətinin imkan daxilində sabit saxlanılmasına çalışırıq. Bir də təkrar etməliyəm ki, qlobal böhran və geosiyasi proseslərin fonunda qiymətlərdə təəssüf ki, müəyyən qədər artımın olacağı gözlənilir. Amma burada vacib bir məsələ də var. İstehsal etdiyimiz məhsulların qiymətində artımın bir səbəbi də xammal qiymətinin dəyişikliyi ilə bağlıdır.

Mətbəximizin vacib tərkib hissəsi olan ətin də qiymətində dəyişiklik var...

Bəli, mən də fikir vermişəm ki, son zamanlar mediada bu mövzuya diqqət edilir və bizə də bu məsələ ilə bağlı tez-tez sorğular göndərilir. Quş əti Azərbaycana ən çox Ukraynadan idxal edildiyinə görə ölkəmizə bu məhsulun gətirilməsində problemlər yaranıb. Logistikada problemlər də qiymət artımına təsir edən amillərdəndir. Digər ət və ət məhsullarının tədarükündə isə narahatlığa əsas yoxdur.

Əsas fəaliyyət istiqamətlərimizdən biri də yalnız yerli cins heyvanların ətindən istifadə etməklə həyata keçirilən ət emalıdır. Dadlı ət deyəndə, hər kəsin düşündüyü bölgələr olan Bərdə, Ağcabədi və Beyləqandan dana və quzular hər gün Qida Təhlükəsizliyi Agentliyinin (AQTA) rəsmi qeydiyyatından keçmiş mərkəzi kəsim məntəqələrinə gətirilir. Təzə ət emal olunaraq “Araz” və “Spar” supermarketlər şəbəkəsinin mağazalarında satışa çıxarılır. Son aylarda marketlərimizdə təzə ətin qiymətlərində gözəçarpan dəyişiklik olmayıb.

“Araz” supermarketlər şəbəkəsi artıq 11 yaşındadır. Bu illər ərzində istehlakçı tələbi və gözləntiləri arasında hansı dəyişiklikləri müşahidə edirsiniz?

“Araz” ailəsi olaraq, hazırda Azərbaycanın bir çox ərazilərində 300-dən artıq market, 7000-dən çox əməkdaş və Abşeron rayonu Məhəmmədi qəsəbəsində yerləşən müasir logistik mərkəz ilə hər gün 350 mindən artıq müştəriyə xidmət göstəririk. Qürur hissi ilə qeyd edim ki, artıq Şuşada da marketimiz alıcıların ixtiyarına verilib. Fəaliyyətimizin əsasında xidmətdə yenilik, müştəri məmnuniyyəti və sədaqəti üçün çalışmaq dayanır. Bu, korporativ mesaj kimi səslənə bilər. Amma biz doğrudan da belə edirik. Gəlin sizə misal çəkim. Mağazalarımızda görmə zəifliyi ilə əlaqədar məhsulları seçməkdə çətinlik çəkən müştərilərimiz üçün lupalı arabalar mövcuddur. Bundan əlavə, “Araz” mobil tətbiqi ilə alıcılarımız öz alış-veriş hərəkətlərini izləyə bilər. Təbii ki, istehlakçıların demək olar ki, hər gün ehtiyac və gözləntiləri dəyişir. Bu, normal prosesdir və biz bunu anlayırıq. Ona görə gözləntiləri qarşılamaq və bəzən üstələmək üçün dayanmadan çalışırıq.

Yapon mədəniyyətində belə bir anlayış var: biznes savaş deməkdir. Bu savaşda “Araz” rəqiblərlə münasibətlərdə necə davranır?

Maraqlı bənzətmə etdiniz. Yapon mədəniyyətinə görə, döyüşçü-samuray təmkinli, dürüst və digərlərinə hörmət edən nəcib bir insandır. Biz bütün bazar oyunçuları, həmçinin rəqiblərlə hörmət və biznes etikasına əsaslanan münasibətlər qururuq. Şirkətimizin əsas dəyərlərindən biri də ədalətlilikdir. Bu isə o deməkdir ki, yalnız müştərilərimiz, əməkdaşlarımız və partnyorlarımızla deyil, həmçinin rəqiblərimizlə də münasibətdə ədalətli olmağa çalışırıq.

Müsahibimiz haqqında:

Rəşad İbrahimov ali təhsilini Bakı Dövlət Universitetində “Sosial Elmlər, Psixologiya və Politologiya” fakültəsində bakalavr və magistratura dərəcələri üzrə alıb. Həmçinin Harvard Biznes Məktəbinin “Liderlər üçün maliyyə” kursunun sertifikatını qazanıb. Peşəkar fəaliyyətinə “Veysəloğlu” MMC-də Satış təmsilçisi qismində başlayan Rəşad İbrahimov son 8 ildə “Araz Supermarket” MMC-də müxtəlif vəzifələrdə çalışıb. Rəşad İbrahimov 2020-ci ildə “Araz Supermarket” MMC-nin İdarə Heyətinin üzvü vəzifəsinə, daha sonra İdarə Heyətinin sədri vəzifəsinə təyin olunub.

17.05.2022Veysəloğlu Şirkətlər Qrupu
Rəşad İbrahimov: “Bizim üçün müştəri ilə yanaşı, əməkdaşlarımız da dəyərli aktivdir”

Hamımızın həyatına təsir edən koronavirus pandemiyası dünya iqtisadiyyatındakı vəziyyəti əhəmiyyətli dərəcədə dəyişdi. Təbii ki, bu proses dünyada irili-xırdalı bütün şirkətlərin fəaliyyətinə təsir etdi. Maliyyə böhranı yaşayan, hətta işini dayandıran qurumlar da az olmadı. Hazırda inflyasiya bütün dünyanın gündəmində olan məsələdir. Bu günkü müsahibimiz Veysəloğlu Şirkətlər Qrupuna daxil olan “Araz” supermarketlər şəbəkəsinin İdarə Heyətinin sədri Rəşad İbrahimovdur.

Bazarda mövcud vəziyyəti nəzərə alsaq, “Araz”ın fəaliyyətinin əsas prioriteti nədir?

Biz marketçiliklə məşğul oluruq və müştəri məmnuniyyəti bizim üçün prioritetdir. Bu, nə qədər də banal səslənsə də, müştərinin mağazamızdan məmnun getməsi bizim əsas hədəfimizdir. Biz bunu necə başa düşürük? Müştərilərimizə mümkün olan uyğun qiymətə keyfiyyətli məhsul təqdim etməliyik. Keyfiyyətli məhsul odur ki, mən həmin məhsulu öz evim üçün alıb aparmaq istəyirəm. Biz şirkət olaraq, qidanın keyfiyyətinə böyük əhəmiyyət veririk və bunun üçün təkcə ötən ildə laborator xərclərimiz 450 min manata yaxın olmuşdur. Bazarda yaranmış vəziyyətə uyğun olaraq, biz də işimizi elə qururuq ki, yeniliklərdən geri qalmayaq və tələblə ayaqlaşaq.

“Araz” supermarketlər şəbəkəsi qiymətləri formalaşdırarkən nələri nəzərə alır?

Qiymətlər hazırda bütün dünyanın gündəmində olan məsələdir. Əlbəttə, insanlar hər zaman qiymətlər haqqında düşünür. Bu, təbii prosesdir. Dünyada baş verən son hadisələr qiymətlərin artımına gətirib çıxarır. Mən dünyada gedən prosesləri müşahidə edirəm. Hətta dünyanın ən inkişaf etmiş bölgələrindən olan Şimali Avropada da davam edən inflyasiya insanları narahat edir. Sualınıza cavab olaraq, demək istəyirəm ki, qiyməti bazar müəyyən edir və bazar iştirakçıları də bu axına uyğunlaşmalıdır. Geosiyasi hadisələr, sosial iğtişaşlar, iqlim və təbii hadisələr, yeni bazarların yaranması, tələb-təklif nisbəti və digər amillər də qiymətlərin formalaşmasına təsir göstərir. Amma biz çalışırıq ki, qiymətlərimizi bir tərəfdən yerli bazara uyğunlaşdıraq, digər tərəfdən isə məhsullarımızı müştərilərimizə mümkün qədər münasib qiymətə təqdim edək.

Sizin bir günlük müştəri sayınız təxminən nə qədərdir? Bu rəqəm sizi qane edirmi?

Satış sahəsinin hər bir peşəkarı sizə deyər ki, hədəfimiz və gözləntilərimiz hər zaman daha yüksəkdir. Bütün pərakəndəçilər daha çox müştəriyə xitab etmək istəyirlər. Belə olmasa, deməli, işimizi düzgün qurmamışıq. Gün ərzində biz minlərlə, dəqiq desək, ölkə üzrə mağazalarımızda 350 mindən artıq insana xidmət edirik. Hər zaman düşünürük ki, necə edək ki, müştərilərimiz bizimlə qalsın. Səmimi desəm, əlbəttə, daha çox müştərinin “Araz”ı seçməsini istəyirik. Lakin buna nail olmaq üçün biz xidmətlərimizi və müştərinin alış-veriş təcrübəsini daha da yaxşılaşdırmalıyıq.

Bu təcrübənin yaxşılaşdırılması üçün siz konkret olaraq nə edirsiniz?

Sizə desəm ki, marketlərimizdə 100% hər şey yaxşıdır, bu, qeyri-səmimi və qeyri-peşəkar səslənər. Şikayətləri heç kim sevmir. Amma qəbul edirəm ki, müştərilərimiz vaxtaşırı bizə müəyyən nöqsanlar barəsində məlumat verir. Bu cür sorğular üzrə işləyən komandamız həmin müraciətləri vaxtında araşdırır və həll etmək üçün çalışır.

Siz özünüzün bazarda mövqeyi barədə nə düşünürsünüz?

Fikrimizcə, “Araz” supermarketlər şəbəkəsinin bazarda özünəməxsus yeri var. Artıq 11 ildir ki, “Siz harada, Araz orada” deyərək müştərilərimizə xidmət edirik. Fəaliyyətimizin ilk dövrü ilə müqayisədə böyük məsafə qət etmişik. Dünyada baş verən yenilikləri biz də çalışırıq ki, marketlərimizdə tətbiq edək. Bir neçə nümunə deyim. Mağazalarımızdakı özünəxidmət kassa aparatları müştərilərin rahatlığına yönəlib və vaxt itkisini azaldır. Müəyyən marketlərimizdə ənənəvi dolabları elektron dolablarla əvəz etmişik. Bundan başqa, meyvə-tərəvəz, ət və ət məhsullarının üzərindəki QR kod vasitəsilə müştərilərimiz həm elektron kataloqu mobil telefonlarına yükləyə, həm də məhsul haqqında ətraflı məlumat əldə edə bilərlər. Görmə zəifliyi olan müştərilərimiz üçün lupalı alış-veriş arabaları istifadəyə verilib. “Araz” bonus kartı 2 faiz kəşbək qazandırır. “Araz” mobil tətbiqini yükləməklə də bonus kartının üstünlüklərindən yararlanmaq mümkündür. Tez-tez məhsul festivalları keçiririk. Dediyim kimi, biz müştərilərimizin məmnuniyyətini təmin etməyə çalışırıq. Düşünürəm ki, buna görə də bazarda müəyyən yerimiz var.

Bildiyimizə görə, “Araz” Azərbaycanda ən böyük işçi heyətinə malik olan şirkətlərdən biridir. Hazırda marketlərinizdə neçə nəfər çalışır və insanları işə götürəndə nəyə fikir verirsiniz?

Bizim üçün müştəri ilə yanaşı, əməkdaşlarımız da dəyərli aktivdir. Pərakəndə sektorunda çalışan hər bir peşəkar sizə deyər ki, keyfiyyətli xidmətin, sektorda mövqe qazanmağın və şirkətin imicini yüksəltməyin əsas yollarından biri də əməkdaşların motivasiyasıdır. Çünki məqsədlərimizə əməkdaşların şirkətə bağlılıq hissi və zəhməti sayəsində nail ola bilərik. Şirkət yeniliklərə malik texnologiyalara və maddi resurslara sahib ola bilər, amma bunlardan doğru şəkildə yararlanmaq üçün peşəkar komandaya ehtiyac duyulur. Bəlkə bu, sizə iddialı səslənə bilər. Amma biz inanırıq ki, potensialı yüksək və bacarıqlı əməkdaşlar həm şəxsi, həm də peşəkar inkişaf baxımından şirkətimizdə irəliləyə bilərlər. Hazırda “Araz”ın böyük ailəsində hər yaş qrupunu əhatə edən 7000-dən çox əməkdaş çalışır. Biz əməkdaşlarımızın inkişafı məqsədilə “Araz akademiya”nı yaratmışıq. Məsuliyyətli, dürüst, hədəfləri və məqsədləri olan insanlar “Araz” ailəsinə qoşula bilər.

“Araz” supermarketlər şəbəkəsi üçün pandemiya dövrünün çətinlikləri və qazancı nə oldu?

İnsanları qida və ilkin tələbat məhsulları ilə təmin edən şirkət kimi biz də öz məsuliyyətimizi dərk edirdik. Həm müştərilərimizin, həm də əməkdaşlarımızın sağlamlığı və təhlükəsizliyi üçün dövlətin tövsiyə etdiyi bütün tədbirləri zamanında gördük. Ötən ildə məhdudiyyətlərin yumşalma dövrü olsa belə, əməkdaşlarımızın və müştərilərimizin sağlamlığını qorumaq əsas prioritetimiz olaraq qaldı. Biz indiyədək bütün mağazalarımızda ciddi şəkildə dezinfeksiya tədbirləri həyata keçiririk. Müştərilərin əllə təmasda olduğu bütün əşyalar – əl səbətləri, arabalar, kassa ətrafına qədər mütəmadi dezinfeksiya edilir. Düşünürəm ki, bu dövrdə bütün çətinliklərə və xərclərə baxmayaraq, bizim qazancımız elə müştəri məmnuniyyəti və rəğbəti oldu.

“Araz”da işçilərin iş saatı və əməkhaqqısı müəyyən edilərkən hansı meyarlar əsas götürülür?

Veysəloğlu Şirkətlər Qrupunun əsas dəyərlərindən biri də ədalətlilikdir. Biz həm müştərilərimizlə, həm də öz əməkdaşlarımızla ədalətlə davranırıq. İşçilərimizə təklif etdiyimiz əməkhaqqı əmək bazarının standartlarına uyğundur. Əlavə edim ki, şəbəkəmizdə sürətli karyera inkişafı olduğundan insanların məvacibi da qısa bir zamanda dəyişə bilər. Dediyim kimi, maaş təyin edilərkən əmək bazarındakı ümumi vəziyyət və əməkdaşın vəzifə öhdəlikləri nəzərə alınır. İş saatları Əmək Məcəlləsinə və ölkə qanunvericiliyinin tələblərinə uyğun tənzimlənir.

Araz”dan istehlakçılar yaxın gələcəkdə hansı yenilik və dəyişiklikləri gözləsin?

Əlbəttə, gələcəyini düşünən hər bir şirkət yeniliyə açıq olmalıdır. Şəxsən mən hər imkanda çalışıram ki, yenilikləri izləyim və araşdırım. Pərakəndə sahəsində olan uğurlu tendensiyaları biz komanda olaraq aramızda müzakirə edirik. Bilirsiniz, hər bir şirkət cəmiyyətin və xidmət göstərdiyi icmanın bir parçasıdır. Şirkəti fərd kimi dəyərləndirsək, görərik ki, onun özünəməxsus xarakteri, məqsədi, yolu vardır. Məsuliyyətini anlayan hər bir fərd yaxşı bilir ki, onun yolu cəmiyyətdən ayrı deyil və cəmiyyət üçün fayda və dəyər yaratmağa çalışır. Biz də bu cəmiyyətin bir parçası olan şirkət kimi dediyim bu dəyəri artırmaq üçün tətbiq ediləcək yenilikləri düşünürük. Bizim də yolumuz budur.

Müsahibimiz haqqında:

Rəşad İbrahimov ali təhsilini Bakı Dövlət Universitetində “Sosial Elmlər, Psixologiya və Politologiya” fakültəsində bakalavr və magistratura dərəcələri üzrə alıb. Həmçinin Harvard Biznes Məktəbinin “Liderlər üçün maliyyə” kursunun sertifikatını qazanıb. Peşəkar fəaliyyətinə “Veysəloğlu” MMC-də Satış təmsilçisi qismində başlayan Rəşad İbrahimov son 8 ildə “Araz Supermarket” MMC-də müxtəlif vəzifələrdə çalışıb. Rəşad İbrahimov 2020-ci ildə “Araz Supermarket” MMC-nin İdarə Heyətinin üzvü vəzifəsinə, daha sonra İdarə Heyətinin sədri vəzifəsinə təyin olunub.

11.05.2022Digər
Məhsul qiymətlərinin dəyişikliklərinə dair aylıq açıqlama verdik

Veysəloğlu Şirkətlər Qrupu ona aid marketlərdə ən yüksək alıcı tələbatı olan məhsullar üzrə 2022-ci il aprel ayının qiymət indeksini açıqlayıb.

“Veysəloğlu Pərakəndə İndeksi”nə görə, 2022-ci ilin aprel ayı üzrə şirkət (“Araz” supermarketlər şəbəkəsi və “Oba” marketlər şəbəkəsi) müştərilərinin ən çox aldığı məhsulların qiymətində keçən ilin aprel ayına nisbətən 14,6% artım müşahidə edilib. Belə ki, tez köhnələn qida məhsullarının qiymətində keçən ilin aprel ayına nisbətən 16,5% artım, quru, dondurulmuş qida məhsullarının, şirniyyat və spirtsiz içkilərin qiymətində 15,1% artım, spirtli içkilər və tütün məmulatlarının qiymətində isə 4,5% artım izlənilib. Qeyd edək ki, indeks inflyasiyanın göstəricisi deyil.

İndeks son 24 ay ərzində Şirkətlər Qrupunun müştərilərinin ən çox aldığı məhsulların ümumi qiymət səviyyəsinin dəyişməsini göstərərək 109,6% təşkil edib. Nəticə etibarilə nəzərdən keçirilən dövr ərzində ortalama 9,6% qiymət artımı müşahidə olunub. “Veysəloğlu Pərakəndə İndeksi” müştərilərə aylıq məhsul alışı üçün büdcə planlamalarında dəstək məqsədini daşıyır.

Veysəloğlu Şirkətlər Qrupu (VŞQ) pərakəndə, distribusiya, logistika və istehsalat daxil olmaqla, tədarük zəncirinin müxtəlif sahələrini əhatə edən çoxşaxəli FMCG (gündəlik istehlak malları) qrupudur. VŞQ və ona aid şirkətlər üçün qida təhlükəsizliyi və ərzaq təminatının davamlılığı əsas vəzifələrdəndir.

“Veysəloğlu Pərakəndə İndeksi” nədir?

İndeks son 24 ay ərzində Şirkətlər Qrupunun müştərilərinin ən çox aldığı məhsulların ümumi qiymət səviyyəsinin dəyişməsini göstərir.

“Veysəloğlu Pərakəndə İndeksi”nin hesablanmasında bu düsturdan istifadə olunur:

Veysəloğlu Pərakəndə İndeksi=(Cari dövr istehlak səbətinin qiyməti)/(Baza dövrü istehlak səbətinin qiyməti)×100%

Məsələn, təsəvvür edək ki, tipik bir istehlakçı (müştəri) hər ay 5 kq alma, 2 kq armud alır və onun ümumi istehlak (məhsul) səbəti yalnız bu məhsullardan ibarətdir. Bu ay almanın 1 kiloqramının qiyməti 1 manat, armudun 1 kiloqramının qiyməti isə 2 manatdır. Keçən ay isə 1 kq alma 0.98 manat, 1 kq armud isə 1.95 manat olub. Bu zaman “Veysəloğlu Pərakəndə İndeksi” belə hesablanacaq:

Veysəloğlu Pərakəndə İndeksi=(almanın çəkisi×almanın cari qiyməti+armudun çəkisi×armudun cari qiyməti)/(almanın çəkisi×almanın keçən aya olan qiyməti+armudun çəkisi×armudun keçən aya olan qiyməti)×100%

Beləliklə, Veysəloğlu Pərakəndə İndeksi aşağıdakı kimi hesablanacaq:

(5×1+2×2)/(5×0.98+2×1.95)×100%=102%

Nəticə etibarilə nəzərdən keçirilən dövr ərzində 2% qiymət artımı müşahidə olunur.

“Veysəloğlu Pərakəndə İndeksi” hər ay ictimaiyyət və maliyyə qurumları ilə paylaşılır. Şirkətlər Qrupu bu indekslə alıcılıq qabiliyyətinin ölçülməsinə və müştərilərin aylıq məhsul alışı üçün büdcə planlamalarına imkan verir.

06.05.2022Digər
Marketlərdə alıcılara ət və ət məhsulları necə təqdim olunur?

Veysəloğlu Şirkətlər Qrupu bu mövzuda da çox seçicidir. Pərakəndə sektorunda önəmli yerə malik olan Veysəloğlu Şirkətlər Qrupunun əsas fəaliyyət istiqamətlərindən biri də yalnız yerli cins heyvanların ətindən istifadə etməklə həyata keçirilən ət emalıdır. Şirkətlər Qrupuna daxil olan “Araz” supermarketlər şəbəkəsində istehlakçılara keyfiyyətli ət və ət məhsulları təqdim olunur.

Ətin çatdırılması

Hər gün Bərdə, Ağcabədi və Beyləqandan dana və quzular Azərbaycan Respublikasının Qida Təhlükəsizliyi Agentliyinin (AQTA) rəsmi qeydiyyatından keçmiş mərkəzi kəsim məntəqələrinə gətirilir. Həmin məntəqələrdə bütün gigiyena standartlarına əməl olunmaqla kəsim aparılır, “soyuq zəncir” prinsipi ilə “Araz” supermarketlər şəbəkəsinin mərkəzi anbarına çatdırılır. Bu mərhələ peşəkar mütəxəssislər tərəfindən ciddi nəzarətdə saxlanılır.

Veysəloğlu Şirkətlər Qrupu soyuq şəraitdə saxlanılmalı olan qidanın istehsalından başlayaraq, daşınma, saxlanma və satış daxil olmaqla, bütün pillələrdə soyuq zəncirin qırılmaması üçün daima çalışır. Bu məqsədlə yeni təzə və dondurulmuş logistika mərkəzinin bu il istifadəyə verilməsi nəzərdə tutulur. Müasir tipli logistika mərkəzinin yaradılması üçün 25 milyon manat investisiya yatırılıb.

Ətin qəbulu necə aparılır?

Qəbul zamanı dana əti cəmdəyinin çəkisinin 150-200 kq, quzu əti cəmdəyinin çəkisinin isə 13-18 kq aralığında olmasına xüsusi diqqət edilir. Standartlara cavab verən məhsullar dinlənmək üçün soyuducu anbarlara yığılır.

Ətin cəmdək hərarəti dinlənmədən sonra 2-6 C°-yə salınır, daha sonra mağazaların təyinatına uyğun hissələrə ayrılan ətlər satış üçün marketlərə göndərilir. Təzə ət emal olunaraq “Araz” və “Spar” supermarketlər şəbəkəsinin mağazalarında satışa çıxarılır. Ətin vitrinlərdə saxlanılma müddəti 1 sutkadır.

Əhalinin qida və ərzaq təhlükəsizliyi

Veysəloğlu Şirkətlər Qrupu alıcılara təqdim etdiyi ətin keyfiyyətinə, yerli dana və quzular olmasına zəmanət verir. Veysəloğlu Şirkətlər Qrupunun Keyfiyyət İdarəetmə direktoru Anar Cümşüdovun sözlərinə görə, yeni logistika mərkəzində dondurulmuş, təzə ət və ət məhsullarını ən yüksək keyfiyyətlə saxlamaq mümkün olacaq. Bu mərkəz uyğun qiymətə və çox çeşidli məhsulları xalqımız üçün əlçatan edəcəkdir”.

Veysəloğlu Şirkətlər Qrupu cəmiyyəti təmiz, sağlam və keyfiyyətli gündəlik istehlak malları ilə təmin etmək missiyasına sadiqdir və bundan sonra da əhaliyə təhlükəsiz və etibarlı qida məhsullarını təqdim edəcək.

28 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu topdansatış/distribusiya, pərakəndə, istehsalat, logistika sahələrində fəaliyyət göstərir. Bu gün Veysəloğlu Şirkətlər Qrupu 19 minə yaxın əməkdaş sayı ilə Azərbaycanın ən iri iş yeri imkanı yaradan qurumlarından biridir.

19.04.2022Digər
Soyuq anbar: nə üçündür və bundan kim faydalanacaq?

Elə bir dövrdə yaşayırıq ki, dünyanın hər yerində, həmçinin ölkəmizdə insanlar supermarketə və ya istənilən ərzaq dükanına gedərək ilin bütün fəsillərində təzə məhsul tapa bilərlər. Müasir texnologiyalar sayəsində təzə, tez xarab olan qidaların keyfiyyətlə bağlı heç bir riskə məruz qalmadan dünyanın bir başından o biri başına çatdırılması mümkündür. Belə ki, soyuq tədarük zənciri vasitəsi ilə təzə və idxal olunan məhsulların bolluğuna nail olunur. Bu mövzudan bəhs edərkən qida məhsullarının saxlanılmasına imkan yaradan soyuq və dondurulmuş məhsullar üçün nəzərdə tutulmuş anbarları xüsusi qeyd etməyə dəyər. Bəs nədir soyuq anbarı belə xüsusi edən? Soyuq anbar müasir, ən yeni avadanlıqların istifadə olunduğu mürəkkəb texnoloji bir prosesdir və ənənəvi anbardan daha böyük investisiya tələb edir.

Yəqin təxmin edirsiniz ki, müxtəlif məhsul növləri saxlanılmalı olduqları temperatur dərəcəsindən və soyuq anbar ilə nəqliyyat vasitəsi arasındakı müddətdən asılı olaraq fərqli rəf ömrünə malikdir. Soyuq temperaturda və ya ən azından temperaturuna nəzarət edilməli olan anbarda saxlanılması mütləq olanməhsullar sırasına tez xarab olan qida məhsulları, meyvə və tərəvəz, ət və dəniz məhsulları, süd məhsulları, gül və bitkilər, biofarmaseptik məhsullar, hətta kosmetika, tekstil məhsulları və müəyyən incəsənət əsərləri növləri daxildir.

Soyuq saxlanma prosesi nədir?

Bir istehlakçı kimi təxminən hər gün süd və qatıq, ət və tərəvəzdən istifadə edirik. Bundan əlavə, aldığımız və istehlakçısı olduğumuz məhsulların keyfiyyəti ilə bağlı daima düşünürük. Məhz bu səbəbdən məhsulların saxlanılması və onların keyfiyyəti bizim üçün prioritetdir. Eynilə bizim kimi bu məhsulları istehsal edən şirkətlər də malların təhlükəsiz şəraitdə saxlanılması üçün tədbirlər görürlər. Lakin son tendensiya odur ki, artıq bu kimi məhsulların saxlanılmasına xidmət edən soyuducular soyuq anbarlarla əvəz olunur.

Soyuq anbar ilk növbədə rəf ömrü qısa olan və adi şəraitdə saxlanıldıqda xarab ola bilən malları saxlamaq üçündür. Bu qida məhsulları optimal şəraitdə - ilk növbədə aşağı temperaturlu və hər məhsul üçün tələb olunan rütubət dərəcəsində - saxlanılır. Demək olar ki, soyuq anbardakı bütün otaqlar orada saxlanılacaq məhsullara uyğun şəkildə tərtib olunur və əvvəlcədən konfiqurasiya edilir. Bəzi soyuq otaqların temperatur və rütubəti ehtiyaca uyğun şəkildə tənzimlənə bilir.

Bu məsələ ilə bağlı biz nə edə bilərik?

Araz” supermarketlərindəki və “Oba” marketlərindəki bütün müştərilərimiz üçün məhsulların keyfiyyəti və təzəliyini təkmilləşdirmək ilə bağlı düşündükdə, öz soyuq anbarımızı yaratmaq qərarına gəldik. Bu logistik mərkəz Bakı şəhəri yaxınlığındakı Məhəmmədi kəndi ərazisində yerləşəcək. Tikinti sürətlə davam edir: artıq polad tökülüb və növbəti həftələrdə daha təməlli işlər başlayacaqdır. Soyuq anbarın 2022-ci ilin noyabr ayında hazır olmasını planlaşdırırıq. Bu layihənin vaxtında və ən yaxşı keyfiyyətlə tamamlanması üçün 25 milyon manat investisiya yatırmaq öhdəliyi götürmüşük. Bundan əlavə, məhsulların mükəmməl keyfiyyətdə çatdırılması və yollarda gedilən məsafəni azaltmaq üçün 35 ədəd ikili temperaturu olan yük avtomobillərinə investisiya yatırırıq.

Təsiri nə olacaq?

Bu distribusiya mərkəzi 11,000 m2 sahəyə malikdir və bütün dondurulmuş, təzə ət və süd məhsullarının, həm də meyvə və tərəvəzin təravətli saxlanılmasına xidmət edəcək. Məhsulların mükəmməl şəraitdə saxlanılması üçün temperatur və rütubəti avtomatik tənzimlənəcək və hər hansı bir yayınmalar olarsa, mobil xəbərdarlıq sistemi vasitəsi ilə bu barədə dərhal xəbərdar olacağıq.

Bu mərkəz vasitəsi ilə həftənin 7 günü ərzində 5000 dükana xidmət göstərməyi nəzərdə tuturuq. 600 yeni iş yerinin yaradılması isə bu logistika mərkəzi vasitəsi ilə nail olacağımız önəmli nəticələrdən biridir. Bu, həm də yerli istedadların peşəkar olaraq yetişdirilməsi, insanların karyera ilə təmin edilməsi və dünya səviyyəsində əməliyyatları reallaşdırmaq üçün inkişafı deməkdir. Biz vahid və xərclər baxımından sərfəli olan distribusiya mərkəzimiz vasitəsi ilə müştəri bazamızı yerli və beynəlxalq təchizatçılar üçün əlçatan edəcəyik. Bu anbar yalnız məhsulların təravətli saxlanılmasına deyil, eyni zamanda ərzaq təhlükəsizliyinə xidmət edəcək. Biz həmçinin təzə məhsulları hazırlayan istehsalçılar və fermerlərlə birbaşa əməkdaşlıq edəcəyik.

Böyük şəklə baxsaq deyə bilərik ki, bu mərkəz istehlakçılarla daha geniş çeşiddə və yaxşı keyfiyyətli məhsulları münasib qiymətə əldə etməyə imkan verəcəkdir. Biznesin həcmindən istifadə edərək müştərilərimiz üçün daha münasib qiymətlərin əldə olunması məqsədi ilə daha yaxşı danışıqlar apara biləcəyik və beləliklə, mağazalara məhsulları mümkün olan ən uyğun qiymətə çatdırmaq imkanımız olacaq. Bizim logistika mərkəzimizdə ən müasir avadanlıqlar və dünya səviyyəli əməliyyatların icrası üçün hər cür imkan var. Amma ən dəyərli resursumuz bütün Azərbaycanın müxtəlif məhsullarla təmin olması üçün çalışan peşəkar və zəhmətkeş insanlardan ibarət olan komandamızdır.

18.04.2022Digər
Azərbaycanda yeni və müasir tipli logistika mərkəzinin yaradılması üçün 25 milyon manat investisiya yatırılıb

Veysəloğlu Şirkətlər Qrupuna daxil olan “AVT Logistika” MMC-yə məxsus 11,000 m² ərazini əhatə edən sahəyə malik yeni təzə və dondurulmuş logistika mərkəzinin bu il istifadəyə verilməsi nəzərdə tutulur. Məhəmmədi ərazisində yerləşəcək müasir logistika mərkəzindən həftənin 7 günü boyunca 5000 mağazaya xidmət göstəriləcək.

Necə oldu ki, yeni mərkəzin inşasına ehtiyac yarandı?

Veysəloğlu Şirkətlər Qrupunun missiyasına uyğun olaraq, əsas hədəflərindən biri də məhsulların düzgün saxlanılmasını, marketlərə vaxtında və təhlükəsiz çatdırılmasını təmin etməkdir. “Araz” supermarketlər şəbəkəsi, “Oba” marketlər şəbəkəsi və “Veysəloğlu Distribusiya” şirkəti vasitəsilə müştərilərə təqdim olunan məhsulların təzəliyinin qorunması məqsədilə soyuq anbarın tikilməsinə ehtiyac yarandı. “AVT Logistika” MMC-nin İdarə Heyətinin sədri Co Daybelin (Joe Dybell) sözlərinə görə, artıq polad tökülüb və növbəti həftələrdə daha əsaslı işlərin görülməsi nəzərdə tutulur.

Bu mərkəzin üstünlüyü nə olacaq?

Co Daybel (Joe Dybell): “Biz soyuq şəraitdə saxlanılmalı olan qidanın istehsalından başlayaraq, daşınma, saxlanma və satış daxil olmaqla, bütün pillələrdə soyuq zəncirin qırılmaması üçün çalışırıq. Vahid distribusiya mərkəzimiz vasitəsilə həm yerli, həm də beynəlxalq təchizatçılarla əməkdaşlıq edəcəyik. Biznesin həcmi müştərilərimiz üçün daha uyğun qiymətlərin əldə olunması ilə bağlı danışıqlar aparmağa imkan yaradacaq və beləliklə, dükanlara ən uyğun qiymətə daşınmalar həyata keçirə biləcəyik”.

Məhsulların mükəmməl şəraitdə çatdırılmasına və yollarda kilometri azaltmağa xidmət edəcək 35 ədəd ikili temperaturu olan yük avtomobillərinin alınması üçün də investisiya yatırımı edilib. Bu nəqliyyat vasitələrinin arxa qismi 2 hissəyə ayrılır və müvafiq avadanlıqlarla təchiz olunaraq lazımi temperaturu saxlaya bilir.

Veysəloğlu Şirkətlər Qrupunun Keyfiyyət İdarəetmə direktoru Anar Cümşüdovun sözlərinə görə, yeni logistika mərkəzində dondurulmuş, təzə ət və süd məhsullarını, həmçinin meyvə və tərəvəzi ən yüksək keyfiyyətlə saxlamaq mümkün olacaq.

Yeni iş imkanları

Yeni mərkəzin açılışı ilə daha 600 nəfər üçün iş imkanı yaradılacaqdır. Bu da istedadların yetişdirilməsinə, karyera ilə təmin edilməsinə və dünya standartlarına uyğun inkişafına töhfə verildiyinin göstəricisidir.

06.04.2022Digər
Məhsul qiymətlərinin dəyişikliklərinə dair aylıq açıqlama verdik

Veysəloğlu Şirkətlər Qrupu ona aid marketlərdə ən yüksək alıcı tələbatı olan məhsullar üzrə 2022-ci il mart ayının qiymət indeksini açıqlayıb.

“Veysəloğlu Pərakəndə İndeksi”nə görə, 2022-ci ilin mart ayı üzrə müştərilərin ən çox aldığı məhsulların qiymətində keçən ilin mart ayına nisbətən 11,0% artım müşahidə edilib. Belə ki, tez köhnələn qida məhsullarının qiymətində keçən ilin mart ayına nisbətən 10,7% artım, quru, dondurulmuş qida məhsullarının, şirniyyat və spirtsiz içkilərin qiymətində 13,3% artım, spirtli içkilər və tütün məmulatlarının qiymətində isə 6,5% artım izlənilib.

“Veysəloğlu Pərakəndə İndeksi” müştərilərə aylıq məhsul alışı üçün büdcə planlamalarında dəstək məqsədini daşıyır. İndeks son 24 ay ərzində Şirkətlər Qrupunun müştərilərinin ən çox aldığı məhsulların ümumi qiymət səviyyəsinin dəyişməsini göstərərək 108,9% təşkil edib. Nəticə etibarilə nəzərdən keçirilən dövr ərzində ortalama 8,9% qiymət artımı müşahidə olunub. Qeyd edək ki, indeks inflyasiyanın göstəricisi deyil.

Veysəloğlu Şirkətlər Qrupu (VŞQ) istehsaldan distribusiyaya, logistikaya, supermarket şəbəkələri vasitəsilə müştərilərlə birbaşa qarşılıqlı əlaqəyə qədər tədarük zəncirinin müxtəlif sahələrini əhatə edən qabaqcıl və çoxşaxəli FMCG (gündəlik istehlak malları) qrupudur. VŞQ səmimiyyətlə inanır ki, qida təhlükəsizliyi və ərzaq təminatının davamlılığı təkcə ictimai müzakirələr üçün trend olan mövzular deyil, əksinə, ölkənin iqtisadi inkişafı üçün yeganə əlverişli yoldur.

“Veysəloğlu Pərakəndə İndeksi” nədir?

İndeks son 24 ay ərzində Şirkətlər Qrupunun müştərilərinin ən çox aldığı məhsulların ümumi qiymət səviyyəsinin dəyişməsini göstərir. Qeyd edək ki, indeks inflyasiyanın göstəricisi deyil.

“Veysəloğlu Pərakəndə İndeksi”nin hesablanmasında bu düsturdan istifadə olunur:

Veysəloğlu Pərakəndə İndeksi=(Cari dövr istehlak səbətinin qiyməti)/(Baza dövrü istehlak səbətinin qiyməti)×100%

Məsələn, təsəvvür edək ki, tipik bir istehlakçı (müştəri) hər ay 5 kq alma, 2 kq armud alır və onun ümumi istehlak (məhsul) səbəti yalnız bu məhsullardan ibarətdir. Bu ay almanın 1 kiloqramının qiyməti 1 manat, armudun 1 kiloqramının qiyməti isə 2 manatdır. Keçən ay isə 1 kq alma 0.98 manat, 1 kq armud isə 1.95 manat olub. Bu zaman “Veysəloğlu Pərakəndə İndeksi” belə hesablanacaq:

Veysəloğlu Pərakəndə İndeksi=(almanın çəkisi×almanın cari qiyməti+armudun çəkisi×armudun cari qiyməti)/(almanın çəkisi×almanın keçən aya olan qiyməti+armudun çəkisi×armudun keçən aya olan qiyməti)×100%

Beləliklə, Veysəloğlu Pərakəndə İndeksi aşağıdakı kimi hesablanacaq:

(5×1+2×2)/(5×0.98+2×1.95)×100%=102%

Nəticə etibarilə nəzərdən keçirilən dövr ərzində 2% qiymət artımı müşahidə olunur.

“Veysəloğlu Pərakəndə İndeksi” hər ay ictimaiyyət və maliyyə qurumları ilə paylaşılır. Şirkətlər Qrupu bu indekslə alıcılıq qabiliyyətinin ölçülməsinə və müştərilərin aylıq məhsul alışı üçün büdcə planlamalarına imkan verir.

05.04.2022Digər
Ukrayna böhranı: qida qiymətləri daha da arta bilər

Bu ilin 24 fevralında başlamış münaqişə yalnız geosiyasi durumun deyil, həm də qlobal miqyasda iqtisadi vəziyyətin dəyişməsinə də səbəb oldu. Lakin hələ Rusiya ordusu Ukrayna ərazisinə keçməmişdən əvvəl də son bir il ərzində ərzaq qiymətlərində gözəçarpan artım müşahidə olunurdu. Bu arada son iki ayda insanlar ərzaq qiymətlərində böyük sıçrayışlar gördülər. Qlobal miqyasda ərzaq bir il əvvəlkindən iyirmi faiz daha bahadır, bu ilin yanvarından isə dünyada qiymətlər dörd faiz artıb.

Bu qiymət artımlarına müxtəlif amillər, o cümlədən nəqliyyat xərclərinin artması, tədarük zəncirinin pozulması, habelə qarğıdalı və buğda əmtəə qiymətlərinin artması səbəb olub.

Qılınc kəsməyəni çörək kəsər...

“Avropanın çörək səbəti” hesab olunan Ukraynadakı müharibə artıq qısamüddətli perspektivdə ərzaq qiymətlərinə təsir edib. Ukrayna və Rusiya qlobal buğda istehsalının təxminən 10 və 20 faizini təşkil edir və ümumi buğda ixracının 30 faizi bu iki ölkədən gəlir.

Münaqişə nəticəsində Ukraynadan buğda ixracı dayanıb. Belə ki, bu ölkənin Qara Dənizdəki liman qurğularının fəaliyyəti dayandırılıb və nəticədə 2021-ci ildə yığılan buğda məhsulunun xaricə axınının da qarşısı alınıb. Odur ki, daha yüksək buğda qiymətləri hamı üçün daha yüksək ərzaq qiymətlərinə çevrilməkdədir.

Günəbaxan yalnız tum demək deyil...

Ancaq buğda və çörəyin qiymətində artım qida və ərzaq dəyərinə təsir edən yeganə amil deyil. Ukrayna daha bir mühüm məhsulun ixracatçısıdır. Avropa Ukrayna günəbaxan yağının istehsalının yarısını idxal edir. Məhz bu yağdan bişmiş, konservləşdirilmiş və hazır qidalarda, həmçinin sousların və şorbaların hazırlanmasında istifadə olunur. O, eyni zamanda, qənnadı məmulatlarında geniş istifadə olunur və uşaq qidasının əvəz edilməsi çətin olan tərkib hissəsidir.

Avropa İttifaqının bitki yağı emalçılarının çətir assosiasiyası olan FEDIOL-un baş direktoru Natali Lekok “politico.eu” portalına verdiyi müsahibəsində qeyd edib: “Son hadisələr açıq şəkildə tədarük zəncirinin pozulmasına səbəb olub, çünki biz Ukrayna günəbaxan tumunun yağının Avropaya müntəzəm tədarükündən asılıyıq. Hazırkı vəziyyətdən olduqca narahatıq”.

Bəs bizdə vəziyyət necədir...

"Veysəloğlu" Şirkətlər Qrupunun distribusiya şirkəti “Veysəloğlu” MMC duru yağların təchizatı üzrə ölkə bazarında “Sunar”, “Avedov”, “Qidam” kimi markalarla müəyyən bir paya sahibdir. Hazırda davam edən Rusiya-Ukrayna münaqişəsi səbəbilə istehsalatın bütün sahələrində olduğu kimi, duru yağ istehsalında da ciddi bir sıxıntı yaranıb. “Veysəloğlu” MMC-nin Qastronom və dondurulmuş məhsullar üzrə Marketinq Departamentinin Marketinq meneceri Elmar Çəltikov yaranmış vəziyyəti bu cür təsvir edir:

“Duru yağ qiymətlərində müşahidə olunan 30-50%-ə yaxın qiymət artımı Azərbaycan bazarındakı qiymətlərə də müəyyən bir artımla təsir edəcək. Biz “Veysəloğlu” MMC olaraq, yarana biləcək çətinliyin qarşısını almaq məqsədilə artıq ehtiyat tədarük etmişik. Nəzərinizə çatdıraq ki, hazırda “Veysəloğlu” MMC tərəfindən distribusiya olunan duru yağ məhsullarının qiymətlərində artım olmayıb, lakin qlobal proseslərin fonunda yuxarıda qeyd olunan iqtisadi təsirlər səbəbilə qiymətlərdə müəyyən qədər artım olacağı gözlənilir”.

Qeyd edək ki, dünyada duru yağ istehsalında böyük pay Ukrayna və Rusiya bazarına aiddir. Yaranmış olan vəziyyətlə əlaqədar bir sıra ölkələr müəyyən addımlar atmışdır. Məsələn, Türkiyə ölkə daxilində yarana biləcək sıxıntının qarşısını almaq məqsədilə duru yağ ixracatını dayandırmışdır.

Yaxşı, bəs ət necə...

Mətbəximizin vacib tərkib hissəsi olan ətin də qiymətində dəyişiklik var. Bu da qiymətlərin qlobal miqyasda qalxmasının qaçılmaz bir nəticəsidir. “Veysəloğlu” MMC-nin Qastronom və dondurulmuş məhsullar üzrə Marketinq Departamentinin Marketinq meneceri Pərviz Hüseynov ölkəmizdə dondurulmuş ət məhsulları ilə bağlı vəziyyəti belə izah edir:

“İlk növbədə vurğulayım ki, quş əti Azərbaycana ən çox Ukraynadan idxal edilir. Münaqişənin bölgədə yaratdığı iqtisadi çətinliklər nəticəsində tələbin təklifi keçəcəyi, bunun da qiymətlərə təsiri gözləniləndir. Eyni zamanda heyvan qidasının əsasını Ukrayna və Rusiya təmin etdiyi üçün yemin və nəticə etibarilə quş ətinin qiymətində artımın olacağı qaçılmazdır. Logistikada problemlər də qiymət artımına təsir edən amillərdəndir. Bununla yanaşı, ödəniş proseslərində müəyyən səbəblərdən çətinliklərin yaranması ilə məhsul alışı əvvəlki qaydada həyata keçirilməyəcək. Çünki fabriklərin əksəriyyəti ödənişləri əvvəlcədən tələb edir və təbii ki, bu günkü vəziyyətdə Rusiya və Ukraynaya əvvəlcədən ödəniş risklidir. Alternativ bazar olaraq, Gürcüstan, Türkiyə və İran dəyərləndirilir. Bu ölkələrdən qeyd edilən məhsulların idxalı istiqamətində hazırda dövlət səviyyəsində müvafiq tədbirlər görülür”.

Şirkətimiz tərəfindən bu günkü vəziyyətdə Belarus və Gürcüstandan tədarük üçün lazımi addımları atmışıq. Bununla bağlı fəaliyyətimiz davam edir və müştərilərimizin məhsulla kifayət qədər təminatı üçün çevik şəkildə daim axtarışdayıq.

04.04.2022Digər
Ramazan ayında hansı qidalara üstünlük verilməlidir?

Ramazan düşüncə, özünü təkmilləşdirmə, xeyirxahlıq və mənəviyyat üçün xüsusi vaxtdır. Oruc tutmaq isə müqəddəs ayın əsas sütunlarından biridir. Orucun sağlamlığınıza və emosional rifahınıza göstərə biləcəyi müsbət təsirlərdən bəziləri bunlardır: “pis” xolesterinin tənzimlənməsi, iştahın cilovlanması, bir ay davam edən detoks və nəhayət, daha yaxşı əhval-ruhiyyə və zehni aydınlıq.

Mənəvi “təmizləmə” ilə yanaşı, oruc tutmaq həyat tərzinizə və həzm sisteminizə müsbət təkan verir. Bədəniniz daha az yeməyə alışdıqca, həzm sisteminiz “dincəlmək” imkanını qazanır və mədəniz tədricən kiçilir. Bu, iştahınızı azaldır və nəticələr bir çox dəbdə olan diyetlərdən daha uzun müddət davam edir.

Oruc tutduğunuz zaman bədən piyi ehtiyatlarınız istifadə olunur. Özünüzü məhdudlaşdırmaq həm də bədəninizi piy yataqlarında ola biləcək zərərli toksinlərdən təmizləyir. Başqa sözlə, bu bir aylıq əsaslı “təmir”dən sonra vücudunuz təbii şəkildə toksinlərdən xilas olunur.

Ramazan ayında sağlamlığınızı yaxşılaşdırmanın yolları

Ramazanın təbii faydaları ilə yanaşı, sağlam yanaşmanı özünüzün mənimsəməyi də vacibdir. Məsələn, iki-üç xurma və ilıq su ilə iftar etmək əsas yeməkdən əvvəl bədəninizə ani enerji qazandırır. Azərbaycan Qida Təhlükəsizliyi Agentliyi (AQTA) yanında İctimai Şuranın üzvü, tanınmış həkim-diyetoloq İlqar Şamilov iftar yeməyinə başlamaq ücün şorba tövsiyə edir:

“Əsas iftar yeməyi üçün yüngül şorba əla seçimdir, çünki uzun müddət ac qaldığımız üçün mədə-bağırsaq problemləri yaşamamağa və həzm prosesinin normal davam etməsinə kömək edir. Ağır, qaymaqlı və qızardılmış qidaların, həmçinin duzlu və ya şəkərli yeməklərin qəbulunu məhdudlaşdırmağa çalışın. Daha yağsız ət parçaları, tam taxıl və ya yeməklərə qarnir olaraq, qəhvəyi düyü, bulğur, qarabaşağı seçməyi, həmçinin tərəvəz və göyərtiləri də daxil etməyi unutmayın!”

Diyetoloq və qastroenteroloqlar yemək yeyərkən tələsməməyi və porsiyalarınızın həcminə nəzarət etməyi məsləhət görürlər. Oruc tutarkən sahur günün ən vacib yeməyi olmalıdır. Veysəloğlu Şirkətlər Qrupuna aid “Xonça” Fabrikinin İstehsalat direktoru, Milli Kulinariya Mərkəzinin üzvü, beynəlxalq dərəcəli jüri və qənnadıçı Rəhman Ələkbərov öz tövsiyələrini bölüşür:

“Sahurunuzu yulaf əzməsi, pendir ya süzmə, meyvə və tərəvəz kimi vitamin və minerallarla zəngin qidalarla balanslaşdırın. Yulaf, bulğur və tam taxıllı çörəklər, badımcan kürəsi və qatıq da daxil olmaqla, aşağı qlikemik indeksi olan bəzi qidalar yaxşı seçimdir, çünki gün ərzində enerjini yavaş-yavaş buraxır. Bol içməyi də unutmayın – su, süd, ayran. Ümumiyyətlə, su və ya şəkərsiz yüngül çay içməyi üstün tutun. Təmizlənmə və həzmə kömək etmək üçün limon dilimləri və ya təzə nanə də əlavə edə bilərsiniz”.

Ramazan həm də siqaret və ya şəkər aludəçiliyi kimi zərərli vərdişlərdən qurtulmaq üçün bir şansdır. Bir az özünüzə nəzarəti gücləndirməklə, siz oruc saatlarında və ondan sonra da asılılıqlarınızdan qorunmağa davam edə bilərsiniz.

18.03.2022Digər
Bayram süfrəsi üçün “Şah plov” və “Qarabağ kətəsi” neçəyə başa gələcək?

İqtisadçılar və analitiklər mürəkkəb iqtisadi məlumatları insanlara sadə dildə çatdırmaq üçün müxtəlif indekslər yaradırlar. Bu indekslər müəyyən dövrü əhatə edən göstəricilərin müqayisəsinə əsasən dəyişiklik dinamikasını ifadə edir. Yeri gəlmişkən, Şirkətlər Qrupumuzun hər ay dərc etdiyi “Veysəloğlu Pərakəndə İndeksi” marketlərimizdə ən yüksək alıcı tələbatı olan məhsullar üzrə qiymət dəyişikliklərini əks etdirir. İndeks artıq ölkəmizin aparıcı maliyyə təşkilatlarının marağına səbəb olub.

Sıravi alıcılara bu indekslərin faydası nədir?

Qiymətləri əks etdirən indekslər bütün istehlakçılar üçün maraqlıdır. Çünki həmin indekslər alıcılara lazım olan məhsulların qiymətlərində dəyişiklikləri izləməyə və öz ailə büdcələrini sistemli şəkildə idarə etməyə imkan yaradır. Müxtəlif ölkələrdə fərqli göstəricilər üzrə şərti indekslər mövcuddur. “Big Mac” indeksi, “Borş” və ya “Paytaxt salatı” indeksləri və sosial şəbəkələrdə populyarlıq qazanmış iqtisadçı Aleksandr Abramovun düşündüyü “Marmelad ayıları” kimi indekslər maraqla izlənilir.

Bizim Abramova “cavab”ımız

Biz də A.Abramovun təşəbbüsündən ilhamlanaraq Novruz bayramı ərəfəsində “Şah plov” və “Qarabağ kətəsi” şərti indekslərini hazırlamağı düşündük. Niyə bu indeksləri şərti adlandırırıq? Çünki bu rəqəmlər müəyyən dövrü əhatə edən müqayisəli göstəriciləri deyil, məhz bu Novruz ərəfəsində qrupumuza daxil olan marketlərdə məhsulların real qiymətlərini əks etdirir.

Şirkətimizin analitiki Fərid Nəbizadə bu təşəbbüsü belə şərh edir: “Hər bir Azərbaycan ailəsinin bayram axşamı süfrəsində plov və milli şirniyyat olur. Biz hesablamalar apardıq və belə bir nəticəyə gəldik ki, 4-5 nəfərlik ailə üçün plov 23,63 manata və “Qarabağ kətəsi” 9,04 manata başa gələcək. Bu rəqəmləri biz marketlərimizdə olan qiymətlərin təhlilinə əsasən əldə etdik”.

15.03.2022Digər
Qlobal qiymət artımı istehlakçılarımıza necə təsir edir?

15 mart dünyada İstehlakçı Hüquqlarının Müdafiəsi Günü kimi qeyd olunur. İstehlakçı kimi öz hüquqlarımızı bilmək və tələb etmək hər birimizin haqqıdır. Lakin istehlakçılar bu il həm qlobal miqyasda, həm də yerli bazarda qiymət artımı ilə qarşılaşdılar.

Qiymət artımı təkcə Azərbaycanda deyil, bütün dünyada baş verən qaçılmaz prosesdir. BMT-nin Ərzaq və Kənd Təsərrüfatı Təşkilatının məlumatına görə, dünyada ərzaq qiymətləri ötən 10 ildə ən yüksək həddə çatıb. Qiymət artımının əsas səbəbləri ekoloji dəyişikliklər, dünyanın müxtəlif bölgələrində siyasi və sosial qeyri-sabitlik, pandemiya şəraiti, artan yanacaq qiymətləri, logistika prosesinin bahalaşması və xammal qıtlığının yaranmasıdır.

Son iki il ərzində pandemiya nəticəsində tədarük zəncirləri və ticari münasibətlər əsaslı şəkildə sarsılıb. Fevralın sonundan başlayan Rusiya-Ukrayna münaqişəsi nəticəsində idxal-ixrac nəqliyyat xətlərinin sıradan çıxması, iqtisadi, o cümlədən kənd təsərrüfatı fəaliyyətinin dayandırılması həm bölgədə, həm də dünyada qiymətlərin artımına səbəb ola bilər.

Bu vəziyyət buğdanın qiymətinə də təsir edir. Çünki müharibədə tərəflər Avropada əsas taxıl ixracatçılarıdırlar və gələcəkdə regionun da taxılla təchizatda müəyyən çətinliklərlə üzləşməsi mümkündür. Hazırda buğdanın qiyməti son 14 ilin ən yüksək səviyyəsinə çatıb.

Bəs ölkəmizə bu, necə təsir edir?

Dünyadakı mövcud iqtisadi vəziyyət və regiondakı müharibə şəraiti qlobal iqtisadiyyata inteqrasiya etmiş Azərbaycana da təsirsiz ötüşməyib. Doğrudur, həm rəsmi statistika, həm də şirkətimizin dərc etdiyi “Veysəloğlu Pərakəndə İndeksi”nə nəzər salsaq, görərik ki, bazarda qiymətlər artır. Dünya ərzaq bazarlarında məhsulların qiymətlərində müşahidə olunan kəskin bahalaşmanın əhalinin alıcılıq qabiliyyətinə mənfi təsirini azaltmaq üçün dövlətimiz mümkün riskləri nəzarətdə saxlayaraq minimallaşdırmağa çalışır.

Biz də əhalini gündəlik istehlak malları ilə təmin edən qrup olaraq, istehlakçıların maraqlarının qorunmasında məsuliyyətimizi tam şəkildə anlayırıq. Onda sual yaranır ki, bəs biz öz satdığımız məhsulların qiymətlərinin kəskin artmaması məqsədilə hansı tədbirləri görə bilərik?

Biz nə edə bilərik?

İstehlak bazarında kəskin qiymət artımının qarşısını almaq üçün əvvəlcə xərclər optimallaşdırılır. Bu nə deməkdir? İlk növbədə logistika proseslərinin təkmilləşdirilməsi. Məsələn, nisbətən yaxın ərazilərə bir neçə yük maşını əvəzinə, bir irihəcmli yük maşını ilə çatdırılmanı həyata keçirir, beləliklə, yanacaq sərfiyyatına və vaxta qənaət edirik. Meyvə-tərəvəzi yerli fermerlərdən almağa üstünlük veririk. Kiçik sahibkarlarla çalışdığımız üçün “OBA” marketlər şəbəkəsində məhsulları mümkün olan aşağı qiymətə müştərilərə təqdim edirik. Üstəlik, partnyorlarla etibarlı və uzunmüddətli əməkdaşlıq münasibətləri sayəsində idxal olunan məhsulların qiymətinin marketlərimizdə imkan daxilində sabit saxlanılmasına çalışırıq.

Bu yaxınlarda yerli xəbər saytlarının birində bananın qiymətlərində artım ilə bağlı yazı dərc olunmuşdu. Bizə də bu mövzu ilə bağlı sorğu göndərilmişdi. Qrupumuza aid Meyvə-tərəvəz satınalma şirkətinin təmsilçisi Sərdar Ceylan bananın qiymətlərində artımın səbəblərini belə izah edir: “Fevral ayının əvvəlində dünyanın aparıcı banan ixracatçısı olan Ekvadorun özündə də bananın qiymətində artım oldu. Digər səbəblərdən biri də Gürcüstan limanına gələn banan daşıyan gəmilərdəki gecikmə idi. Bundan əlavə, nəqliyyat və konteyner qiymətlərində ötən ilin müvafiq dövrü ilə müqayisədə təxminən 25% qiymət artımı müşahidə olundu. Qiymətə təsir edən başqa amillər sırasında iqlim dəyişikliyi səbəbindən keyfiyyətli məhsulun tapılmasında yaranmış müəyyən çətinliklər var idi”.

Əlavə olaraq, deyə bilərik ki, bazardakı tələb-təklif nisbəti də qiyməti müəyyənləşdirən amillərdən biridir. Ərzaq istehsalçıları qıtlıq, logistikada yaranmış “darboğazlar”, habelə nəqliyyat, hava və əmək problemləri ilə rastlaşmalı oldular. Bütün bunlar ərzaq qiymətlərinin artmasına səbəb olur.

Burada biz nəyə diqqət edirik?

Marketlərimizdə qiymətləri tənzimləmək məqsədilə şirkətimiz vaxtaşırı olaraq rəflərin monitorinqini aparır. Burada bir neçə məqam nəzərə alınır: məhsulların rəflərdə düzülüşü, qiyməti, anbarda miqdarı. Həmçinin distribütor kimi xidmət göstərdiyimiz digər marketlərdə malların satış qiyməti ilə bağlı tədarükçülər ilə şifahi formada maarifləndirici söhbətlər aparırıq və tövsiyələr edirik.

Yuxarıda qeyd etdiyimiz “Veysəloğlu Pərakəndə İndeksi” marketlərimizdə qiymət dəyişikliklərini şəffaf şəkildə göstərmək məqsədilə ən yüksək alıcı tələbatı olan məhsullar üzrə göstəriciləri əks etdirir. İndeks artıq ölkəmizin aparıcı maliyyə təşkilatlarının marağına səbəb olub və ona görə biz bu indeksi hər ayın ilk ongünlüyündə ictimaiyyət və maliyyə qurumları ilə paylaşırıq.

10.03.2022Digər
Məhsul qiymətlərinin dəyişikliklərinə dair aylıq açıqlama verdik

Veysəloğlu Şirkətlər Qrupu ona aid marketlərdə ən yüksək alıcı tələbatı olan məhsullar üzrə 2022-ci il fevral ayının qiymət indeksini açıqlayıb.

“Veysəloğlu Pərakəndə İndeksi”nə görə, 2022-ci ilin fevral ayı üzrə müştərilərin ən çox aldığı məhsulların qiymətində keçən ilin fevral ayına nisbətən 12,6% artım müşahidə edilib. Belə ki, tez köhnələn qida məhsullarının qiymətində keçən ilin fevral ayına nisbətən 12,8% artım, quru, dondurulmuş qida məhsullarının, şirniyyat və spirtsiz içkilərin qiymətində 13,5% artım, spirtli içkilər və tütün məmulatlarının qiymətində isə 10,0% artım izlənilib.

“Veysəloğlu Pərakəndə İndeksi” müştərilərə aylıq məhsul alışı üçün büdcə planlamalarında dəstək məqsədini daşıyır. İndeks son 24 ay ərzində Şirkətlər Qrupunun müştərilərinin ən çox aldığı məhsulların ümumi qiymət səviyyəsinin dəyişməsini göstərərək 108,1% təşkil edib. Nəticə etibarilə nəzərdən keçirilən dövr ərzində ortalama 8,1% qiymət artımı müşahidə olunub. Qeyd edək ki, indeks inflyasiyanın göstəricisi deyil.

Veysəloğlu Şirkətlər Qrupu (VŞQ) istehsaldan distribusiyaya, logistikaya, supermarket şəbəkələri vasitəsilə müştərilərlə birbaşa qarşılıqlı əlaqəyə qədər tədarük zəncirinin müxtəlif sahələrini əhatə edən qabaqcıl və çoxşaxəli FMCG (gündəlik istehlak malları) qrupudur. VŞQ səmimiyyətlə inanır ki, qida təhlükəsizliyi və ərzaq təminatının davamlılığı təkcə ictimai müzakirələr üçün trend olan mövzular deyil, əksinə, ölkənin iqtisadi inkişafı üçün yeganə əlverişli yoldur.

“Veysəloğlu Pərakəndə İndeksi” nədir?

İndeks son 24 ay ərzində Şirkətlər Qrupunun müştərilərinin ən çox aldığı məhsulların ümumi qiymət səviyyəsinin dəyişməsini göstərir. Qeyd edək ki, indeks inflyasiyanın göstəricisi deyil.

“Veysəloğlu Pərakəndə İndeksi”nin hesablanmasında bu düsturdan istifadə olunur:

Veysəloğlu Pərakəndə İndeksi=(Cari dövr istehlak səbətinin qiyməti)/(Baza dövrü istehlak səbətinin qiyməti)×100%

Məsələn, təsəvvür edək ki, tipik bir istehlakçı (müştəri) hər ay 5 kq alma, 2 kq armud alır və onun ümumi istehlak (məhsul) səbəti yalnız bu məhsullardan ibarətdir. Bu ay almanın 1 kiloqramının qiyməti 1 manat, armudun 1 kiloqramının qiyməti isə 2 manatdır. Keçən ay isə 1 kq alma 0.98 manat, 1 kq armud isə 1.95 manat olub. Bu zaman “Veysəloğlu Pərakəndə İndeksi” belə hesablanacaq:

Veysəloğlu Pərakəndə İndeksi=(almanın çəkisi×almanın cari qiyməti+armudun çəkisi×armudun cari qiyməti)/(almanın çəkisi×almanın keçən aya olan qiyməti+armudun çəkisi×armudun keçən aya olan qiyməti)×100%

Beləliklə, Veysəloğlu Pərakəndə İndeksi aşağıdakı kimi hesablanacaq:

(5×1+2×2)/(5×0.98+2×1.95)×100%=102%

Nəticə etibarilə nəzərdən keçirilən dövr ərzində 2% qiymət artımı müşahidə olunur.

“Veysəloğlu Pərakəndə İndeksi” hər ay ictimaiyyət və maliyyə qurumları ilə paylaşılır. Şirkətlər Qrupu bu indekslə alıcılıq qabiliyyətinin ölçülməsinə və müştərilərin aylıq məhsul alışı üçün büdcə planlamalarına imkan verir.

02.03.2022Digər
SAP S/4HANA ilə bütün biznes proseslər bir sistemdə idarə olunacaq!

Azərbaycanın distribütorluq bazarının liderlərindən olan “Veysəloğlu” MMC istehsal və biznes proseslərini SAP S/4HANA platformasına keçirməklə fəaliyyətində rəqəmsallaşmanın rolunu əhəmiyyətli şəkildə artırdı!

Rəqəmsal layihə şirkətin logistika, daşınmaz əmlakın idarə edilməsi, satış və satınalma, istehsalat, insan resursları daxil olmaqla, bütün departamentlərini əhatə edir. Proqramın 24 modulunun eyni anda tətbiqi şirkətimizin bütün əməliyyat sistemlərinin etibarlı şəkildə işlədiyindən əmin olmağa, eləcə də biznesin aktiv şəkildə inkişaf etdiyini nəzərə almaqla, zəruri prosesləri tez və səmərəli şəkildə genişləndirməyə imkan verəcək.

SAP S/4HANA müəssisə resurslarının planlaşdırılması üzrə dünyada lider sistem olaraq ən uğurlu pərakəndəçilərin seçimidir. Bu proqram təminatından həm əməkdaşlarımız, həm biznes proseslərimiz, həm də şirkətimiz faydalanacaq. Beləliklə, bu biznes üçbucağında hər üç tərəf beynəlxalq təcrübəyə çıxış əldə edəcək. Həmçinin bütün biznes proseslər əvvəldən sona qədər bir sistemdə idarə olunacaq, bununla da “ucdan-uca” prinsipi ilə bütün proseslərin izlənilməsi mümkün olacaq.

Veysəloğlu Şirkətlər Qrupunun qarşısında dayanan əsas vəzifələrdən biri biznesin daha da inkişafı üçün yenilikləri tətbiq etməkdir və bu proses davamlı olaraq həyata keçiriləcəkdir. Bu yolda əməyi keçən bütün həmkarlarımıza təşəkkür edirik!

01.03.2022Təhsilə dəstək
Gənclərə dəstək veririk: 12 məktəbli tələbə olmaq arzusuna indi daha yaxındır

Veysəloğlu Şirkətlər Qrupu (VŞQ) yenidən “Gələcəyini Qur” təşəbbüsünə qoşularaq gənclərin bacarıq və biliklərini artırmaqla onların sosial inkişafı üçün imkanlar yaratmaqda davam edir. Bu layihə çərçivəsində Şirkətlər Qrupu aztəminatlı ailələrdən olan gənclərin universitetlərə hazırlaşmasına dəstək verir.

Layihə iştirakçıları 11-ci sinif şagirdlərini, eləcə də fiziki məhdudiyyəti olan və yaxud xüsusi qayğıya ehtiyacı olan orta məktəb məzunlarını əhatə edir. Dərslər vasitəsilə qəbul imtahanına hazırlıqları təşkil etmək və müxtəlif növ sosial fəaliyyətlərdə iştiraklarını təmin edərək cəmiyyətə inteqrasiyaya köməklik göstərmək “Gələcəyini Qur” layihəsinin əsas iki məqsədidir.

Bu ilki layihədə VŞQ Bakının Sabunçu rayonundan olan 12 şagirdə dəstək olacaqdır. Məktəblilərə universitetə hazırlıqla yanaşı, sağlam həyat tərzi ilə bağlı faydalı alışqanlıqların yaradılması da layihənin fəaliyyətinə daxildir. Veysəloğlu Şirkətlər Qrupunun ötən illər ərzində sponsorluq etməsi sayəsində Bakıda və regionlarda yaşayan 40-dan çox gənc ali məktəbə qəbul olmaq imkanından faydalanıb.

Korporativ Sosial Məsuliyyət siyasətində təhsilə dəstək istiqamətində bir çox faydalı layihədə yer alan Veysəloğlu Şirkətlər Qrupu növbəti illərdə də bu təşəbbüsü dəstəkləməyi planlayır.

19 minə yaxın insanın iş yeri olan Veysəloğlu Şirkətlər Qrupu istehsal, distribusiya, logistika, pərakəndə satış daxil olmaqla, tədarük zəncirinin müxtəlif sahələrini əhatə edir.

14.02.2022Digər
Məhsul qiymətlərinin dəyişikliklərinə dair aylıq açıqlama verdik

Veysəloğlu Şirkətlər Qrupu ona aid marketlərdə ən yüksək alıcı tələbatı olan məhsullar üzrə 2022-ci il yanvar ayının qiymət indeksini açıqlayıb.

“Veysəloğlu Pərakəndə İndeksi”nə görə, 2022-ci ilin yanvar ayı üzrə müştərilərin ən çox aldığı məhsulların qiymətində keçən ilin yanvar ayına nisbətən 12,8% artım müşahidə edilib. Belə ki, tez köhnələn qida məhsullarının qiymətində keçən ilin yanvar ayına nisbətən 14,8% artım, quru, dondurulmuş qida məhsullarının, şirniyyat və spirtsiz içkilərin qiymətində 12,8% artım, spirtli içkilər və tütün məmulatlarının qiymətində isə 9,3% artım izlənilib.

“Veysəloğlu Pərakəndə İndeksi” müştərilərə aylıq məhsul alışı üçün büdcə planlamalarında dəstək məqsədini daşıyır. İndeks son 24 ay ərzində Şirkətlər Qrupunun müştərilərinin ən çox aldığı məhsulların ümumi qiymət səviyyəsinin dəyişməsini göstərərək 107,2% təşkil edib. Nəticə etibarilə nəzərdən keçirilən dövr ərzində ortalama 7,2% qiymət artımı müşahidə olunub. Qeyd edək ki, indeks inflyasiyanın göstəricisi deyil.

Veysəloğlu Şirkətlər Qrupu (VŞQ) istehsaldan distribusiyaya, logistikaya, supermarket şəbəkələri vasitəsilə müştərilərlə birbaşa qarşılıqlı əlaqəyə qədər tədarük zəncirinin müxtəlif sahələrini əhatə edən qabaqcıl və çoxşaxəli FMCG (gündəlik istehlak malları) qrupudur. VŞQ səmimiyyətlə inanır ki, qida təhlükəsizliyi və ərzaq təminatının davamlılığı təkcə ictimai müzakirələr üçün dəbdə olan mövzular deyil, əksinə, ölkənin iqtisadi inkişafı üçün yeganə əlverişli yoldur.

“Veysəloğlu Pərakəndə İndeksi” nədir?

İndeks son 24 ay ərzində Şirkətlər Qrupunun müştərilərinin ən çox aldığı məhsulların ümumi qiymət səviyyəsinin dəyişməsini göstərir. Qeyd edək ki, indeks inflyasiyanın göstəricisi deyil.

“Veysəloğlu Pərakəndə İndeksi”nin hesablanmasında bu düsturdan istifadə olunur:

Veysəloğlu Pərakəndə İndeksi=(Cari dövr istehlak səbətinin qiyməti)/(Baza dövrü istehlak səbətinin qiyməti)×100%

Məsələn, təsəvvür edək ki, tipik bir istehlakçı (müştəri) hər ay 5 kq alma, 2 kq armud alır və onun ümumi istehlak (məhsul) səbəti yalnız bu məhsullardan ibarətdir. Bu ay almanın 1 kiloqramının qiyməti 1 manat, armudun 1 kiloqramının qiyməti isə 2 manatdır. Keçən ay isə 1 kq alma 0.98 manat, 1 kq armud isə 1.95 manat olub. Bu zaman “Veysəloğlu Pərakəndə İndeksi” belə hesablanacaq:

Veysəloğlu Pərakəndə İndeksi=(almanın çəkisi×almanın cari qiyməti+armudun çəkisi×armudun cari qiyməti)/(almanın çəkisi×almanın keçən aya olan qiyməti+armudun çəkisi×armudun keçən aya olan qiyməti)×100%

Beləliklə, Veysəloğlu Pərakəndə İndeksi aşağıdakı kimi hesablanacaq:

(5×1+2×2)/(5×0.98+2×1.95)×100%=102%

Nəticə etibarilə nəzərdən keçirilən dövr ərzində 2% qiymət artımı müşahidə olunur.

“Veysəloğlu Pərakəndə İndeksi” hər ay ictimaiyyət və maliyyə qurumları ilə paylaşılır. Şirkətlər Qrupu bu indekslə alıcılıq qabiliyyətinin ölçülməsinə və müştərilərin aylıq məhsul alışı üçün büdcə planlamalarına imkan verir.

08.02.2022Digər
“Tədarük zəncirinin davamlı inkişafda rolu düşündüyümüzdən qat-qat böyükdür” - MÜSAHİBƏ

“Ərzaq təhlükəsizliyinin təmin olunması üçün mükəmməl sistemlər kifayət etmir, ən yaxşı nəticələr ölkəsini və öz işini sevən insanlar sayəsində əldə olunur”

Həyatımızı davam etdirə bilməyimiz üçün ərzaq təhlükəsizliyinin hava, su qədər zəruri olduğu hamımıza aydındır. İqtisadiyyatdan bir az anlayanlara isə buna nail olmaq üçün tədarük zəncirinin əhəmiyyəti də aydındır. Bu maraqlı mövzuda bilmədiklərimizi eşitmək üçün tədarük zəncirinin müxtəlif sahələrini əhatə edən qabaqcıl və çoxşaxəli FMCG (gündəlik istehlak malları) qrup olan Veysəloğlu Şirkətlər Qrupuna (VŞQ) müraciət etdik.

Marja.az-ın müsahibi Şirkətlər Qrupunun ən dinamik və yenilikçi şirkətlərindən olan “AVT Logistika” MMC-nin İdarə Heyətinin sədri Co Daybeldir.

- Tədarük zəncirini bir ölkənin davamlı inkişafı ilə necə əlaqələndirə bilərsiniz? Məhz sizin biznesin bu inkişafdakı rolunu qısaca təsvir edə bilərsinizmi?

- Konkret danışmağı sevən biri olaraq, birbaşa mövzuya keçdiyiniz üçün sizə təşəkkür edirəm. Biz logistika biznesimizlə istehlakçılara seçim imkanı verməklə yanaşı, digər bizneslərin və eləcə də ölkə iqtisadiyyatının inkişafı üçün çalışırıq. Logistika həm də fərdi istehsalçılara onlar üçün əlçatan olan kiçik regionların hüdudlarına çıxmağa və ölkə üzrə bütün istehlakçılara məhsul təklif etməyə imkan yaradır. Biz 15,000-dən çox marketlə əməkdaşlıq edirik. Beləliklə, həm müştərilərimizi geniş çeşid və fərqli məhsullarla təmin edirik, həm də daha çox dükan açılmasına, icarə haqqı ödənilməsinə, tədarük zəncirinin iştirakçılarına daha çox gəlir əldə etməsinə və nəticədə vergi ödəməklə ölkənin inkişafına töhfə veririk. Əsas məqsədimiz davamlı təkmilləşmə ilə biznes tərəfdaşlarımızın xərclərini və yük maşınlarımız tərəfindən qət olunan məsafəni azaltmaqdır. Bu isə öz növbəsində məhsulun marketə çatdırılma xərcini azaldır, beləliklə, məhsulun satış qiyməti azalır və çatdırdığımız məhsul müştəri üçün daha əlçatan olur. Qət edilən məsafənin azaldılması həm də yanacaq sərfiyyatını azaldır, bununla da karbon qazının normadan çox olmaması və daha təmiz hava üçün çalışırıq. Təchizat zəncirinin effektiv idarə edilməsi istehlakçılar, bizneslər, daşınmaz əmlak sahibləri və ümumilikdə ölkə üçün böyük əhəmiyyət kəsb edir.

- Logistika anbarınız Cənubi Qafqazda ən böyük anbarları olaraq tanınır. Deyə bilərsinizmi, qida təhlükəsizliyini və yüksək standartlardan irəli gələn tələbləri necə təmin edə bilirsiniz və məhsulların qeydinə necə qalırsınız?

- Bölgənin ən böyük qapalı anbarını idarə etmək böyük məsuliyyətdir və buradakı proseslər saat kimi dəqiq işləməlidir. Qida təhlükəsizliyində əsas məsələ məhsulların düzgün temperatur və nisbi rütubətdə saxlanılmasıdır. Mərkəzimizdə məhsulların lazımi şəraitdə saxlanılması üçün xüsusi soyudulmuş korpuslar var: məsələn, meyvə və tərəvəzlər +15 dərəcə, donmuş qidalar -18 dərəcədə saxlanılır. Anbarımıza daxil olanda məhsulların düzgün temperaturda saxlanıldığından əmin olmaq məqsədilə davamlı olaraq yoxlamalar həyata keçirilir. Məhsul anbarımızdan çıxdıqdan sonra onun marketə yüksək keyfiyyətlə çatdırılması üçün məsuliyyət daşıyırıq. Belə ki, daşınmanı xüsusi soyuduculu yük maşınlarında həyata keçiririk. Biz həm də malların çeşidlənmə və anbarda saxlanılmasını düzgün təşkil edirik. Nümunə kimi deyə bilərəm ki, qida məhsulları ev üçün lazım olan digər mallardan, məsələn, təmizlik vasitələrindən ayrı saxlanılır. Biz istisnasız bütün təməl prinsiplərə ciddi yanaşır və bu sənayenin tələblərinə və təbii ki, məntiqi qaydalara əməl edirik. Artıq anladığınız kimi əsas işimiz məhsulların düzgün saxlanılmasını və marketlərə vaxtında və təhlükəsiz çatdırılmasını təmin etməkdir.

- Bəs haqqında çox danışılan ərzaq təhlükəsizliyi barədə nə deyə bilərsiniz? Xüsusilə də təchizat zəncirinin ciddi ziyan gördüyü koronavirus (COVID-19) pandemiyası dövründə hansı tədbirləri görmüşdünüz?

- Maraqlı məqama toxundunuz. Həqiqətən də, pandemiya sanki bütün dünyanı arxayınlıq yuxusundan ayıltdı və hər kəs bəzi sahələrin, xüsusi ilə tibb və qida sahəsinin vacibliyini daha yaxşı anlamağa başladı. Biz cəmiyyəti təmiz, sağlam, keyfiyyətli və münasib qiymətə qida ilə təmin etmək missiyamızın nə qədər böyük öhdəlik olduğunun fərqindəyik. Əvvəla deyim ki, biz məhsulun orijinal olduğuna əminlik üçün yalnız etibarlı tədarükçülərlə əməkdaşlıq edirik. Məsələn, ekspeditor beynəlxalq tədarükçüdürsə, bu şəxsin rəsmi nümayəndə olması ilə bağlı istehsalçıdan təminat alırıq. Ciddi şəkildə etibarlılığın qeydinə qalırıq və beləliklə, müştərimizin narahatlığına səbəb yaranmamasına nail oluruq. Pandemiya dövründə biz müştərilərimizin ehtiyaclarını davamlı olaraq təmin edə bilmək üçün zəruri malları əlavə tədarük etməklə ehtiyat tədbirləri gördük. Öhdəlik götürdük ki, hətta təchizat zənciri tam pozulsa belə, müştərilərimizin çətinlik çəkməməsi və zəruri mallarla təchiz olunması üçün 4 aylıq ehtiyatımız olsun. Ən ekstremal vəziyyətlərdə ehtiyaclarımızı proqnoz edən ağıllı alqoritmlərimiz var, beləliklə, tədarükçü mövsümdən asılı olaraq fəaliyyətini dayandırsa belə, müştərilərimizi təmin etmək üçün kifayət qədər ərzaq ehtiyatımız var.

- Logistika və təchizat bazar qiymətlərinə təsir gücü olan kifayət qədər bahalı əməliyyatlardır. Bütün bunlar adi müştərini əsas maraqlandıran məsələ olan pul üçün yaxşı dəyər yaratmaq qabiliyyətinizə təsir göstərirmi?

- Doğrudur, logistika bahalı əməliyyatdır və eyni zamanda uzunmüddətli strategiya hazırlamaq üçün biznesin uzaqgörən liderə ehtiyacı var. Bəzi logistika binaları 40 il və ya daha çox müddətdə fəaliyyət göstərir. Ərazinin sahəsi, binanın forması və ölkədəki coğrafi yerləşməsini təyin etmək üçün bazarı anlamaq və məqsədləri düzgün təyin etmək lazımdır. Təbii ki, mərkəzləşdirilmiş logistika və təchizat hər bir dükana ayrıca bir tədarükçünün mal çatdırmasından daha ucuz başa gəlir. Çünki mərkəzləşdirilmiş yanaşma əslində yerli və regional məhsulları istehlakçılara daha yaxşı qiymətə təklif edə bilmək imkanı verir. Hər şeydən əlavə, mərkəzləşdirilmiş biznes yollardakı yük avtomobillərinin sayını azaldır, bu isə nəqliyyatın daha az sıxlığı və şəhərlərimizdə daha təmiz hava deməkdir.

- Davamlılıq dedikdə əksəriyyət yenidən emal haqqında danışır. Siz də bu fəaliyyət istiqamətini şirkətinizin əməliyyatlarında nəzərə alırsınızmı?

- Haqlısınız, yenidən emal davamlılıq üçün əsas şərtlərdən biridir. Belə ki, tullantılardan düzgün yararlanmaqla xərclərin effektiv idarə olunmasına və ətraf mühitə zərərin azaldılmasına nail olmaq mümkündür. Biz distribusiya mərkəzimizdə plastmas, karton tullantıları və taxta paletlərin yenidən emalını da proseslərimizə daxil etmişik. Hətta qutu alınmasını azaltmaq və növbəti illərdə digər bizneslərə təklif etmək üçün dəfələrlə istifadə oluna bilən plastmas konteynerlər hazırlamaq üzrəyik. Biz həm də bir sıra yük maşınımızda yenidən emal edilmiş təkərlərdən istifadə haqqında düşünürük. Plastmas və kartondan istifadəni azaltmağa yönəlmiş təşəbbüslər üzərində çalışır və inkişafa nail olmaq üçün avtomatlaşdırılmış həlləri araşdırırıq. Mərkəzləşdirilmiş təchizat zənciri modeli bir çox tədarükçünün sifarişlərini bir dəfəyə çatdırmada birləşdirə bilir və buna görə də bu model birbaşa dükana modelindən daha effektivdir.

- Əməliyyatlarınızın daha effektiv olması və fiziki əməyin azaldılması üçün hansı addımları atırsınız?

- “Daha effektiv olmaq üçün nə edirik?” – bu, hər zaman özümüzə verdiyimiz çox yaxşı suallardandır. Əslində biz, logistika sahəsinin adamları, hər saatımızı daha effektiv ola bilmək ilə bağlı fikirləşərək keçiririk. Biz skan maşınları ilə kağızsız sifariş qəbulunu həyata keçiririk və hətta səs əmrləri vasitəsilə sifarişlərin toplanılması imkanları haqqında araşdırma aparırıq. Düşünürük ki, hər bir sifarişin alınması bir neçə saniyə təşkil etməlidir ki, nəticədə müştəri üçün dəyər yaradaraq onun vaxtına qənaət edilsin. Biz yollarda daha çox avtomobil olmasının qarşısını almaq üçün daha böyük yük avtomobillərinə sərmayə yatırırıq. Geri qayıdarkən tədarükçülərdən məhsulların alınması və proqnoz alqoritmimizdən istifadə edərək tələbin daha yaxşı proqnozlaşdırılması və anbarda bütün məhsulların ehtiyatının saxlanılması da planlarımıza daxildir. Biz çatdırmanı sürətlə və sadə proseslə həyata keçirə bilmək üçün “ağıllı kilid” texnologiyasına investisiya yatırmışıq, bu texnologiya imkan verir ki, yük maşını mağazaya yaxınlaşanda GPS və radar texnologiyasından istifadə ilə mağazanın anbar qapısı açılsın və bağlansın, bunun üçün orada hər hansı bir mağaza əməkdaşının olmasına ehtiyac yoxdur. Bu proses səmərəliliyi artırır, belə ki, daşımalar gecə saatlarında həyata keçirilərək nəqliyyat vasitələrimiz tıxacda vaxt itirmir və eyni zamanda o saatlarda mağaza əməkdaşlarının işdə olmasına ehtiyac qalmır.

Biz əməkdaşlarımızı dinləyir, sistemlərimizi onların ideya və təkliflərinə uyğun çalışdırırıq, bütün prosesin daha asan, daha məntiqli və daha effektiv olmasına belə nail oluruq. Nəticə etibarilə bu fərqi yaradan yalnız alqoritmlər və avadanlıqlar deyil, əsasən insanlardır. Son bir neçə ildə biz 2000-dən çox iş yeri yaratmışıq. Qeyd edim ki, hazırda rəhbər vəzifələrdə çalışan insanların əksəriyyəti sahədə sifariş toplayan olaraq işə başlamış və hazırda menecer kimi fəaliyyət göstərən əməkdaşlardır. Yəni biz insanları yalnız işlə təmin etmirik, həm də onların karyera qurmasına şərait yaradırıq.

- Əməkdaşlarınızın peşəkar inkişafı, sağlamlığı və təhlükəsizliyi ilə bağlı hansı təşəbbüsləriniz var?

- İnsanlar bizim ən dəyərli aktivlərimizdir. Bu baxımdan həm əməkdaşlarımızın, həm də tərəfdaşlarımızın təhlükəsizliyi bizim üçün böyük əhəmiyyət kəsb edir. Distribusiya mərkəzlərimizdəki komandalar SƏTƏM təlimləri keçmiş, təhlükəsizlik geyimləri ilə təmin olunmuşlar və bu prosesə ciddi nəzarət olunur. Biz elə korporativ mədəniyyət yaratmışıq ki, hansısa potensial təhlükənin dəyərləndirilməsi və qarşısının alınması üçün hər kəs öz peşəkar rəyini açıq şəkildə ifadə etməyə dəvət olunur. Yeri gəlmişkən, bütün yük avtomobillərimizə GPS vasitəsilə nəzarət olunur, beləliklə, yalnız onların harada olduqlarını deyil, sürət və avtomobilin keyfiyyətli idarə edilməsini də izləyirik. Bununla da həm sürücülərin, həm də ümumi ictimaiyyətin təhlükəsizliyini təmin etmiş oluruq. Menecerlərimiz və rəhbər heyətimiz səriştəli kadrlardan ibarətdir, onlar yalnız hər kəsin işini icra etməsi və təhlükəsizliyi üçün çalışmır, həm də öz davamçılarının yetişdirilməsi üzərində işləyirlər. Nümunə üçün deyim ki, biz “Fəhlədən Mütəxəssisə” adlı bir proqram hazırlamışıq və burada məqsəd sıravi heyətin bacarıq və təcrübəsini artıraraq menecer vəzifələrinə yüksəldilməsidir. Biz həmçinin rəhbərlərin gələcəkdə daha güclü liderlərə çevrilməsini təmin etmək kompleks qiymətləndirmə sistemini (“scorecard”) tətbiq edirik. Əməkdaşlarımızı düşünməyə dəvət etmək üçün müxtəlif mövzularda təlimlər keçiririk. Bu yaxınlarda dünyanın ən böyük təchizat zəncirlərindən olan “Amazon modeli” barəsində düşündürücü söhbət formatında təlim təşkil edilmişdi. Biz “Amazon” və digər bu kimi uğurlu şirkətlərdən nələri öyrənə biləcəyimiz və Azərbaycanda hansı təcrübələri tətbiq edə biləcəyimiz haqqında davamlı olaraq fikir mübadilələri aparırıq.

Hər açılan sabah bizə bu və ya digər sahədə daha effektiv olmaq üçün şans yaradır. Bütün bu sınaqlarla dolu prosesdə xüsusi əzmlə çalışan komandamızın zəhmətini hər zaman dəyərləndirməyə çalışırıq.

- Müsahibə üçün təşəkkür edirik.

18.01.2022Digər
Məhsul qiymətlərində illik dəyişiklikləri açıqladıq

Veysəloğlu Şirkətlər Qrupu ən yüksək alıcı tələbatı olan məhsulların 2021-ci il üzrə qiymət indeksini açıqlayıb.

“Veysəloğlu Pərakəndə İndeksi”nə görə, məhsulların qiymətində 2020-ci ilin yanvar-dekabr aylarına nisbətən 2021-ci ilin yanvar-dekabr aylarında orta hesabla 6,3% artım müşahidə olunub.

“Veysəloğlu Pərakəndə İndeksi” nədir?

İndeks son 24 ay ərzində Şirkətlər Qrupunun müştərilərinin ən çox aldığı məhsulların ümumi qiymət səviyyəsinin dəyişməsini göstərir.

“Veysəloğlu Pərakəndə İndeksi”nin hesablanmasında bu düsturdan istifadə olunur:

Veysəloğlu Pərakəndə İndeksi=(Cari dövr istehlak səbətinin qiyməti)/(Baza dövrü istehlak səbətinin qiyməti)×100%

Məsələn, təsəvvür edək ki, tipik bir istehlakçı (müştəri) hər ay 5 kq alma, 2 kq armud alır və onun ümumi istehlak (məhsul) səbəti yalnız bu məhsullardan ibarətdir. Bu ay almanın 1 kiloqramının qiyməti 1 manat, armudun 1 kiloqramının qiyməti isə 2 manatdır. Keçən ay isə 1 kq alma 0.98 manat, 1 kq armud isə 1.95 manat olub. Bu zaman “Veysəloğlu Pərakəndə İndeksi” belə hesablanacaq:

Veysəloğlu Pərakəndə İndeksi=(almanın çəkisi×almanın cari qiyməti+armudun çəkisi×armudun cari qiyməti)/(almanın çəkisi×almanın keçən aya olan qiyməti+armudun çəkisi×armudun keçən aya olan qiyməti)×100%

Beləliklə, Veysəloğlu Pərakəndə İndeksi aşağıdakı kimi hesablanacaq:

(5×1+2×2)/(5×0.98+2×1.95)×100%=102%

“Veysəloğlu Pərakəndə İndeksi” hər ayın 6-cı iş günü ictimaiyyət və maliyyə qurumları ilə paylaşılır. Şirkətlər Qrupu bu indekslə alıcılıq qabiliyyətinin ölçülməsinə və müştərilərin aylıq məhsul alışı üçün büdcə planlamalarına imkan verir.

Veysəloğlu Şirkətlər Qrupu (VŞQ) istehsaldan distribusiyaya, logistikaya, supermarket şəbəkələri vasitəsilə müştərilərlə birbaşa qarşılıqlı əlaqəyə qədər tədarük zəncirinin müxtəlif sahələrini əhatə edən qabaqcıl və çoxşaxəli FMCG (gündəlik istehlak malları) qrupudur. VŞQ səmimiyyətlə inanır ki, qida təhlükəsizliyi və ərzaq təminatının davamlılığı təkcə ictimai müzakirələr üçün dəbdə olan mövzular deyil, əksinə, ölkənin iqtisadi inkişafı üçün yeganə əlverişli yoldur.

12.01.2022Digər
Məhsul qiymətlərində aylıq dəyişiklikləri açıqladıq

Veysəloğlu Şirkətlər Qrupu ən yüksək alıcı tələbatı olan məhsulların 2021-ci il dekabr ayı üzrə qiymət indeksini açıqlayıb.

İndeks son 24 ay ərzində Şirkətlər Qrupunun müştərilərinin ən çox aldığı məhsulların ümumi qiymət səviyyəsinin dəyişməsini göstərib.

“Veysəloğlu Pərakəndə İndeksi” 2021-ci ilin dekabr ayı üzrə 106,3% təşkil edib. Bu o deməkdir ki, müştərilərin ən çox aldığı məhsulların qiymətində orta hesabla 6,3% artım müşahidə edilib. İndeksə əsasən, tez köhnələn qida məhsullarının qiymətində orta hesabla 4% artım, quru, dondurulmuş qida məhsullarının, şirniyyat və spirtsiz içkilərin qiymətində 8,5% artım, spirtli içkilər və tütün məmulatlarının qiymətində isə 6,9% artım izlənilib.

“Veysəloğlu Pərakəndə İndeksi” müştərilərə aylıq məhsul alışı üçün büdcə planlamalarında dəstək məqsədini daşıyır.

Veysəloğlu Şirkətlər Qrupu (VŞQ) istehsaldan distribusiyaya, logistikaya, supermarket şəbəkələri vasitəsilə müştərilərlə birbaşa qarşılıqlı əlaqəyə qədər tədarük zəncirinin müxtəlif sahələrini əhatə edən qabaqcıl və çoxşaxəli FMCG (gündəlik istehlak malları) qrupudur. VŞQ səmimiyyətlə inanır ki, qida təhlükəsizliyi və ərzaq təminatının davamlılığı təkcə ictimai müzakirələr üçün dəbdə olan mövzular deyil, əksinə, ölkənin iqtisadi inkişafı üçün yeganə əlverişli yoldur.

“Veysəloğlu Pərakəndə İndeksi” nədir?

İndeks son 24 ay ərzində Şirkətlər Qrupunun müştərilərinin ən çox aldığı məhsulların ümumi qiymət səviyyəsinin dəyişməsini göstərir.

“Veysəloğlu Pərakəndə İndeksi”nin hesablanmasında bu düsturdan istifadə olunur:

Veysəloğlu Pərakəndə İndeksi=(Cari dövr istehlak səbətinin qiyməti)/(Baza dövrü istehlak səbətinin qiyməti)×100%

Məsələn, təsəvvür edək ki, tipik bir istehlakçı (müştəri) hər ay 5 kq alma, 2 kq armud alır və onun ümumi istehlak (məhsul) səbəti yalnız bu məhsullardan ibarətdir. Bu ay almanın 1 kiloqramının qiyməti 1 manat, armudun 1 kiloqramının qiyməti isə 2 manatdır. Keçən ay isə 1 kq alma 0.98 manat, 1 kq armud isə 1.95 manat olub. Bu zaman “Veysəloğlu Pərakəndə İndeksi” belə hesablanacaq:

Veysəloğlu Pərakəndə İndeksi=(almanın çəkisi×almanın cari qiyməti+armudun çəkisi×armudun cari qiyməti)/(almanın çəkisi×almanın keçən aya olan qiyməti+armudun çəkisi×armudun keçən aya olan qiyməti)×100%

Beləliklə, Veysəloğlu Pərakəndə İndeksi aşağıdakı kimi hesablanacaq:

(5×1+2×2)/(5×0.98+2×1.95)×100%=102%

“Veysəloğlu Pərakəndə İndeksi” hər ayın 6-cı iş günü ictimaiyyət və maliyyə qurumları ilə paylaşılır. Şirkətlər Qrupu bu indekslə alıcılıq qabiliyyətinin ölçülməsinə və müştərilərin aylıq məhsul alışı üçün büdcə planlamalarına imkan verir.

10.01.2022Təhsilə dəstək
Daha 13 gənc Şirkətlər Qrupumuzda işlə təmin olundu

“Veysəloğlu ilə İlk Addım” (“VİA”) təcrübə proqramını uğurla başa vuran gənclər şirkətin müxtəlif bizneslərində karyera seçimi əldə ediblər.

Bu, Veysəloğlu Şirkətlər Qrupu tərəfindən gənclərin peşəkar və fərdi inkişafına dəstək məqsədilə həyata keçirilən “VİA” layihəsinin üçüncü buraxılışıdır. Proqrama bu il universitet təhsilini yenicə tamamlamış 142 məzun müraciət edib, müsahibə əsasında onların sırasından universitetə giriş balı və qiymət ortalama balı (GPA) yüksək olan 13 nəfər layihədə iştirak şansını qazanıb.

Proqram ərzində iştirakçılar Şirkətlər Qrupu və qrupa daxil olan şirkətlərin (“Veysəloğlu” MMC, “Araz” supermarketlər şəbəkəsi, “OBA” marketlər şəbəkəsi, “Ulduz” Şokolad Fabriki, “AVT LOGİSTİKA” MMC, “Xonça” Fabriki) strukturlarında təcrübə qazanıb, iş prosesi ilə yaxından tanış olub, təlimlərə cəlb ediliblər. Eyni zamanda Şirkətlər Qrupunun Mərkəzi Kitabxanasında 40-a yaxın kitab oxuyaraq dünyagörüşlərini zənginləşdiriblər.

Təcrübə, öyrənmə, inkişaf və dəyərləndirməni əhatə edən 5 aylıq layihə müddətində gənclər həm də ilk əməkhaqqılarını qazanıblar. Layihənin sonunda iştirakçılara topdansatış/distribusiya, pərakəndə, istehsalat, logistika sahələri üzrə çalışmaq istədikləri strukturu seçmək imkanı verilib.

“Veysəloğlu ilə İlk Addım” təcrübə proqramının 3-cü buraxılışından olan video ilə burada tanış ola bilərsiniz: https://www.youtube.com/watch?v=bRpGoqjdoBg

Veysəloğlu Şirkətlər Qrupu (VŞQ) istehsaldan distribusiyaya, logistikaya, supermarket şəbəkələri vasitəsilə müştərilərlə birbaşa qarşılıqlı əlaqəyə qədər tədarük zəncirinin müxtəlif sahələrini əhatə edən qabaqcıl və çoxşaxəli FMCG (gündəlik istehlak malları) qrupudur. Bu gün 18 mindən çox əməkdaş sayı ilə Azərbaycanın ən iri iş yeri imkanı yaradan qurumlarından olan VŞQ-nin əsas vəzifələrindən biri də əmək bazarının tələblərinə uyğun gənc kadrlar yetişdirmək və məzunları məşğulluqla təmin etməkdir.

24.12.2021Digər
“Xonçadan süfrələrə ləzzət” – qida sağlamlığınızı düşünən milli brend

Gələcək nəslin inkişafı birbaşa onun sağlam qidalanmasından asılıdır. İnsanlar sağlam və fəal həyat tərzi keçirmək üçün istənilən vaxt kifayət miqdarda keyfiyyətli qida əldə edərsə, qida təhlükəsizliyi təmin olunmuş sayılar.

Əhaliyə təhlükəsiz və etibarlı qida məhsulları təqdim edən Veysəloğlu Şirkətlər Qrupunun əsas missiyası da budur: cəmiyyəti təmiz, sağlam və keyfiyyətli, eyni zamanda münasib qiymətə gündəlik istehlak malları ilə təmin etmək! Bu missiyadan çıxış edərək 2016-cı ildə yaradılan “Xonça” Fabriki sayəsində marketlərdəki satış sahələrində standart keyfiyyət və gigiyena təmin olunub. Belə ki, un məmulatları artıq marketlər daxilində deyil, yalnız mərkəzləşmiş qaydada donmuş və bişmiş məhsul şəklində istehsal edilir.

Şirniyyat və un məmulatlarının istehsalı, ət istehsalı və keytrinq xidməti əsas fəaliyyət istiqamətlərimizdir

Azərbaycan bazarında milli brendə çevrilən “Xonça” Fabrikində müxtəlif növ ətirli çörəklər, bulkalar, Şərq və Avropa mətbəxinə məxsus tort və şirniyyatlar original reseptlərlə hazırlanır. Uşaqlığımızı xatırladan “Abşeron” və “Nağıl” tortları buna ən gözəl nümunədir.

Paketli hazır məhsullarla süfrələrə ləzzət gətirən “Xonça” həm də ölkə bazarında qlütensiz və “Milföy” məhsullarını istehsal edən ilk müəssisələrdəndir. Fabrikin peşəkar mütəxəssisləri tərəfindən xüsusi resept və texnologiya ilə hazırlanan, zərif dada malik şirniyyatlar “Araz” və “Spar” supermarketlər şəbəkəsinin mağazalarında müştərilərə təqdim olunur.

“Xonça” Fabrikinin digər önəmli fəaliyyət istiqaməti yalnız yerli cins heyvanların ətindən istifadə etməklə həyata keçirilən ət emalıdır.

Heyvanların qəbulu zamanı dana əti cəmdəyinin maksimal xalis çəkisinin 210 kiloqram, qoyun əti cəmdəyinin isə 18 kiloqrama qədər olmasına diqqət edilir. Təzə ət emal olunaraq “Araz” və “Spar” supermarketlər şəbəkəsinin mağazalarında satışa çıxarılır.

“Xonça” hazırda 10 şirkətə korporativ keytrinq xidməti göstərir. Fabrik həm yerində istehsal və xidmət, həm də termoboks və birnəfərlik qablarda çatdırılma edir.

Sadəcə Abşeron rayonunun Məhəmmədi ərazisindəki mətbəx gündəlik 10.000 porsiya yemək hazırlamaq potensialına malikdir.

Məqsədimiz əhalini qida və ərzaq təhlükəsizliyi ilə təmin etməkdir

İstər inqrediyentlər, onların saxlanma və istifadə şərtləri, istərsə də yeməyin hazırlanması daxili Keyfiyyətə nəzarət departamenti tərəfindən daima yoxlanılır və hər gün Azərbaycan Respublikasının Qida Təhlükəsizliyi Agentliyinə nümunələr təqdim edilir.

“Xonça” Fabrikinin İstehsalat Departamentinin müdiri Rəhman Ələkbərov həm də beynəlxalq dərəcəli jüri, beynəlxalq dərəcəli usta, Milli Kulinariya Mərkəzinin üzvüdür. O, “Süfrə” jurnalına gözlənilən yeniliklərlə bağlı maraqlı məqamları açıqladı: “Hazırda “Xonça” Fabrikinin illik ümumi istehsal həcmi 8.000 tondur. 2022-ci ildə istehsal və satış dövriyyəsinin 60% artırılması nəzərdə tutulur. Bundan əlavə, növbəti ildə yeni texnologiyalardan istifadə və yeni sərmayələrin qoyuluşu planlaşdırılır. Fabrikimizdə yarı-bişmiş donmuş və tam bişmiş donmuş texnologiyalar tətbiq olunacaq ki, bu da marketlərdə müştərilərimizə məhsulları tam çeşidlə, qısa zaman ərzində, daha çevik və isti-isti çatdırmaq imkanı yaradacaq”.

Məhsulların hazırlanmasında keyfiyyətli xammal və inqrediyentlərdən istifadəsi və mövcud imkanları hesabına “Xonça” Fabriki əhalinin qida və ərzaq təhlükəsizliyi ilə təminatına öz töhfəsini verir.

20.12.2021Vətənsevərlik
“YAŞAT” Fonduna 30.000 AZN ianə etdik

Veysəloğlu Şirkətlər Qrupu vətən uğrunda yaralananların və şəhid ailələrinin təminatına dəstək məqsədilə yaradılmış “YAŞAT” Fonduna 30.000 manat ianə edib. İanə Veysəloğlu Şirkətlər QrupuAzərbaycan Rəssamlar İttifaqının təşkilatçılığı, “YAŞAT” Fondunun tərəfdaşlığı ilə keçirilən “Qayıdış” Qəhrəmanlara Dəstək sərgisindən əldə edilib.

Sərgidə müxtəlif mövzuları əhatə edən 50-yə yaxın əsər nümayiş olunub. Əsərlərin satışından əldə edilən gəlirin 30 faizi rəsm əsərlərinin müəlliflərinin hesabına köçürülüb. Ziyarətçilərin ən çox marağını cəlb edən əsərlərin müəlliflərinə (Röya Həsənova, Təranə Seyid və Nəzrin Xələfova) diplomlar təqdim edilib.

Qeyd edək ki, 44 günlük Vətən müharibəsi dövründə Şirkətlər Qrupu tərəfindən Silahlı Qüvvələrə Yardım Fonduna və “YAŞAT” Fonduna ümumilikdə 2 milyon AZN vəsait köçürülüb. Bundan əlavə, qrupa daxil olan şirkətlər (“Veysəloğlu” MMC, “Araz” supermarketlər şəbəkəsi, “OBA” marketlər şəbəkəsi, “Ulduz” Şokolad Fabriki, “AVT LOGİSTİKA” MMC, “V-Trade” şirkəti, “VG” şirkəti, “Vesta-Horeca” şirkəti, “Xonça” Fabriki) tərəfindən müdafiə xarakterli obyektlərin möhkəmləndirilməsi üçün texnika və vasitələr hərbi hissələrə və müvafiq dövlət strukturlarına təhvil verilib.

12.11.2021Vətənsevərlik
“Qayıdış” Qəhrəmanlara Dəstək sərgisini təşkil etdik

Veysəloğlu Şirkətlər Qrupu və Azərbaycan Rəssamlar İttifaqının təşkilatçılığı, “YAŞAT” Fondunun tərəfdaşlığı ilə 5-11 noyabr tarixlərində “Qayıdış” adlı Qəhrəmanlara Dəstək sərgisi keçirildi. Zəfər Gününə həsr edilən sərgidə millət vəkilləri, ictimai xadimlər, əməkdar rəssamlar, sənətşünaslar və kütləvi informasiya vasitələrinin nümayəndələri iştirak etdilər.

Tədbir başlamazdan əvvəl böyük zəfəri xalqımıza yaşadan şəhidlərimizin ruhu 1 dəqiqəlik sükutla anıldı. Giriş sözü ilə çıxış edən Şirkətlər Qrupunun Müşahidə Şurasının sədri Aydın Talıbov, Azərbaycan Respublikasının xalq rəssamı, Azərbaycan Rəssamlar İttifaqının sədri Fərhad Xəlilov və Fondun rəhbəri, Qarabağ qazisi Elvin Hüseynov bu tarixi günün əhəmiyyətindən və sərginin keçirilmə məqsədindən söhbət açdılar. Bildirildi ki, qəhrəmanlar və onların ailələrinə dəstək olmaq məqsədi ilə təşkil edilən bu sərgiyə qısa zaman kəsiyində 100-dən artıq müraciət olunub, 50-yə yaxın əsər nümayiş üçün qəbul edilib.

Sərgidən əldə edilən gəlirin 70 faizinin “YAŞAT” Fondunun, 30 faizinin isə rəsm əsərlərinin müəlliflərinin hesabına köçürülməsi nəzərdə tutulub.

Sərgi günlərində müxtəlif mövzuları əhatə edən rəsm əsərləri ilə yaxından tanış olan ziyarətçilər bəyəndikləri əsərləri alaraq Azərbaycanın ərazi bütövlüyü uğrunda canından keçmiş və mübarizə aparmış qəhrəmanlara və onların ailələrinə dəstəyi ifadə etmiş oldular. Sərgi çərçivəsində rəssamlar arasında müsabiqə keçirildi və qaliblərə hər üç təşkilatın imzası olan diplomlar təqdim edildi.

05.10.2021Digər
Sentyabr ayı üzrə Pərakəndə İndeksini açıqladıq

Müştərilərimizin çox satın aldığı 4317 adda məhsulu nəzərə alaraq hazırladığımız aylıq pərakəndə satış indeksini növbəti ayın 6-cı iş günü ictimaiyyət və maliyyə qurumları ilə paylaşırıq. Bu siyahıya təzə qida (qısamüddətli istifadəyə yararlı istehlak məhsulları), qida və spirtsiz içkilər, həmçinin spirtli içkilər və tütün məmulatları daxildir. İndeksin hesablanması zamanı hər kateqoriyaya satış miqdarlarına görə ağırlıq verilir. Nəticədə məhsulların orta illik və aylıq qiymət dəyişikliyi tempini izləmək mümkün olur.

“Veysəloğlu Pərakəndə İndeksi”nə daxil edilən məhsulların qiymətində 2021-ci ilin sentyabr ayında 2020-ci ilin sentyabr ayı ilə müqayisədə 7,7% artım müşahidə edilir. Belə ki, cari ilin sentyabr ayında ötən ilin sentyabr ayı ilə müqayisədə təzə qida məhsullarında (qısa müddətli istifadəyə yararlı istehlak məhsulları) 6,7%, qida və spirtsiz içkilərdə 9,5%, alkoqol və tütün məmulatlarında isə 5,8% artım olub.

27 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu topdansatış/distribusiya, pərakəndə, istehsalat, logistika sahələrində fəaliyyət göstərir. Bu gün Veysəloğlu Şirkətlər Qrupu 17 mindən çox  əməkdaş sayı ilə Azərbaycanın ən iri iş yeri imkanı yaradan qurumlarından biridir.

01.10.2021Digər
Əmək bazarının tələblərinə uyğun gənc kadrlar yetişdiririk

“Veysəloğlu ilə İlk Addım-3” (“VİA”) təcrübə proqramı çərçivəsində iştirakçılar müxtəlif bizneslərdə təcrübələrini davam etdirirlər. Layihənin əsas məqsədi gənclərin universitetlərdə öyrəndikləri nəzəri bilikləri real iş şəraitində tətbiq etmələrinə imkan yaradaraq müasir əmək bazarının tələblərinə uyğun gənc kadrların yetişdirilməsinə dəstək olmaqdır.

Təcrübəçilər Veysəloğlu Şirkətlər Qrupuna daxil olan “Veysəloğlu” MMC, “ARAZ” supermarketlər şəbəkəsi, “OBA” marketlər şəbəkəsi, “Ulduz” Şokolad Fabriki “Xonça” Şirniyyat Evi və “AVT Logistika” MMC şirkətlərində iş prosesi ilə yaxından tanış olublar.

Gənclər təcrübə zamanı pərakəndə sektorun fəaliyyəti, istehsalatın satış, marketinq və planlama, məhsulun hazırlanmasından müştəriyə çatdırılmasına qədərki prosesi yaxından izləyə biliblər.

5 ay davam edəcək proqram müddətində onlar Şirkətlər Qrupu və Qrupa daxil olan şirkətlərin ofislərində, mağazalarında və sahədə təcrübələrini davam etdirir, texniki və qeyri-texniki bacarıqlarını artıra biləcəkləri təlimlərə cəlb edilirlər. Sonda layihə iştirakçılarına çalışmaq istədikləri strukturu seçmək imkanı verilir.

27 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu topdansatış/distribusiya, pərakəndə, istehsalat, logistika sahələrində fəaliyyət göstərir. Bu gün Veysəloğlu Şirkətlər Qrupu 17 mindən çox əməkdaş sayı ilə Azərbaycanın ən iri iş yeri imkanı yaradan qurumlarından biridir.

21.09.2021Digər
Orxan Məmmədov: "Hər bir əməkdaşımıza 1000 dollaradək fərdi inkişaf büdcəsi ayrılıb"

Son 8 ay ərzində 40-a yaxın əməkdaşımız beynəlxalq sertifikat əldə edib. 1500-dən çox əməkdaş isə ümumilikdə 200 saata yaxın fərdi inkişaf təliminə cəlb edilib.

Dünya az qala işıq sürəti ilə dəyişir və inkişaf edir. Bu dəyişikliyə uyğunlaşmaq üçün bilik və bacarıqların daim cilalanmasına, yenilənməsinə ehtiyac var. Odur ki, inkişafına sərmayə yatırılan insanlar müasir trendlər və ən yaxşı təcrübələr haqqında daha məlumatlı olurlar. Əməkdaşlarının inkişafına şərait yaradan şirkətlər isə həm işçi bağlılığını artıra, həm də ən yaxşı istedadları şirkətə cəlb edə bilirlər. Veysəloğlu Şirkətlər Qrupunun Təlim və İnkişaf şöbəsinin müdiri Orxan Məmmədovun əməkdaşların fərdi inkişaf imkanları barədə APA-ya verdiyi müsahibəsini təqdim edirik.

- Orxan bəy, Veysəloğlu Şirkətlər Qrupu 17 mindən çox əməkdaş sayı ilə ölkənin ən iri iş yerlərindən biridir. Maraqlıdır, belə böyük şirkətdə əməkdaşların şəxsi və peşəkar inkişafları üçün hansı proqramlar mövcuddur?

- Daim böyüyən bir şirkət üçün əməkdaşların müasir trendlərlə ayaqlaşması, hətta bəzən bu trendləri yarada bilməsi şərtdir. Biz də bunun fərqindəyik və əməkdaşların inkişafı məsələsinə xüsusi diqqət ayırırıq. Öncəliklə onu qeyd edim ki, komandamıza yeni qoşulan hər bir əməkdaş iş mühitinə tez uyğunlaşmasına və prosesləri mənimsəməsinə dəstək üçün xüsusi olaraq oriyentasiya proqramında iştirak edir. Bundan əlavə, mövcud heyətin bilik və bacarıqlarının artırılması üçün bir sıra təlimlər təşkil olunur. Veysəloğlu Təlim və İnkişaf Mərkəzində demək olar ki, hər gün satış, müştəri məmnuniyyəti, keyfiyyət, əməyin təhlükəsizliyi və digər mövzularda təlim sessiyaları təşkil edilir.

- Qeyd etdiyiniz təlim proqramları şirkətdə çalışan bütün əməkdaşlar üçün nəzərdə tutulubmu?

- Əvvəla onu deyim ki, istisnasız hər bir əməkdaşın təlim büdcəsindən yararlanması üçün daim təbliğat işləri aparır, öyrənməyə meylli əməkdaşlarımızı dəyərləndiririk. Öyrənmək və İnkişaf siyasətimizə əsasən təlimləri iki qrupa ayırmışıq. Mütləq təlimlər və fərdi inkişaf təlimləri. Mütləq təlimlər müəyyən vəzifə sahiblərinin ölkə qanunvericiliyinin, daxili qaydaların, proses və standartların tələbinə əsasən iştirak etməli olduqları təlimlərdir. Nümunə üçün, qeyd edim ki, son 3 ayda 30-dan çox struktur rəhbərinə “əməyin mühafizəsi üzrə əmək qanunvericiliyinin tələbləri”, “elektrik təhlükəsizliyi”, “ilk tibbi yardım”, “fövqəladə hallara hazırlıq və davranış” kimi mövzularda toplamda 20 saatdan çox SƏTƏM istiqamətli mütləq təlimlər təşkil edilmişdir. Məqsəd əməkdaşlarımıza rəhbərlik etdikləri strukturlar üzrə işi təşkil edərkən bütün təhlükəsizlik qaydalarını nəzərə almalarını, işçilərin sağlamlığını və əməyin mühafizəsini diqqətdə saxlamalarını təmin edəcək bilik və bacarıqları ötürməkdir.

Fərdi inkişaf təlimləri isə əməkdaşların mövcud və gələcək karyera hədəflərinə çatmalarına təkan verən səriştələrinin artırılması məqsədi ilə təqdim edilir. Bu təlim kateqoriyası şirkətimizdə çalışan hər kəs üçün əlçatandır və vəzifə dərəcəsindən asılı olmayaraq bütün əməkdaşlarımız bu imkandan yararlana bilərlər. Hər bir əməkdaşımıza illik 1000 ABŞ dollarına qədər fərdi inkişaf təlimlərindən yararlanma imkanı yaradılır. Qeyd edim ki, yalnız bu il daxil olan müraciətlər əsasında 1500-dən çox əməkdaş ümumilikdə 200 saata yaxın fərdi inkişaf təliminə cəlb edilib.

- Şirkət əməkdaşlarına beynəlxalq sertifikatlar almaqda hansı dəstəyi göstərir?

- Beynəlxalq təcrübəni öyrənmək məqsədilə əməkdaşlarımıza çalışdıqları sahələr üzrə tanınmış beynəlxalq institutların təqdim etdiyi sertifikasiya proqramlarını öyrənmələrinə dəstək göstəririk. Qeyd edim ki, yalnız bu il ərzində 40-ya yaxın əməkdaş beynəlxalq sertifikat əldə edib. Bu günə kimi əməkdaşlarımız informasiya texnologiyaları (ITIL, CCNA, Cisco, Microsoft Azure və s.), maliyyə (ACCA), insan resursları (SHRM) və digər sahələr üzrə tanınmış beynəlxalq sertifikat imtahanlarından uğurla keçiblər.

- Bu biliklər əməkdaşlara yerli və qlobal bazarda fəaliyyət üçün hansı imkanları təqdim edir?

- Öyrənmək dedikdə yalnız formal təlimləri nəzərdə tutmuruq. Əslində təlimdə öyrənilən bilik və bacarıqların aktiv qalmasının effektiv metodlardan biri əməkdaşların rəhbərləri və mentorları ilə birgə çalışmaq, öyrəniləni tətbiq etməkdir. Bu gün Veysəloğlu Şirkətlər Qrupunda həm yerli, həm də beynəlxalq təcrübəyə malik peşəkarlar çalışmaqdadır. Bu isə bütün əməkdaşların dolayısı ilə fərdi olaraq inkişafına təkan verir, həm də şirkət daxilində karyera imkanlarını genişləndirir.

15.09.2021Təhsilə dəstək
44 gəncin ali təhsil almasına dəstək göstərmişik

Korporativ sosial məsuliyyət strategiyasına uyğun olaraq, təhsilə dəstək əsas prioritet istiqamətlərimizdəndir. Belə ki, Veysəloğlu Şirkətlər Qrupu 2018/2019 və 2019/2020-ci təhsil ilində “Gələcəyini Qur!” Gəncliyə Dəstək Layihəsi çərçivəsində Bakı və regionlarda yaşayan və ali məktəblərdə təhsil almaq arzusunda olan 44 gəncin biliklərinin artırılmasına və yüksək təhsil əldə etmələrinə imkan yaradıb.

Qeyd edək ki, ali təhsil müəssisələrinə qəbul imtahanlarında Veysəloğlu Şirkətlər Qrupunun dəstəklədiyi şagirdlər yüksək nəticələr göstərərək tələbə adını qazanıblar və hazırda Bakı Mühəndislik Universiteti, Milli Aviasiya Akademiyası, Azərbaycan Dövlət Neft və Sənaye Universiteti, Bakı Dövlət Universiteti, Azərbaycan Tibb Universiteti və Azərbaycan Texniki Universitetinin tələbələridirlər.

Şirkətlər Qrupu korporativ sosial məsuliyyət (KSM) fəaliyyəti çərçivəsində həmçinin idman, xeyriyyəçilik və vətənsevərlik sahələrdə əhəmiyyətli layihələr həyata keçirir.

27 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu topdan satış/distribusiya, pərakəndə, istehsalat və logistika sahələrində fəaliyyət göstərir. Bu gün Veysəloğlu Şirkətlər Qrupu 17 mindən çox əməkdaş sayı ilə Azərbaycanın ən iri iş yeri imkanı yaradan qurumlarından biridir.

06.09.2021Digər
Avqust ayı üzrə Pərakəndə İndeksini açıqladıq

Müştərilərimizin ən çox satın aldığı 4317 adda məhsulu nəzərə alaraq hazırladığımız aylıq pərakəndə satış indeksini növbəti ayın 6-cı iş günü ictimaiyyət və maliyyə qurumları ilə paylaşırıq. Bu siyahıya təzə qida (qısamüddətli istifadəyə yararlı istehlak məhsulları), qida və spirtsiz içkilər, həmçinin spirtli içkilər və tütün məmulatları daxildir. İndeksin hesablanması zamanı hər kateqoriyaya satış miqdarlarına görə ağırlıq verilir. Nəticədə məhsulların orta illik və aylıq qiymət dəyişikliyi tempini izləmək mümkün olur.

“Veysəloğlu Pərakəndə İndeksi”nə daxil edilən məhsulların qiymətində 2021-ci ilin avqust ayında 2020-ci ilin avqust ayı ilə müqayisədə 6,1% artım müşahidə edilir. Belə ki, cari ilin avqust ayında ötən ilin avqust ayı ilə müqayisədə təzə qida məhsullarında (qısa müddətli istifadəyə yararlı istehlak məhsulları) 4,0%, qida və spirtsiz içkilərdə 8,5%, alkoqol və tütün məmulatlarında isə 5,6% artım olub.

Veysəloğlu Şirkətlər Qrupunun missiyası cəmiyyəti təmiz, sağlam, münasib qiymət və keyfiyyətə gündəlik istehlak malları ilə təmin etməkdir. Təqdim olunan pərakəndə satış indeksi göstəricilərinə əsasən aydın olur ki, Şirkətlər Qrupu bazarda münasib və maksimum sabit qiymət siyasəti aparmaqla öz missiyasına xidmət edir.

27 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu topdansatış/distribusiya, pərakəndə, istehsalat, logistika sahələrində fəaliyyət göstərir. Bu gün Veysəloğlu Şirkətlər Qrupu 17 mindən çox  əməkdaş sayı ilə Azərbaycanın ən iri iş yeri imkanı yaradan qurumlarından biridir.

01.09.2021Digər
Son 3 ayda 5 min ton məhsulu tarladan birbaşa rəflərə gətirdik

"Tarladan rəfə" prinsipinə sadiq qalaraq əhalinin yerli və təbii məhsullarla təminatını davam etdiririk.
Belə ki, 2021-ci ilin may ayından etibarən fəaliyyətə başlayan Meyvə-Tərəvəz satınalma şirkətimiz kənd təsərrüfatı məhsullarının birbaşa fermerdən alışını həyata keçirir. Şirkətin hədəfi əhalinin uyğun qiymətə və təbii məhsullarla təmin edilməsi, həmçinin ölkənin əkinçilik potensialının tam olaraq üzə çıxarılması və kiçik və orta təsərrüfat subyektlərinə dəstək olmaqdır.

İlkin mərhələdə Şəki-Zaqatala, Gəncə-Qazax, Aran iqtisadi rayonlarında fəaliyyət başlanılıb. Belə ki, artıq Veysəloğlu Şirkətlər Qrupuna aid supermarket və marketlərin soğan ehtiyacının 98%-i (təqribən 1 400 ton), kartofun 95%-i (təqribən 2 000 ton) və kökün 100%-i (200 ton) birbaşa fermer təsərrüfatlarından alınaraq ödənilir.

Veysəloğlu Şirkətlər Qrupu hazırda 62 aktiv kənd təsərrüfatı subyektindən məhsul alışları həyata keçirir. Qeyd edək ki, regionlar üzrə ümumilikdə 170-dən çox əkin sahəsində fermerlərlə əməkdaşlıq imkanları müzakirə edilib, həmçinin növbəti mövsüm üçün razılıq əldə olunub.

Son 3 ayda təqribən 1.5 milyon manat (5 000 ton) dəyəri olan meyvə-tərəvəz çeşidlərinin birbaşa təsərrüfat subyektləri üzərindən alışları baş tutub. Xüsusi ilə bildirək ki, soğan, kök, kartof, sarımsaq, şaftalı, gavalı, alma, armud və gilas növləri üzrə məhsulların birbaşa kəndlidən alışı həyata keçirildiyi üçün istehlakçılar qiymət və yerli dad meyarı üzrə bu fərqi anlaya bilərlər.

Onu da bildirək ki, Şirkətlər Qrupu logistik əməliyyatların səmərəli və effektiv təşkili üçün ilkin mərhələdə kartof və soğan məhsullarının qəbulu, saxlanılması və çatdırılması məqsədi ilə Mingəçevir və Salyan rayonlarda yerli saxlama məntəqələrini istifadəyə verib.

Öz məhsullarının Veysəloğlu Şirkətlər Qrupuna daxil olan "Araz" supermarket və "Oba" marketlər şəbəkəsində birbaşa satılmasını istəyən fermerlər +994 55 900 67 74 əlaqə nömrəsinə müraciət edə bilərlər.

27 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu topdan satış/distribusiya, pərakəndə, istehsalat, logistika sahələrində fəaliyyət göstərir. Bu gün Veysəloğlu Şirkətlər Qrupu 17 mindən çox əməkdaş sayı ilə Azərbaycanın ən iri iş yeri imkanı yaradan qurumlarından biridir.

17.08.2021Digər
İyul ayı üzrə Pərakəndə İndeksini açıqladıq

“Veysəloğlu Pərakəndə İndeksi”nə daxil edilən məhsulların qiymətində 2020-ci ilin iyul ayı ilə müqayisədə 2021-ci ilin iyul ayında 4,8% artım müşahidə edilir. Belə ki, 2021-ci il iyul ayında 2020-ci ilin iyul ayı ilə müqayisədə təzə qida məhsullarında 1,2%, qida və spirtsiz içkilərdə 8,2%, alkoqol və tütün məmulatlarında isə 5,5% artım olub.

İndeks göstəricilərinə Veysəloğlu Şirkətlər Qrupunda istehlak məqsədi ilə məhsul alan bütün müştərilərin ən çox aldığı 4317 məhsul daxil edilib. Bu siyahıya qısamüddətli istifadəyə yararlı istehlak məhsulları (təzə qida), qida, spirtli və spirtsiz içkilər, həmçinin tütün məmulatları daxildir. İndeksin hesablanması zamanı satış miqdarlarına görə hər kateqoriyaya ağırlıq verilir. Nəticədə müştərilərin orta illik və aylıq qiymət dəyişikliyi tempini izləmək mümkün olur.

“Veysəloğlu Pərakəndə İndeksi” vasitəsilə məlumatları ictimaiyyətlə açıq paylaşmaqla müştərilərə istehlak səbətlərini planlayan zaman dəstək olmağı hədəfləyən Şirkətlər Qrupu bazarda münasib və maksimum sabit qiymət siyasəti aparmaqla öz missiyasına sadiqliyini nümayiş etdirir.

19.07.2021Digər
“Rəqəmsal dünyada medianın rolu” mövzusunda seminar təşkil etdik

Azərbaycanda Milli Mətbuatın yaradılmasının 146-cı ili ərəfəsində media nümayəndələrinin iştirakı ilə “Rəqəmsal dünyada medianın rolu” mövzusunda seminar təşkil etdik.

Türkiyədən dəvət edilən tanınmış ekspert və jurnalist Rahim AK və yeni texnologiyaların mediada tətbiqi üzrə ekspert Fərid Pərdəşünasın iştirakı ilə baş tutan seminarda rəqəmsallaşan dünyada medianın rolu, koronavirus pandemiyası şəraitində informasiya ilə işləmək, ənənəvi və rəqəmsal medianın xüsusiyyətləri müzakirə edildi.

Tədbirdə Veysəloğlu Şirkətlər Qrupunun Müşahidə Şurasının sədri Aydın Talıbov, Şirkətlər Qrupunun nümayəndələri və Həsən bəy Zərdabi irsinin davamçısı, iqtisadçı alim Nüsrət Məlikov iştirak edirdilər.

Qonaqları salamlayan Müşahidə Şurasının sədri Aydın Talıbov media nümayəndələrini qarşıdan gələn peşə bayramları münasibəti ilə təbrik etdi. O, həmçinin Veysəloğlu Şirkətlər Qrupunun ölkə iqtisadiyyatının inkişafında, yeni iş yerlərinin açılmasında, yerli istehsalçıların və fermerlərin dəstəklənməsində rolu və gələcək planlar barədə məlumat verdi.

Tədbirdə həmçinin “Veysəloğlu Pərakəndə İndeksi” layihəsi təqdim olundu. Belə ki, Veysəloğlu Şirkətlər Qrupuna aid pərakəndə satış şirkətlərinin 2019, 2020 və 2021-ci illərin ilk altı ayını əhatə edən ərzaq məhsulları, içkilər və tütün məmulatları üzrə satış qiymətləri indeksi media nümayəndələrinin diqqətinə çatdırıldı.

27 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu topdan satış/distribusiya (“Veysəloğlu” MMC), pərakəndə (“Araz” supermarketlər şəbəkəsi, “OBA” marketlər şəbəkəsi), istehsalat (“Ulduz” şokolad fabriki), logistika (“AVT” Logistics) kimi sahələrdə fəaliyyət göstərir. Bu gün Veysəloğlu Şirkətlər Qrupu 17 mindən çox əməkdaş sayı ilə Azərbaycanın ən iri iş yeri imkanı yaradan qurumlarından biridir. Şirkətlər Qrupu günlük olaraq 533 minə yaxın müştəriyə xidmət edir.

19.07.2021Digər
“Veysəloğlu Pərakəndə İndeksi” layihəsi təqdim olundu

Aylıq təqdim edilməsi nəzərdə tutulan “Veysəloğlu Pərakəndə İndeksi” ərzaq məhsullarının alt kateqoriyalar üzrə də qiymət dəyişikliklərini izləməyə və əhaliyə ailə büdcəsini sistemli şəkildə idarə etməyə imkan yaradacaq.

İndeks göstəricilərinə Veysəloğlu Şirkətlər Qrupunda istehlak məqsədi ilə məhsul alan bütün müştərilərin ən çox aldığı məhsullar daxil edilib.

Veysəloğlu Şirkətlər Qrupunun missiyası cəmiyyəti təmiz, sağlam, münasib qiymət və keyfiyyətə gündəlik istehlak malları ilə təmin etməkdir. Təqdim olunan pərakəndə satış indeksi göstəricilərinə əsasən aydın olur ki, Şirkətlər Qrupu bazarda münasib və maksimum sabit qiymət siyasəti aparmaqla öz missiyasına xidmət edir.

İndeksə satış həcminə görə 2018-ci ilin yanvar ayından etibarən hər ay satışı olan 4317 məhsul daxil edilir. Bu siyahıya qısa müddətli istifadəyə yararlı istehlak məhsulları (təzə qida), qida, spirtli və spirtsiz içkilər, həmçinin tütün məmulatları daxildir. İndeksin hesablanması zamanı satış miqdarlarına görə hər kateqoriyaya ağırlıq veririlir. Nəticədə müştərilərin orta illik və aylıq qiymət dəyişikliyi tempini izləmək mümkün olur.

“Veysəloğlu Pərakəndə İndeksi”də qeyd edilən məhsulların qiymətində 2021-ci ilin may ayında 2020-ci ilin may ayı ilə müqayisədə 4.1% artım müşahidə edilir.

İndeksin alt kateqoriyalar üzrə qiymət dəyişikliklərinə gəldikdə isə 2021-ci il mayın ayında 2020-ci ilin may ayı ilə müqayisədə təzə qida məhsullarında 0,3% artım, qida və spirtsiz içkilərdə 6,9% artım, alkoqol və tütün məmulatlarında isə 7,8% artım olub.

Şirkətlər Qrupu qeyd edilən məlumatları ictimaiyyətlə açıq paylaşmaqla müştərilərinə öz istehlak səbətlərini planlayan zaman dəstək olmağı hədəfləyir.

‘Veysəloğlu Pərakəndə İndeksi” məlumatlarının hər ay yenilənərək ictimaiyyətə təqdim olunması nəzərdə tutulur.

14.07.2021Təhsilə dəstək
Gənc kadrların yetişdirilməsinə dəstəyi davam etdiririk

Gənc kadrların yetişdirilməsinə dəstəyi davam etdiririk. Bu istiqamətdə icra etdiyimiz “Veysəloğlu ilə İlk Addım” (VİA) təcrübə proqramının növbəti buraxılışına start verilib.

Bu il üçüncüsü həyata keçirilən proqram çərçivəsində Azərbaycanın universitetlərində təhsilini yeni tamamlamış istedadlı gənclər sınaqlardan keçdikdən sonra Veysəloğlu Şirkətlər Qrupunda VİA proqramında iştirak imkanı qazanıblar.

Layihənin əsas məqsədi gənclərin universitetlərdə öyrəndikləri nəzəri bilikləri real iş şəraitində tətbiq etmələrinə imkan yaradaraq müasir əmək bazarının tələblərinə uyğun gənc kadrların yetişdirilməsinə dəstək olmaqdır.

5 ay davam edəcək təcrübə proqramı müddətində iştirakçılar şirkətlər qrupu və qrupa daxil olan bizneslərin bütün strukturlarında təcrübə qazanacaq, iş prosesi ilə yaxından tanış olacaq, texniki və qeyri-texniki bacarıqlarını artıra biləcəkləri təlimlərə cəlb ediləcək və peşəkarlar onlara biznesin xüsusiyyətləri ilə bağlı “nau-hau” ötürəcəklər.

Sonda layihə iştirakçılarına əldə etdikləri məlumatlar işığında karyera seçimi imkanı verilir.26 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu topdan satış/distribusiya (“Veysəloğlu” MMC), pərakəndə (“Araz” supermarketlər şəbəkəsi, “OBA” marketlər şəbəkəsi), istehsalat (“Ulduz” şokolad fabriki), logistika (“AVT” Logistics) kimi sahələrdə fəaliyyət göstərir. Hazırda qrupda 17 mindən çox əməkdaş çalışır.

21.05.2021Digər
Meyvə-tərəvəz məhsullarını tarladan birbaşa mağaza rəflərinə gətiririk

“Tarladan süfrəyə” prinsipini əsas alaraq əhalinin etibarlı ərzaq təminatı və qida məhsullarından səmərəli istifadəsini dəstəkləyən təşəbbüsləri davam etdiririk.

Veysəloğu Şirkətlər Qrupu pərakəndə şirkətləri üçün meyvə-tərəvəzin birbaşa fermerdən alışını həyata keçirəcək Meyvə-Tərəvəz satınalma şirkəti təsis edib.

Şirkətin icraçı direktoru Emil Qarayev bildirib ki, müəssisənin yaradılmasında əsas məqsəd meyvə-tərəvəz məhsullarının birbaşa kənd təsərrüfatı subyektlərindən alışını təmin etmək və məhsulları tarladan “soyuq zəncir” standartlarını tətbiq etməklə keyfiyyətli və daha münasib qiymətə istehlakçılara çatdırmaqdır:

“Ölkəmizin iqtisadi rayonlarında bütün təsərrüfat sahələri üzrə məhsul dəyərləndirilməsi edərək kiçik kənd təsərrüfatı subyektlərinin iri həcmli məhsul təchizatçısına çevrilməsinə dəstək olmağı əsas götürmüşük. Məqsədimiz “Tarladan süfrəyə” prinsipi ilə tədarük zəncirini yaratmaq və məhsulların çatdırılma müddətini qısaldaraq rəflərə çıxarmaqdır”.

Bu təşəbbüs sayəsində yerli kənd təsərrüfatı subyektləri öz məhsullarını daha geniş satış şəbəkəsinə birbaşa təqdimetmə fürsəti əldə edəcəklər, həm də təbii, keyfiyyətli və münasib qiymətli məhsullar müştərilər üçün daha əlçatan olacaq.

Fermerlər öz məhsullarını təqdim etmək üçün şirkətin satınalma ofisinin +994559006774 nömrəsi ilə əlaqə saxlaya bilərlər.

27 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu aşağıdakı sahələrdə fəaliyyət göstərir: Topdan satış/distribusiya, pərakəndə, istehsalat, logistika.

06.01.2021İdmana dəstək
Sponsoru olduğumuz şahmatçı daha bir uğur qazandı

Chess.az saytının “Facebook” səhifəsində “İlin Şahmatçısı” nominasiyası üzrə səsvermə keçirilib. Səsvermədə şahmatçılar və bu idman növü ilə maraqlanan izləyicilər iştirak ediblər. Daha çox səs toplayan beynəlxalq dərəcəli qrossmeysterlərimiz Teymur Rəcəbov və Şəhriyar Məmmədyarov “İlin Şahmatçısı” nominasiyası üzrə qalib olublar.

Səsvermədə 2013-cü ildən sponsorluq edərək dəstəklədiyimiz 15 yaşlı şahmatçı Aydın Süleymanlı isə “İlin ən yaxşı gənc Şahmatçısı” seçilib. Qeyd edək ki, Aydın Süleymanlı 2014-cü ildə blits və rapid növü üzrə keçirilmiş Avropa çempionatında bütün rəqiblərini üstələyərək həm blits, həm də rapiddə 10 yaşlı oğlanlar arasında birinci olub. O, 2017-ci ildə isə Rumıniyanın Mamaya şəhərində 12 yaşlı oğlanlar arasında Avropa çempionu, 2019-cu ildə isə Hindistanın Mumbay şəhərində dünya çempionu adını qazanıb. A.Süleymanlı 2019-cu ilin noyabrında Azərbaycanın gənclərdən ibarət şahmat üzrə yığma komandasının heyətində Türkiyənin Çorum şəhərində keçirilmiş 16 yaşadək şahmatçılar arasında Dünya Şahmat Olimpiadasının, ötən il isə Moskvada “Aeroflot open” beynəlxalq şahmat festivalında A turnirinin qalibi olub.

Xatırladaq ki, Veysəloğlu Şirkətlər Qrupu idmanla yanaşı, korporativ sosial məsuliyyət (KSM) layihələri çərçivəsində şəhid ailələrinə, Qarabağ müharibəsi veteranları və əlillərinə, həmçinin təhsil sahəsində dəstək xarakterli fəaliyyətini də davam etdirir.

15.12.2020Vətənsevərlik
İkinci Qarabağ müharibəsində 637 əməkdaşımız iştirak etdi

Səfərbərlik və Hərbi Xidmətə Çağırış üzrə Dövlət Xidməti tərəfindən hərbi toplanışlara və Qarabağ uğrunda İkinci Vətən müharibəsinin başlanması səbəbindən Azərbaycanda qismən səfərbərlik elan edilməsi ilə əlaqədar olaraq, ehtiyatda olan hərbi vəzifəlilərin çağırışına əməkdaşlarımız da dərhal cavab reaksiyası verib.

637 əməkdaşımız döyüş bölgələrinə yollanıb. Onlardan 12 nəfəri torpaqlarımızın azad olunması uğrunda gedən döyüşlərdə şəhid olub, 1 nəfər itkin düşüb. Hərbi əməliyyatlar zamanı yaralanan 24 nəfər əməkdaşın isə tibb müəssisələrində müalicələri davam etdirilir. Qeyd edək ki, rəhbərliyin qərarına görə, özəl klinikalarla mövcud müqavilə əsasında Şirkətlər Qrupunun Qarabağ döyüşlərində iştirak edərək xəsarət almış və müalicəyə ehtiyacı olan əməkdaşlarına, həmçinin onların ailə üzvlərinə hərtərəfli tibbi xidmət göstərilir. Onlar üçün xidmət tamamilə ödənişsiz, Şirkətlər Qrupunun hesabına həyata keçirilir. Onu da əlavə edək ki, Veysəloğlu Şirkətləri Qrupu qanunvericiliyə müvafiq olaraq hərbi mükəlləfiyyətlə bağlı vəzifələrin yerinə yetirilməsi üçün çağırılan əməkdaşlarımızın iş yeri, vəzifəsi saxlanılmaqla onlara orta əmək haqqının ödənilməsini təmin edir.

Xatırladaq ki, Veysəloğlu Şirkətlər Qrupu korporativ sosial məsuliyyət (KSM) layihələri çərçivəsində ölkə üzrə şəhid ailələrinə, Qarabağ müharibəsi veteranlarına və əlillərinə dəstək məqsədilə həyata keçirdiyi çoxsaylı layihələrinin icrasını da davam etdirir.

23.10.2020Vətənsevərlik
Ordu ilə yanaşı, cəbhə xəttində zərər çəkmiş əhaliyə də dəstək göstəririk

Hazırda rəşadətli Azərbaycan Ordusu torpaqlarımızın işğaldan azad olunması uğrunda döyüşlərdə düşməni ağır məğlubiyyətə uğratmaqda davam edir. Lakin Ermənistan silahlı bölmələrinin davam edən təxribatları, mülki obyektlərə raket və artilleriya zərbələri nəticəsində cəbhə xəttində yerləşən rayon və kəndlərimiz, mülki əhalimiz ciddi zərər görür.
Bunu nəzərə alaraq, ordumuzla yanaşı cəbhə xəttində zərər çəkmiş mülki əhaliyə də dəstəyi davam etdiririk. Bu dəfə Şirkətlər Qrupu Azərbaycan Sahibkarlar Konfederasiyasının (ASK) koordinatorluğu ilə Ağcabədi və Bərdə rayonlarında təmas xəttində yaşayan əhaliyə ərzaq və qeyri-ərzaq məhsulları ilə yardım edib. Yardımın əhaliyə mərkəzləşdirilmiş və sistemli şəkildə çatdırılması məqsədilə məhsullar adıçəkilən rayonların yerli icra hakimiyyəti orqanlarına təhvil verilib. Veysəloğlu Şirkətlər Qrupu bir daha bəyan edir ki, bundan sonra da xalqımıza, ordumuza dəstəyini davam etdirəcək.

Qeyd edək ki, Şirkətlər Qrupu tərəfindən ordumuza dəstək çərçivəsində Silahlı Qüvvələrə Yardım Fonduna 1 milyon AZN vəsait köçürülüb. Bundan əlavə, qrupa daxil olan şirkətlər tərəfindən müdafiə xarakterli obyektlərin möhkəmləndirilməsi və digər məqsədlər üçün yüzlərlə avtomobil şinləri, taxta paletlər, eyni zamanda hərbi səfərbərlik şəraitində istifadə edilməsi üçün onlarla nəqliyyat vasitəsi hərbi hissələrə və müvafiq dövlət strukturlarına təhvil verilib. Xatırladaq ki, Veysəloğlu Şirkətlər Qrupu korporativ sosial məsuliyyət layihələri çərçivəsində şəhid ailələri, Qarabağ qaziləri və əlillərinə də mütəmadi olaraq maddi-mənəvi dəstəyini davam etdirir.

14.10.2020Təhsilə dəstək
Dəstək olduğumuz gənclərdən 22 nəfər tələbə adını qazandı

Aztəminatlı ailələrdən olan gənclərin təhsil almalarına dəstək üçün həyata keçirilən “Gələcəyini Qur!” Gəncliyə Dəstək Layihəsində iştirakı davam etdiririk. Layihə çərçivəsində artıq ikinci ildir ki, Bakı və regionlarda yaşayan yüksək intellektual qabiliyyətli və ali məktəblərdə təhsil almaq arzusunda olan gənclərin biliklərinin artırılmasına və ali təhsilə yiyələnməsinə imkan yaradılır.

Veysəloğlu Şirkətlər Qrupu 2019/2020-ci tədris ilində Hacıqabul və Yevlax rayonlarında imkansız ailələrdən olan 24 gəncin təhsil almasına maddi dəstək göstərib. İyul-avqust aylarında ali məktəblərə qəbul üzrə keçirilən imtahanlarda gənclərdən 19-u yüksək nəticə göstərərək birbaşa ali təhsil müəssisələrinə qəbul olub. Digər gənclər isə tam (11 illik) orta təhsil bazasında kolleclərə qəbul üçün keçirilən müsabiqədə iştirak edib. Onlardan 3-ü müsbət nəticə göstərərək müxtəlif kolleclərə qəbul olunub. Bununla da bu il Veysəloğlu Şirkətlər Qrupunun dəstəklədiyi gənclərdən tələbə adı qazananların sayı 22-yə çatıb.

Qeyd edək ki, Veysəloğlu Şirkətlər Qrupu 2018/2019-cu tədris ilindən bu təşəbbüsə qoşulub. Həmin tədris ilində ali təhsil müəssisələrinə qəbul imtahanlarında Şirkətlər Qrupunun dəstəklədiyi 20 şagirdin hamısı yüksək nəticələr göstərərək tələbə adını qazanıb və hazırda müxtəlif universitetlərdə dövlət sifarişli (ödənişsiz) əsaslarla təhsil alır. Şirkətlər Qrupu indiyə qədər 44 gəncin təhsil almasına ümumilikdə 90 min AZN-ə qədər vəsait xərcləyib. Xatırladaq ki, “Gələcəyini Qur!” layihəsinin əsas məqsədi aztəminatlı ailələrdən olan yüksək bilik və bacarığa malik gənclərin həyatda uğur əldə etmələrinə dəstək və töhfə vermək, bununla da Azərbaycan cəmiyyətinə savadlı və sağlam düşüncəli gənclər qazandırmaqdır. Layihə çərçivəsində ali məktəblərə hazırlıqla yanaşı, gənclərə psixoloji dəstək göstərilir, onların hərtərəfli inkişafına yönəlmiş müxtəlif tədbirlər həyata keçirilir.